Donated breast milk Te waiū i kohaina

Whakamahia ai ngā pūranga waiū i ngā hōhipera ki te āwhina ki te whāngai i ngā pēpi whānau kokoti tau me ngā pēpi e māuiui ana kei ngā Taiwhanga Whāomoomo Piripoho Hou (ngā NICU).

Ko tā ngā NICU he akiaki me te tautoko i ngā māmā me ngā mātua whakawhānau ki te whāngote, ki te kutē rānei i ā rātou ake waiū hei whāngai i ā rātou ake piripoho. Hei ngā wā kāore e wātea, kāore i rawaka rānei te waiū ake a ngā mātua whakawhānau hei whāngai i te pēpi, tērā pea he kōwhiringa pai te waiū i kohaina. I te nuinga o te wā, he ōrite te pakeke o te pēpi a te kaitakoha. Kua oti i te hōhipera te mātai i kaitakoha mō ngā mate poke me ngā mōrearea kātū noho.

E whakaatu ana ngā rangahau he nui te hua ka whiwhi i ngā pēpi kokoti tau i te waiū a tōna whaea. E whakaatu ana hoki i te pai o te waiū i kohaina kua tāweratia, mā ngā pēpi whakaraerae.

Ina pā tēnei āhuatanga ki a koe, ka tautokona, ka arahina hoki koe e tō kaiwhakawhānau ki ngā kōwhiringa katoa e wātea ana. Kei a koe te tikanga o te āhua whāngai i tō pēpi.

Ngā pūranga waiū i kohaina

Kua whakaritea e ētahi hōhipera me ngā pokapū whakawhānau ngā pūranga waiū i kohaina. Ka mātaitia ngā kaitakoha, ā, ka huihuitia te waiū i kohaina, ā, ka tāweratia.

Pūranga Waiū Tangata — Waitaha

Paetukutuku: Pūranga Waiū Tangata — Waitaha (external link)↗

Waea: 021 241 2931

Pātaka Miraka Mothers Milk Bank – Te Whanganui-a-Tara

Ka taea e ngā kaitakoha te whakapā atu ki te Pātaka Miraka mā te īmēra, te waea rānei.

Īmēra: PatakaMirakaMilkBank@cchdb.org.nz

Waea, pātuhi rānei: 021 199 8493

Whāngai Ora Milk Bank – MidCentral

Paetukutuku: Whāngai Ora Milk Bank — Midcentral (external link)↗

Neke atu i te 82% o ngā mātua whakawhānau kei te whāngote i ā rātou pēpi hei te wehenga i te hōhipera. Ko ngā mātua whakawhānau kāore e taea te whāngote, ka hiahia pea ki te whāngai i te waiū i kohaina ki tā rātou pēpi, kaua ko te waiū ā-paura. Mō te hunga ka whakamahi i te waiū i kohaina, tērā pea:

• nā tētahi mātua whāngote e mōhio ana rātou i tuku
• ka hono ake ki tētahi kaitakoha mā roto i ngā rōpū tiri waiū ōpaki.

He nui ngā hua o te waiū. Engari mēnā kei te whai whakaaro koe ki te whakamahi i te waiū i kohaina mā tō pēpi, me mōhio koe ki ngā tūpono mōrearea.

Ngā tūpono mōrearea o te waiū i kohaina

• Kāore i tāweratia ngā waiū nō tētahi atu wāhi ehara i te pūranga waiū, hei patu i ngā huakita me ngā huaketo.
• Pērā ki te toto i kohaina, he huaketo, he huakita, he matū pea kei roto i te waiū i kohaina, pēnei i te nikotīni, mehemea he kaipaipa te kaitakoha.
• Tērā pea he rongoā waiwai e kaingia ana e te kaitakoha kei roto i te waiū i kohaina, ā, tērā pea ka pāngia tō pēpi.

Hei whakatūpatotanga, mēnā kei te whai whakaaro koe ki te whakamahi waiū i kohaina, i ngā wā katoa me:

• titiro i te tūnga hauora o te kaitakoha
• mātua whakarite kia haumaru, kia akuaku hoki te tikanga kohi i te waiū.

Mō ētahi tohutohu, kōrero ki tō mātanga whakawhānau, ki tō nēhi Tamariki Ora rānei.