Proof of COVID-19 vaccination Ngā whakaaturanga o te werohanga KOWHEORI-19
Tiwhikete Werohanga Hāereere ki Tāwāhi
Te wā me whiwhi pea koe
Mēnā kei te haere koe ki tāwāhi, ā, me mātua whakaatu koe i tō tūnga werohanga KOWHEORI-19, me whiwhi koe i tētahi Tiwhikete Werohanga Hāereere ki Tāwāhi.
E wātea ana tēnei tiwhikete ki te hunga 5 tau, pakeke atu rānei kua whiwhi i tētahi pota kano ārai mate KOWHEORI-19 i Aotearoa.
Ka tūtohu hoki mātau kia tīkina ake he kape o ō pūkete werohanga KOWHEORI-19 mai i My Covid Record hei whakamahi i te taha o tō Tiwhikete Werohanga Hāereere ki Tāwāhi.
He aha ngā mōhiohio kei runga
He waehere QR kei tō Tiwhikete Werohanga Hāereere ki Tāwāhi me ngā mōhiohio mō ngā pota kano ārai mate KOWHEORI-19 i whiwhi koe i Aotearoa.
Me mātua ōrite ngā taipitopito i runga ki tō uruwhenua — ka taea e koe te arotake ēnei ina tono koe i te tiwhikete.
E ū ana te Tiwhikete Werohanga Hāereere ki Tāwāhi ki ngā paerewa Tiwhikete KOWHEORI Matihiko o te EU.
E whaimana ana tēnei mō te 12 marama.
Mēnā i whiwhi koe i tētahi werohanga KOWHEORI-19 i tāwāhi
Ka āhei ngā tāngata o Aotearoa i whiwhi wero i tāwāhi te tono mō tētahi Tiwhikete o Aotearoa Hāereere ki Tāwāhi. E hāngai anake tēnei mēnā kāore e taea e koe te whiwhi tētahi tiwhikete hāereere ki tāwāhi whaimana mai i te whenua i whiwhi koe i ō werohanga.
Kia tutuki ai tēnei me mātua:
- kirirarau koe nō Aotearoa, kainoho tūturu rānei
- whiwhi i tētahi kano ārai mate e whakaaetia ana e Aotearoa
- whai koe i tētahi Tau Taupū Hauora ā-Motu (NHI)
- mau ō werohanga i tāwāhi ki te Rēhita Werohanga KOWHEORI.
Ka taea e koe te whakauru tuihono ō werohanga o tāwāhi ki te Rēhita Werohanga KOWHEORI:
Te tāpaetanga kano ārai mate i tāwāhi — Te Whatu Ora (external link)
Tonoa he tiwhikete hāereere ki tāwāhi
Hei tono i tō tiwhikete hāereere ki tāwāhi, me īmēra ki help@mycovidrecord.min.health.nz — tae atu ki tō tau tohutoro mai i te puka tāpaetanga kano ārai mate o tāwāhi.
Mēnā he aweretanga hauora tāu
E whaimana ana anake ngā aweretanga hauora wā poto i Aotearoa, ā, kāore e puta ki tō Tiwhikete Werohanga Hāereere ki Tāwāhi.
Mēnā kei te whakarite koe ki te haere ki tāwāhi, me tirotiro e koe ngā whakaritenga werohanga KOWHEORI-19 me ngā kaupapahere aweretanga o tō rererangi me te whenua e haere ana koe.
My Vaccine Pass
Kua kore koe e āhei ki te tono i tētahi My Vaccine Pass hou. Mēnā me whiwhi whakaaturanga koe o tō tūnga werohanga KOWHEORI-19, ka taea tonu e koe te whiwhi kape o tō pūkete werohanga, tētahi Tiwhikete Werohanga Hāereere ki Tāwāhi rānei.
Tō pūkete werohanga KOWHEORI-19
Te wā me whiwhi pea koe
Ka taea te whakamahi tēnei:
- hei whakaaturanga o ō werohanga e whakaritea ana e tētahi kaituku mahi — otirā i raro i te mana kano ārai mate o Aotearoa
- i te taha o tō Tiwhikete Werohanga Hāereere ki Tāwāhi.
Tē taea te whakamahi tō pūkete werohanga mō te My Vaccine Pass, hei Tiwhikete Werohanga Hāereere ki Tāwāhi rānei.
He aha ngā mōhiohio kei runga
Kei roto i tō pūkete werohanga KOWHEORI-19:
- ngā tau tira
- tau pota
- momo kano ārai mate
- ngā werohanga i tāwāhi i tonoa e koe kia tāpirihia ki tō pūkete hauora.
Me whiwhi whakaaturanga koe o tō tūnga werohanga KOWHEORI-19
Tuihono
Ka taea e koe te tikiake tō Tiwhikete Werohanga Hāereere ki Tāwāhi, tō pūkete werohanga KOWHEORI-19 mai i My Covid Record.
My Covid Record (external link)
Mā te waea
Me tiki e koe tō Tiwhikete Werohanga Hāereere ki Tāwāhi mā te waea atu ki te COVID Vaccination Healthline. E wātea ana ēnei mai i te 8am ki te 8pm, 7 rā i te wiki.
Waea: 0800 28 29 26 ka kōwhiri i te kōwhiringa 4
Ā-tinana
Me tiki e koe tō Tiwhikete Werohanga Hāereere ki Tāwāhi i ētahi wāhi werohanga whai wāhi mai. Me whakapā atu ki a rātau i te tuatahi hei whakaū mēnā e tukuna ana e rātau tēnei ratonga.
Ngā wāhi werohanga KOWHEORI-19 — Healthpoint (external link)