Āvanoa ke maua ni meakai pe ko ni mea tatau e manakomia | Access to food or essential items

E manakomia e ki tātou uma lele ni mea ke kai ma iētahi mea tatau ke maua e vēia ko ni vailākau i te taimi e tapunia ai te atunuku, ko tēia fakamolemole koe nahe matamumuli ke hē i ēi ni au mea. Ko te laupepa tēnei e i loto ai nā fakamatalaga āgai ki ni auala e lahi lele ke maua ai ni mea ke kai ma iētahi mea tatau e manakomia.

Te tilivagia o nā meakai

Kāfai koe e tauale, pe e hē mafai e koe oi fano kehe ma tō fale ke fakatau ni au meakai pe ni hapalai mea tatau e manakomia, e mafai e koe oi lea ki he tino i tō kāiga, pe ko tō kau kāiga, hau uō pe ko nā tino e nonofo tafapili atu ke kaumai ni au hapalai pe ni fakatau mā koe. Talanoa ki nā tino e hokototaga koe ki ei e fehoahoani atu vēia ko ō kāiga, kau kāiga, uō, ma nā tino e nonofo tafapili atu ke hiaki pe mafai e ki lātou ke tiliva atu ni mea tatau e manakomia e koe.

Faitaki nā meakai e tiliva vēia ko nā falekoloa lalahi e mafai ke tiliva na meakai ki nā kāiga, nā afifi meakai, nā meakai kua uma te tunu kae fakaaiha, nā meakai fakapitoa e fakatonu e nā fōmai pe ni iētahi tautuaga lava e mafai ke tiliva ai ni meakai.

E mafai foki e koe oi fakaaogā te tautuaga a nā falekoloa lalahi iēia e kiliki ma piki te fakatau, ma fehili ki hau uō e nofo tafapili atu, ni kāiga pe ko ni tino e nofo tafapili atu, kae ke mafai au fakatau ke tiliva atu. 

Fakafehokotaki te falekoloa i te kogāfenua e nofo ai koe, pe ko nā tamā falekoloa ke iloa e koe pe mafai e ki lātou oi tiliva ni fakatau ma vēhea kāfai e fia fai he ota fakatau. Hovē ko te falekoloa i te kogāfenua e nofo ai koe, e i ei lava ni ā lātou faiga fakapitoa mō nā tino iēia e manakomia ke fai ni ā lātou fakatau i luga o te neti. 

Puipuia tūmau kāfai e tiliva atu ni meakai

  • Ko te tilivaga o nā meakai e tatau ke nahe kikilamata ma e tatau foki ke fai lava i nā kogāfenua e nonofo ai nā tino fakatau mea.
  • Kāfai ko koe e fano tiliva ni mea, manatua oi fakamamao i he 2 mita ma fai hō ufi mata.
  • Kāfai e tiliva mai tau fakatau ma au mea, manatua oi fakamamao i he 2 mita mai nā tino e kavatua tau fakatau ma au mea, fai hō ufi mata ma fafano ma fufulu ō lima kāfai e uma te teu o tau fakatau pe ko au mea. 

Fano ki te: www.covid19.govt.nz/about-this-site/contact-and-support

Fehoahoaniga tau tupe ke fakatau ai ni mea ke kai

Kāfai e manakomia he fehoahoaniga tau tupe ke fakatau ai ni au mea ke kai, e ōno mafai e te Work and Income ke fehoahoani atu.

Ahiahi te kupega a te Work and Income mō ni fehoahoaniga fakavave tau tupe ma ni manakoga e tumau pea.

E mafai e koe oi apalai ki he penefiti i te neti ma hiaki pe mafai ke maua hō fehoahoaniga tau meakai.

E mafai foki e koe oi fakaaogā te taki mo ni fehoahoaniga tau tupe fakapitoa mo te COVID-19 e i luga o te kupega United Against COVID-19, pe ni itūkāigā fehoahoaniga vēhea te āvanoa mō koe.

Fano ki te:

Nā fale e maua fua ai ni mea ke kai (foodbanks)

E maua te fale e maua ai ni meakai e hē totogia kāfai e hakili ki luga o te kupega Family Services Directory:

Kupega a te Family Services Directory (external link)

Kāfai e hē māfai ke tiliva atu ni au mea ke kai

Kāfai ko koe nae taumafai kae e hēki mafai ke maua ni fehoahoaniga i nā auala iēna e tākua i luga, oi fakafehokotaki loa te vāega e gafa ma nā mea tau fakalavelave fakafuaheki e igoa ki te Civil Defence and Emergency Management (CDEM) Group.

Fano ki te: www.civildefence.govt.nz/find-your-civil-defence-group (external link)