Pepa fakaaliga ma nā līhohi | Posters and resources

E i ei nā pepa kave fekau ma nā lihohi e āvanoa i tau gagana.

E tuku atu e ki mātou ni lihohi valevale ke fehoahoani ki nā pihinihi, nā fale faigāluega, nā komiuniti ma nā fakalāpotopotoga ke fakatino na manakoga o te Ata taki o te COVID-19 - Protection Framework.

E mafai e koe ke i ei hau kopi mai te neti, ma hau kopi pepa o te mātou pine fakamau, nā pepa taki, ata kavefekau, vitiō, ma iētahi vāega e i luga o te neti mai ā mātou  lihohi fakamāopoopo (Resource Toolkit).

E mafai foki e koe oi ota mai ni au kopi pepa o ā mātou lihohi mā iētahi mea e hēai he totogi mai te mātou Bluestar Portal (external link).

Te faiga ke maua ni au kopi o nā pepa kavefekau ma nā lihohi mai te neti – Resource Toolkit

  1. Fano ki te kupega Toolkit.covid19.govt.nz (external link) ma fakaaogā te ki e tuhi ai Login/Register ke fai hau faila.
  2. Fakaaogā te mea e hakili ai nā mea - search field - oi tuhi ai na kupu e fetaui ki te lihohi e fofou koe ki ei. Ko te kupega tēnei e fakaaogā te gagana Igilihi. Ko tona uiga, kāfai e hakili e koe ni lihohi kua fakaliliu, fakaaogā na kupu Igilihi ke hakili ai (f.t.face coverings (ufi mata), contact tracing (hakiliga ma nā fakafehokotakiga), testing (hukehukega), mtm.). E mafai foki e koe oi hakili tau gagana ke maua ai nā lihohi uma e āvanoa.
  3. E lolomi lava e koe te ki Search e mafai e koe oi fakaaogā na ki ke fakataigole ma faigōfie ai nā mea e hakili e koe (drop-down filters). 
  4. E maua loa nā mea e fofou koe ki ei, fai hau kopi mai te neti, lafo ki ni tino pe fafao ki loto o   hau faila lava kāfai e lahi au mea e kopi ifo i te neti.

Kāfai e i ei ni au fehili pe fia maua he fehoahoani, imeli ki te COVID19Brand@dpmc.govt.nz

Kāfai e fia ota ni kopi pepa e hēai he totogi, fano ki te – Bluestar Portal

Ota ni koutou kopi ma iētahi lihohi mō tau pihinihi, fakalāpotopotoga i te komiuniti pe ni fakatahiga e fai, i luga o te faila i te neti, ma fakatagi ke tiliva hako atu lava ki a te koe, ki tau pihinihi pe ko tau fakalāpotopotoga i te komiuniti.

Fano ki te kupega e igoa ki te Bluestar Portal (external link).

Last updated: