Fakaola te Bluetooth i fakamaoniga (Bluetooth Tracing) | Turn on Bluetooth tracing

Te Polokalame o Fakamaoniga o te NZ COVID (NZ COVID tracer app) ko oti ne fakafou ke aofia iei a poto fou o te Bluetooth i fakamaoniga. Te Bluetooth i fakamaoniga e mafai iei o fakaoko atu kia koe se fakailoga mafai koe e nofo pili ki te sua tino e fakaaogā ne ia te polokalame kae ko pokotia i te COVID-19.

Te Bluetooth i fakamaoniga e se sui ne ia a faifaiga o te fakamaoniga o fesokotakiga tenei e fakaaogā ne tatou i te vaitaimi nei io me ko te Polokalame i Fakamaoniga o te NZ COVID mo Fakatokaga o Fakamauga o Fakamatalaga (NZ COVID Tracer QR codes). E tau loa ke kopi (scan) ne koe a te Fakatokaga o Fakamau a Fakamatalaga (QR codes) o fakamau te koga ne nofo i ei koe. Te Bluetooth i fakamaoniga se mea aoga faopoopo – e fesoasoani o fakamau a tino kola ne nofo pili mo tatou.

E galue pefea

Taimi ko fakaola ne koe te Bluetooth i fakamaoniga, ko galue mafai e ave a fakamauga o iloga to-tino i fakatokaga kesekese (private and secure random ID code). E pau pela mo tau telefoni e sisi ‘pa lima (high-fives) i mea tau komipiuta (digital) ki nisi telefoni kola e pili atu kia koe. Te Bluetooth i fakamaoniga e galue o fakamau me pefea te pili o te sua telefoni, kae pefea foki te leva. A telefoni kola e fesokotaki mo koe e manakogina ke fakaola kae isi foki se Bluetooth i fakamaoniga.

Ko tena uiga mafai e isi se tino e pokotia ne te COVID-19, e mafai o ave se fakailoaga tela e se iloa (anonymous) kae e aofia katoa a iloga kesekese i olotou telefoni kola ne ave i te 14 o aso ko teka. Kafai e iloa ne tau telefoni a iloga konei, kae ko koe ne nofo pili ki se taimi tai leva ke mafai o pokotia, ko mafai ei o maua ne koe se fakailoga. Te fakailoga tenei ka fautua atu me nea au mea e tau o fai ke puipui ei koe mo tou kāiga.

Onoono ki te vitiō o te motou Bluetooth i fakamaoniga i te itulau ke matea me galue pefea (external link)

E fakaola pefea

Lasiga o telefoni ka fakafou a te polokalame i a ia eiloa. E mafai ne koe o filifili o fakafou tau polokalame ia koe loa i tau polokalame io me se polokalame e fakaigoa ki te play i tau telefoni.

Kafai ko oti ne fakafou, tau polokalame ka fesili atu kia koe mafai e manako koe ke fakaola tau Bluetooth i fakamaoniga. Kafai ko oti ne fakaola ne koe, ka mafai o galue e ui foki loa se fakaola tau polokalame.

Te Bluetooth i fakamaoniga ka se fakaaogā au tupe togi (data) ke fakasoko koe ki te initaneti i tau telefoni tau ave, kae e se mafai o fakaoti te malosi o tau patule me foliki te fakaaogā a te malosi o te Bluetooth.

Tou iloga to-tino e puipuigina

Kafai e fakaola tau Bluetooth i fakamaoniga, ou iloga to-tino e puipuigina i taimi katoa – e se mafai o ave te koga e nofo koe i ei (location), tou igoa io me ko nisi fakamatalaga i te koe. Te Bluetooth i fakamaoniga e se fakamau ne ia me ko oi ne fesokotaki mo koe, io me ko koe ne nofo i fea.

Ko tona uiga mafai e maua ne koe se fakailoga me ne fesokotaki koe mo se tino ko pokotia i te COVID-19, seai se tino e iloa ne ia kae na ko koe fua. A fakamatalaga o fakamaoniga o fesokotakiga katoa kola e fakapotopoto ne tau polokalame e tausi fakamau (secure) i tau telefoni, kae e pule loa koe me nea vaega o fakamatalaga e fia ave ne koe ki nisi tino.