Sukesukega | Testing

On this page

Kafai koe e maua ne te fūlu masani (cold) io me se fakaasiga pela me se fūlu, fakamolemole nofo fale kae telefoni ki te napa o te Olaʻlei (Healthline) e se ʻtogi i te 0800 358 5453 io me ki tau tokita mo ne fautuaga e uiga ke fai te sukesukega. Manatua, me e se ʻtogi ma fai te sukesukega.

E tāua me ke maua te manu ʻpisi i so se koga i te komiuniti. Tena uiga a matou e fakamolemole ki so se tino tela e maua a fakaasiga o te COVID-19 ke fano o fai tena sukesukega, mafai koe se sitiseni o Niu Sila, se tino nofo tumau, io me se tino asiasi ki te atufenua.

Sukesukega mo te tausiga o te COVID-19 e se ʻtogi kae avanoa ki so se tino i Niu Sila e aofia i ei tino kola olotou visa ko seai se malosi o nofo i konei.

Ou fakamaoniga totino e se fakaaogā o talatala atu ki te Matagaluega Oloolo Malaga o Niu Sila, ke oko loa ki te ikuga o tau sukesukega e pokotia koe ne te masaki.

E se manakogina ne koe ke isi sau napa o te Olaʻlei o te atufenua (National Health Index – NHI number) io me fakaasi tau fakamaoniga totino ke fai tau sukesukega. E manakogina ne koe o talatala ou fesokotakiga likiliki mo tino kola e fai a sukesukega ko te mea ke fakailoa atu ki te koe i te ikuga o tau sukesukega.

Koga e mafai koe o fano o fai te sukesukega

A koga e mafai ne koe o fano o fai tau sukesukega e mafulifuli sāle. Te koga ʻlei o salasala se fakasologa i te taimi nei ko te Komiti o te Olaʻlei i Fakai (District Health Boards) mo Koga o te Olaʻlei mo so se tino (Public Health Units).

E mafai ne koe o maua a fakamatalaga i konei:

Feitu ki Fakamatū

Feitu ki Saute

E galue pefea te sukesukega

Kafai e manakogina ne koe o fai te sukesukega mo te COVID-19, e isi se tamā mea (sample) e puke mai ia koe.

E uke auala e fai ke maua te tamā mea tenei. Te auala masani e faulu te vavae (cotton bud) ki loto i tou isu. Te tamā vavae tenei e pau mo mea kola e ʻfulu ki ei a taliga kae e tai loa malie loa te lakau.

Te tamā mea tena ka ave o Iloilo. Te ikuga o te sukesuekga e mafai o tai leva.

Kafai koe ne fai tau sukesukega e fakailoa atu me mafea kae pefea foki o maua ne koe te ikuga o tau sukesukega. Me ne pokotia koe i te masaki io me seki pokotia koe, e fakailoa atu loa kia koe te ikuga o tau sukesukega.

Kafai koe e nofo i Aukilani e ʻtau koe o nofo i te fale o nofo tokotasi ki te taimi tela e maua ne koe te ikuga.

Lasiga o tino mai tua atu o Aukilani e se manakogina ke nofo tokotasi mafai e fakatali ki te ikuga olotou sukesukega – tino galue o te olaʻlei ka fakamaina atu kia koe i mea konei:

E fakailoa atu fua mafai e manakogina ke nofo tokotasi mafai koe:

  • ne toe vau mai tua atu o te atufenua fakamuli nei
  • ne fakafesagai mo se tino ne toe vau mai tua atu o te atufenua
  • ne fakafesagai mo se tino e pokotia ne te COVID-19.

Kafai koe e fai tau sukesukega e ʻtau koe o tautali ki fautuaga kola e fai atu kia koe me nea au mea e ʻtau o fai.

Sea te mea ka tupu ma pokotia koe i te masaki

Kafai koe e pokotia ne te masaki a te tino galue o te olaʻlei ka telefoni atu kia koe o sautala me sea te uiga kia koe: e aofia i ei:

  • e fia te leva e nofo koe tokotasi
  • te fakatokaga o te nofo tokotasi o koe mo tou kau fale
  • tino katoa kola ne fesokotaki mo koe fakamuli nei

E fesili atu kia koe ke fano ki koga kola ko oti ne fakatoka ne te Mālō i te taimi koe e masaki. Te mea tenei e fakafaigofie o lagolago ki tou kāiga kae fakafoliki te avanoaga o te manu o ʻpisi. E fesoasoani o puipui tou kāiga mo te komiuniti mai te COVID-19.

Kafai se tamaliki io me se mātua me se tino tausi e pokotia ne te COVID-19 kae manakogina o olo o nofo tokotasi, matou e galue o fakamautinoa me i tamaliki e puipuigina fakaʻlei i te tausiga a te matua io me se tino tausi.

A koe ko ʻtala o fano mafai ko ola malosi koe.