Sukesukega koi tuai o faimaʻlaga tino ki Niu Sila | Pre-departure testing for travellers to New Zealand

Te fakatumauga o taofi te manu ʻpisi ke moa e ulu mai ki loto i Niu Sila ko te puipuiga lasi tena a tatou. 

Mai te valuapo 11:59 o te po 25 Ianuali 2021, tino katoa faimaʻlaga ki Niu Sila, se aofia iei tino faimaʻlaga mai Ausetalia, se koga moko i katiaisa (Antarctica), Kuki Ailani, Atufenua ki Togālā o te vasa o te Pasefika (Federated States of Micronesia), Fīti, Kilipati, Masela, Nalu, Niu Kaletonia, Niue, Palau, Samoa, Solomona, Tokelau, Tonga, Tuvalu, Vanuatu mo Wallis mo Fortuna, ka manakogina ke fai te sukesukega o te COVID-19, ke fakaasi me e se pokotia i te 72 itula mai mua o faimaʻlaga kae ka manakogina foki o fakaasi te tusi fakamaoni o te faiga tena sukesukega io me se fakamaoniga me se pokotia ne te masaki.

Sukesukega i te PCR, LAMP mo te sukesukega i poisini o te manu ʻpisi (viral antigen) e talia o fai a sukesukega kona mai mua o faimaʻlaga.

A sukesukega katoa e ʻtau o fai i te koga sukesuke (laboratory).

Pepa tokita i ʻgana kesekese e talia. Mea kona e ʻtau o fuli ki te ʻgana Peletania.

Tamaliki mai lalo i te lua tausaga (24 masina) e saoloto ke se fai te sukesukega mai mua o faimaʻlaga.

Tino faimaʻlaga kola e mafai o fakaasi te pepa tokita o fakatalitonu ia latou ko toe maua te malosi (recovered) mai te COVID-19 kae ko se mafaufaugina me ʻpisigina ne te masaki ko fakasaoloto ke se fai te sukesukega mai mua o faimaʻlaga.

Tino faimaʻlaga kola se mafai o fai te sukesukega ona i pogai i masaki ka manakogina ke fano o asi i te tokita i te 72 itula mai mua o faimaʻlaga. E ʻtau mo latou o fakaasi te pepa tokita tela e fakaamaoni me se mafai o fai te sukesukega ona i pogai i masaki kae e seai foki ne fakaasiga o te COVID-19.

Tino faimaʻlaga kola e fakaʻsoko (transiting) mai Niu Sila o olo atu ki te atufenua fakamoemoegina kae nofo loa iloto i koga o kasitamu (airside) e fakasaoloto ke se fai te sukesukega mai mua o faimaʻlaga.

Tino faimaʻlaga e fakamalosigina ke asi ki kamupane vakalele (airlines) e uiga ki nisi manakoga faopoopo o sukesukega mai mua o faimaʻlaga. A latou foki e fautua atu ke asi ki manakoga o nisi atufenua kola e fakaʻsoko atu latou ki ei.

Mai i te po 8 o Fepuali, pasese katoa kola e ulu ki loto i Niu Sila (na fua ko atufenua kola e fakasaoloto) kola e seai ne fakamaoniga o fakaasi ia latou ne fai te sukesukega kae e se pokotia i te COVID-19 io me se pepa tokita e mafai o fakasala atu ki te $1,000.

Te sukesukega e manakogina i te aso oko mai (Day 0) mo latou kola e faimaʻlaga ki Niu Sila

Te okomaiga ki Niu Sila, tino faimaʻlaga katoa e manakogina ke:

  • fai faifaiga a matou i te 14 o aso i taumafaiga o nofo-tokotasi mo te fakatapu o oloolo o tino
  • fai te sukesukega o te COVID-19 i te aso oko mai, tela ko te taimi ne ulu ei ki loto i te koga i taumafaiga o nofo-tokotasi
  • nofo i olotou potu ke oko ki te taimi ko iloa te ikuga o te sukesukega a latou
  • kafai e isi ne fakaasiga o te masaki i te taimi ne oko mai ka ave tonu loa latou ki te koga e fakatapu te oloolo o tino.

Ko te PCR tela e solo iloto i te isu.

Te ikuga o te sukesukega e masani te leva pela e 24-48 itula.

Kafai te sukesukega e se pokotia a te tino ka fakaoti te 14 o aso (day 14) i taumafaiga o nofo-tokotasi pela loa mo te masani. E manakogina latou o toe fai te sukesukega i te tolu o aso (day 3) o te olotou nofoga i kona kae toe fai foki te sukesukega i te sefulu-lua o aso (day 12). I lasiga o taimi te ikuga o te sukesukega tela e se pokotia a te tino i te COVID-19 fakatasi mo te fakamautinoa tonu ne tino galue o te olaʻlei me e se lasi te fakamataku io me fakaʻpisi ne latou te COVID-19 e manakogina koi tuai o tiakina ne latou te koga tena.

Kafai te sukesukega e pokotia a te tino ka ave ki te koga e fakatapu te oloolo o tino, mai mua atu ote taimi masani moi seki fai a te sukesukega i te aso muamua.

Mo nisi fakamatalaga 

Mo fakafouga o tala i te COVID-19, fakamolemole asi ki te
https://covid19.govt.nz/updates-and-resources/translations/

Mo nisi fakamatalaga e uiga ki te taumafaiga o nofo-tokotasi mo koga e fakatapu te oloolo o tino, fakamolemole asi ki te https://www.miq.govt.nz/travel-to-new-zealand/arriving-in-nz/ (external link)

Last updated: