Fakaola tau Bluetooth Tracing – he polokalame fehoahoani nā hakiliga | Turn on Bluetooth tracing
On this page
Ko te polokalame e hakili ai te COVID a Niu Hila (NZ COVID Tracer) kua iei na huiga fōu kua fakaopoopo ki ei e taku ko te Bluetooth tracing. Ko te Bluetooth tracing kua mafai ai ke maua e koe he fakamatalaga kafai ko koe na tafapili ki he tino e fakaaoga foki e ia te polokalame tenei, na hiaki ma kua maua i te COVID-19.
E hēki faia te Bluetooth tracing ke fakaheai ai na NZ COVID-19 Tracer QR codes. E manakomia pea ke fakamaumau na QR codes ke fakailoa mai ai na koga nae eva ai koe. Ko te Bluetooth tracing ko he mea fakaopoopo – e fehoahoani ke fakailoa mai na tino kua maua i te fāmai nae eva tafapili koe ki ei.
E vehea ona fakaaogā
E fakaola loa tau Bluetooth tracing, oi mafai loa ke fakaaogā ke lafo puipuia ma haogalemu atu ai tō numela fakapitoa (ID code). E vēia ko tau telefoni e fakamālō i nī numela ki iētahi telefoni e tafa pili atu kia te koe. Ko te Bluetooth tracing e fakamaumau e ia te tafapili mai o iētahi telefoni, mā pe fia foki te mataloa nae pili ai. Ko nā telefoni e pili koe ki ei e tatau foki ke ola a lātou Bluetooth tracing.
Ko tona uiga kafai e i ei he tino kua mautinoa kua maua i te COVID-19, e mafai e te polokalame tenei ke fakailoa mai i he lihi e hē takua ai ni igoa, ei loto ai na numela (IDs) kehekehe e ō ki latou nae hokotaki ma iā i te 14 aho kua teka. Kafai e matea e tau telefoni hō he numela i na numela ienei, ma ko koe nae tafa pili lele ma mataloa ke ōno fakapopolegia e i nā pīhia i te fāmai, e fakailoa atu koe. Ko te fakaāliga e fautua atu ai pe heā te kā fai ke nofo puipuia ai koe ma to kaiga.
E vehea ona fakaola
Ko te lahiga o na telefoni e otometi lava fakafōu o latou polokalame. E mafai foki lava e koe fakafōu au polokalame i tau telefoni i loto i tau app store pe ko te play store.
Ka uma te fakafōu au polokalame, e fehili atu tau polokalame pe fofou koe ke fakaola te Blutooth, e fakaola loa, oi ola lava ai lava e tuha pe tape te mea e i loto ai na polokalame.
E hē totogia te Bluetooth tracing ke fakaaogā ai tau telefoni, ma e hē lahi foki he paoa e fakaaogā o te mā auā e fakaaogā lava te polokalame Bluetooth Low Energy.
E puipuiagia ō fakamatalag
Kafai e fakaola tau Bluetooth tracing, ko ō fakamatalaga uma e puipuia – e hē mafai foki ke fakailoa te koga e nofo ai koe, to igoa, pe hō he fakamatalaga e uiga kiā te koe. E hē fakamaumaua foki pe ko ai te nae eva koulua, pe ko koe foki nai i fea.
Ko te uiga kafai e fakailoa atu ko koe nae tafapili ki he tino kua maua i te COVID-19, nā ko koe lava te iloa ma maua te fakaāliga tenei. Ko na fakamatalaga uma lele fakatatau ki nā hakilikiliga na fakamaumau, e hefe ma malupuipuia i loto o tau telefoni, ma eā koe te filifiliga pe ni fakamatalaga ā te fofou koe ke fakailoa atu ki iētahi tino.