Hiakiga o nā tino malaga e fai kako heki malaga mai ki Niu Hila | Pre-departure testing for travellers to New Zealand

Ko te tetekega o te hiama na he pa mai ki Niu Hila, ko he puipuiga maualuga tumau tena e ā tātou.

Mai te taimi 11:59 i te afiafi o te aho 25 Ianuali 2021, ko hō he tino e malaga mai ki Niu Hila, e hē i loto ai ki latou e malaga mai i Auhetalia, Lalotoga, Hitete o Maikolonehia (Federated State of Micronesia), Fiti, Kiribati, Te atu Mahela (Marshall Islands), Naulu, Niu Kaletonia, Niue, Palau, Samoa, Holomona, Tokelau, Tonga, Tuvalu, Vanuatu, ma Uea ma Futuna, e tatau ke fai ni ō latou hiakiga o te COVID-19, ma fakailoa e hēki maua i te famai i te 72 itūla ka ko heki teka kehe, ma fakaāli he lipoti fakamaonia mai te ofiha hukehuke tauale (fale tui toto) pe ko ni iētahi fakamaoniga e talia.

Ko nā hiakiga e takua ko he PCR test, LAMP ma te viral antigent test, e taulia uma na hiakiga iēna e fai muamua ka ko heki teka kehe mai koe ma tō fenua.

Ko nā hiakiga uma e tatau ke hukehuke pe hiaki i he fale hukehuke tauale (fale tui toto).

E taulia hō he pepa tauale i hō he gagana.

Ko nā tamaiti i lālo o te 2 tauhaga (24 mahina) te mātutua e hē manakomia ke fai ni ō latou hiakiga ka ko heki olo kehe mai ō latou fenua.

Ko nā tino malaga iēia na maua i te COVID-19, kāfai e i ei ni ā lātou lipoti ke fakamaonia mai e he fomai ma tāku mai ko latou kua hē tauāle i te COVID-19 ma e hē fakapokepokea ke fakapēhi e ki latou te fāmai, e hē manakomia ke fai ni ō lātou hiakiga kako heki teka kehe mai ma ō lātou fenua.

Ko nā tino malaga e hē mafai ke fai ni ō latou hiakia ona ai ni mafuāga faka hē malohi o te tino, e tatau ke kikila hē fomai i he 72 itula ka ko heki malaga kehe mai tona fenua. Ka fōki atu e te fomai tenei tau lipoti fakamaonia ma fakailoa mai te mafuaāga e hē mafai ai ke fai hō hiakiga ona ai ko nā hē malohi o te tino ma ko koe foki e hēai ni ō āuga o te COVID-19.

Ko nā tino faimalaga e kui mai ki Niu Hila oi olo ai ki nā atunuku e olo ki ei, e nonofo lava i te nofoaga i fafo fakatalitali ai ki he tahi vakalele, e hē manakomia ni ō lātou hiakiga ka ko heki tukua nā atunuku e omamai ai.

E fautuagia lahi lele ki latou e hāoni malaga, ke hiaki na tahi vakalele pe i ei ni fakaōpōopōga ki nā hiakiga e tatau ke fai ka ko heki fai malaga. E fautuagia foki ke hiaki na mea pe ni hiakiga e manakomia e nā tahi atunuku e tutu ma kui atu ai.

Mai te aho 8 o Fepuali, ko nā pahehe uma lele e taunuku mai ki Niu Hila (vagana ai na fenua e fakahaoloto) e heai ni lipoti ke fakamaonia ai ko latou e heki maua i te COVID-19 ma heai ni lipoti falemai (medical certificate) e mata e fakahalagia i hē tupe e ōno pa ki te $1,000.

Konā mea e tatau ke fakataunuku i te aho 0 mo ki latou e faimalaga mai ki Niu Hila

Ko na tino malaga uma lele ka taunuku mai ki Niu Hila e tatau ke:

  • fakataunuku te nofokehea i ni aho e 14 ma mulimuli ki nā takiala e tatau ke fakatino i te nofokehea
  • fai he hiakiga o te COVID-19 i te aho 0, te aho muamua e taunuku ai ki te koga e nofokehea ai
  • nonofo pea i loto onā potu ke maua mai te lipoti o te hiakiga
  • kafai e i ei ni tino e i ei ni ō lātou āuga o te famai i te taimi e taunuku mai ai, e kave hako ki te fale e fakanofokehea ai.

Ko te hiakiga e fai i te ihu (PCR nasal swab).

Ko na lipoti o nā hiakiga e māhani lava maua mai i he 24-48 itula.

Kāfai e maua mai te lipoti o te hiakiga e hē maua i te famai, e faka kātoa lava nā aho e 14 e tatau ke nofokehea ai e vēia ona māhani ai. E manakomia ke toe fai hē tahi hiakiga i te aho 3 talu te tanuku mai, ma toe fai ai foki i te aho 12. Ko te lāhiga o nā taimi, e tatau ke maua mai nā lipoti e hē maua i te COVID-19, vēnā ma he fakamaoniga mai te kaufaigāluega o te ola mālōlō e he fakapopolegia ki latou pe ōno fakapipihi e ki latou te COVID-19, ka ko heki olo kehe mai ki latou i te fale e fakanofokehea ai.

Kāfai e maua mai te lipoti o te hiakiga ko he tino kua maua ite famai, kave loa kite koga e nofokehea ai, kua vave atu ia mōnei ake e hē iei he hiakiga ote aho 0.

Ni iētahi fakamatalaga

Mo ni fakamatalaga fōu mo te COVID-19, fakamolemole hiaki ifo te kupega https://covid19.govt.nz/updates-and-resources/translations/

Mo ni fakamatalaga fakaopoōpo e uiga ki nā koga nofokehea ma te fakanofokehea, fakamolemole hiaki ifo te kupega
https://www.miq.govt.nz/travel-to-new-zealand/arriving-in-nz/ (external link)

Last updated: