Faiga o siaki mo tagata malaga mai i Niu Sila a o lei tuua malaevaalele i atunuu mamao | Pre-departure testing for travellers to New Zealand

O loo maualuga pea puipuiga e taofia ai le sao mai o le faamaʻi i totonu o Niu Sila.

Mai le 11:59pm o le aso 25 Ianuari 2021, o le a moomia i tagata uma e faimalaga mai i Niu Sila, e lē o aofia ai faigamalaga mai Ausetalia, Antartica, Atu Kuki, Federated States of Micronesia, Fiti, Kiripati, Marshall Islands, Nauru, New Caledonia, Niue, Palau, Samoa, Atu Solomona, Toelau, Toga, Tuvalu, Vanuatu, ma Wallis ma Futuna, e tatau ona fai se siaki o le COVID-19, e faamaonia ai e lē o aafia i le faamaʻi i totonu o le 72 itula a o lei tuua malaevaalele i atunuu mamao, ma e moomia ona faailoa se pepa faamaonia mai nofoaga e faia ai suesuega faapitoa poo isi ituaiga faamaoniaga aloaia.

O siaki PCR, LAMP ma siaki e iloa ai e mafai ona teena e le tino le siama, o ituaiga siaki uma nei e taliaina a o lei tuua malaevaalele i atunuu mamao.

E tatau ona faagaioia siaki uma i se nofoaga faapitoa tau suesuega faasaienisi.

E talia pepa maʻi i gagana eseese.

E tuusaunoa le faia o siaki a o lei tuua malaevaalele i atunuu mamao mo tamaiti e i lalo ifo ma le lua tausaga le matutua (24 masina).

E tuusaunoa le faia o siaki a o lei tuua malaevaalele e tagata malaga ua mafai ona faailoa pepa maʻi e faamaonia ai ua toe faafoisia le malosi mai le COVID-19, ma ua lē toe iai i se tulaga e ono pesia ai i le faamaʻi.

O tagata malaga e lē o mafai ona fai se siaki ona o mafuaaga tau soifua maloloina, o le a moomia le vaai o se fomai i totonu o le 72 itula a o lei tuua le malaevaalele. E moomia ona tuuina atu e fomai ia te oe se pepa maʻi e faailoa ai e lē o mafai ona fai sau siaki ona o mafuaaga tau soifua maloloina ma e te lē o maua i āuga o le COVID-19.

E tuusaunoa tagata malaga o loo afea Niu Sila e faatali ai le faaauau o le faigamalaga i atunuu o loo agai i ai, ma o loo faatalitali i nofoaga faapitoa mo tagata malaga.

E fautuaina malosi tagata malaga e siaki kamupani vaalele na fai ai pepa malaga e uiga i tulafono faaopoopo i siaki e moomia ona fai a o lei tuua le malaevaalele mo se faigamalaga. E fautuaina foi i latou e siaki tulafono a isi atunuu o loo faaauau ai se isi faigamalaga.

Mai le aso 8 Fepuari, o tagata malaga uma e taunuu mai i Niu Sila (e lē o aofia ai i latou mai atunuu ua tuusaunoa) e aunoa ma se faamaoniaga e faailoa ai iuga o se siaki e lē o maua i le COVID-19 pe leai foi se pepa maʻi, e mafai ona faasala i se vaega tupe e oo atu i le $1,000.

Tulaga e tatau ona faatino mo siaki e fai i le uluai aso mo tagata e malaga mai i Niu Sila

Mai le 11:59pm o le aso 31 Tesema 2020 soo se tasi ua taunuu i Niu Sila mai le UK po o le USA o le a moomia ona:

I le taimi e taunuu ai i Niu Sila, e tatau i tagata malaga uma ona:

  • faataunuu faiga o loo faagasolo ai le faanofoesea ma le vaavaaia mo aso e 14
  • fai le siaki o le COVID-19 i le uluai aso, o lona uiga, o le uluai aso na taunuu ai i nofoaga o loo pulea ai le faanofoesea
  • nofo pea i totonu o le potu seia maua lelei iuga o le siaki
  • afai o loo aliaʻe ai āuga i le taimi na taunuu ai, o le a momoli saʻo loa i nofoaga e vaavaaia ai.
    O le siaki taʻua o le PCR e fai i le isu.

Pe ā ma le 24-48 itula e faatali ai iuga o siaki.

Afai e lē o faamaonia le aafia i le faamaʻi o lona uiga o le a faamaeʻa le faanofoesea o tagata mo aso e 14 i nofoaga o loo pulea ai. O le a moomia ona toe faia se isi siaki i le aso 3 ma le aso 12 a o iai i nofoaga nei. O le toatele o tagata e moomia se faamaoniaga e lē o aafia i le COVID-19 ma se faamaoniaga mai sui o le soifua maloloina e itiiti lava se tulaga e ono aafia pe faapepesi ai le COVID-19, ma o tulaga nei e moomia a o lei tuua le nofoaga.

Afai ua faamaonia le aafia o se tasi i le faamaʻi, o le a tuu mai luma le taimi e siitia ai i le nofoaga e vaavaaia ai, e ese mai le taimi na fuafuaina e aunoa ma le faia o se siaki i le uluai aso.

Mo nisi faamatalaga 

Mo tala lata mai i le COVID-19, faamolemole tagai i le
https://covid19.govt.nz/updates-and-resources/translations/

Mo nisi faamatalaga e uiga i nofoaga o loo pulea ma vaavaaia ai le faanofoesea, faamolemole tagai i le https://www.miq.govt.nz/travel-to-new-zealand/arriving-in-nz/ (external link)

Last updated: