Fuafuaga aoao mo le toe pepesi o le COVID-19 i le vaitau mafanafana | National COVID-19 summer resurgence plan

O le masani o tagatanuu Niu Sila le feoai solo i le atunuu i le vaitau mafanafana, mo tafaoga, faatasiga tetele, ma faapena ai ona siitia le ono pepesi o le COVID-19 i tagata. I le vaitaimi o tafaoga ma malologa, o se tulaga lea e mafai ai ona faafaigata galuega e tali atu ai — ae ua iai nei la tatou fuafuaga.

O loo folasia i la tatou fuafuaga auala e faaitiitia ai aafiaga, auala e nofo sauni ai ma tali atu ai pe a faamaonia tagata i le COVID-19.

Faaitiitia, Sauni, Tali Atu

E faapefea ona tatou faaitiitia aafiaga, nofo sauni ma tali atu i tagata ua faamaonia ua maua i le COVID-19.

Faaitiitia — gaioiga e mafai ona e faia

Gaioiga e mafai ona e faia e faaitiitia ai aafiaga o le maua o tagata i le COVID-19:

• Ki le Bluetooth tracing o loo maua i lau NZ COVID Tracer app.
• Scan le QR codes i nofoaga uma e te asiasi atu i ai.
• Fufulu ma solo mago ou lima.
• Tale pe mafatua i lou tulilima.
• Nofo i le fale pe afai ua e maʻi, ma vili le Healthline poo lau fomai pe ono fai sau siaki.
• Fealuai ma sau "ato e puipuia ai mai le COVID-19" — fasimoli, sanitiser, ma se ufi fofoga.

Sauni — la tatou ato tau puipuiga

E faapefea ona tapena la tatou ato tau puipuiga.

• Faatulaga le ulufale mai i tuaoi: Managed Isolation & Quarantine, ma siaki mo le aufaigaluega.
• Faamaumauina o fesootaiga: NZ COVID Tracer app/Bluetooth data ma faaaliga e maua i le app, ma aufaigaluega e avanoa e faigaluega pe a moomia.
• Siaki mo tagata lautele: Siaki e patino mo tagata sa fesootai, siaki vaavaaia, nofoaga e fai ai siaki mo se taimi lē tumau, ma aufaigaluega e avanoa e faigaluega pe a moomia.
• Ufi fofoga: E fai i totonu o nofoaga e lē mafai ai ona faamamao ese ma tagata.
• Suiga o le Vaega o Lapataiga: Faapitoa i se nofoaga ua faatulaga ai le tuaoi e taofia ai le siama, po o le atunuu atoa.

Tali Atu— auala o le a tatou tali atu ai

Auala o le a tatou tali atu ai pe a toe pepesi le faamaʻi.

Vaega 1: Iloiloga

Faamaonia tagata ua aafia ma ua maeʻa iloiloga i aafiaga pe a pepesi le faamaʻi.

Vaega 2: Tali vave atu

Pe afai e moomia, o le a faatino loa le Ministry of Health COVID-19 Resurgence Plan ma le National Resurgence Response Plan. E iloilo le nofoaga na pepesi ai ma le telē o le salalau o le faamaʻi.

O le a faia e le vaega tutotonu o taitai a le malo le faaiuga pe a leai nisi galuega e moomia ona faatino, po o le mataitu o tulaga o iai, po o le faatino loa o faiga e tali atu ai.

Vaega 3: Faaauau le tali atu

Afai ua faatino faiga e tali atu ai, o lona uiga o le vaega o le faigamalo tutotonu ma faigamalo faalotoifale, o iwi ma taitai o afioaga ma faalapotopotoga, o le a galulue faatasi ma le Civil Defence and Emergency Management e taofiofia le pepesi o le faamaʻi, e aofia ai le:

• tali vave atu i manaoga tau soifua maloloina o tagata lautele
• tausiga o tagata ma afioaga e lamatia gofie
• lagolagoina o pisinisi

Faataitaiga o le toe pepesi o le faamaʻi

O le COVID-19 o se siama faigata — ua telē lo tatou malamalama mai mea na tutupu, ae e tofu i tatou uma ma le pitolaau e faatino e taofia ai le pepesi.

E taulai la tatou faiga e ʻsiaki, faamaumau ma faanofoeseaʻ ia gafatia ona siaki le toatele o tagata ma vave ona faamaumau tagata sa fesootai ma faanofoesea tagata sa fesootai. E lē mafai ona tatou valoia nofoaga po o le auala e mafai ai ona toe pepesi le faamaʻi i tagata, ae ua maeʻa ona tatou saunia faiga e tali atu ai i soo se ituaiga auala e ono tulai mai.

E moni e fuafua lava auala e tali atu ai i tulaga eseese e pei o le nofoaga poo le vaitaimi e tupu ai, ae aogā lou mafaufau i faataitaiga nei e 3 i le vaitaimi o le tau mafanafana.

Faataitaiga 1: Puipuiga o se tasi ua afaina na ulufale mai le tuaoi

Ua faamaonia se tasi o le aufaigaluega i le tuaoi e tusa ai ma siaki e masani ona faatino.

O le vave ona iloa o faamaumauga i fesootaiga na fai ma ua iloa ai, e lei soona fealuai ma e toalaiti tagata na fesootai i ai a o faigaluega.

O le faatinoga masani lea e ʻsiaki, faamaumau ma faanofoeseaʻ ai se tasi ua afaina.

E ono tumau ai pea Niu Sila i le Lapataiga Vaega 1. E ono leai se afaina i tafaoga ma malologa i le tau mafanafana.

Gaioiga e tatau ona e faia 

Fai ma au galuega le faitau o tala lata mai i le upega tafailagi lenei ma le Facebook.

Unite against COVID-19 Facebook page (external link)

Faataitaiga 2: Tali atu e ono faatino i le atunuu atoa

Ua faamaonia se tasi ua aafia i le faamaʻi a o feagai ma malologa ma tafaoga i se nofoaga e tolauapi ai.

Ua faailoa mai uluai suesuega e iai le faiā a le tagata lea ma se tasi e faigaluega i le tuaoi. E mafai i faamaumauga i fesootaiga sa fai ona faailoa isi tagata e ono pesia i le faamaʻi.

E ono faatupulaia le faatinoina o siaki i totonu o afioaga poo itumalo.

E mafai ona iai suiga e faatapulaa ai nisi o femalagaiga ma/poo Vaega o Lapataiga. O le a talosagaina tagata o loo tolauapi i nofoaga nei e mulimulitai i fautuaga ua aloaia.

Gaioiga e tatau ona e faia

Mulimulitai i fautuaga ua aloaia, matamata i faasalalauga mai ofisa faasalalau ma fai ma au galuega le siaki o le upega tafailagi lenei.

Faataitaiga 3: Tali atu e ono faatino i le atunuu atoa

Ua faamaonia se tasi ua maua i le faamaʻi sa auai i se konoseti tele sa fai i se isi itumalo.

Ua faailoa mai suesuega e leai se fesootaiga a le tagata lea ma le tuaoi. E toatele tagata e ono afaina mai le faatasiga ma ua tuua le itumalo ma toe foi i o latou aiga. O le a telē le afaina o tagata i le pepesi o le faamaʻi i le atunuu atoa.

E faafaigata ona iloa tonu tagata sa fesootai pe a tumutumu tagata i faatasiga faapenei. O le a faatupulaia le faia o siaki i le atunuu atoa.

E mafai ona suia le Vaega o Lapataiga i le atunuu atoa. E ono lē faataunuuina faatasiga, ma e ono talosagaina tagatanuu Niu Sila e nonofo i nofoaga o loo iai ma o latou aiga e faatali ai se fautuaga aloaia.

Gaioiga e tatau ona e faia

Mulimulitai i fautuaga ua aloaia, matamata i faasalalauga mai ofisa faasalalau ma fai ma au galuega le siaki o le upega tafailagi lenei.

Fai se kopi o le fuafuaga mo le toe pepesi o le faamaʻi

Tau mafanafana e lē maʻalofia: O la tatou fuafuaga e pulea ai le COVID-19  (external link)