Soifuaga i le vaitaimi o le vaega 3 | Living at Level 3

Mo Vaega o Lapataiga uma ua faataatia, o le a faatumauina pea le faatautaiga o auaunaga sili ona moomia e aofia ai auaunaga tau soifua maloloina, auaunaga mo faalavelave faafuasei, auaunaga tau eletise, suavai ma fesootaiga ma le feavea'iga o oloa.  E tatau i pule o auaunaga nei ona faatino gaioiga ua faatulafonoina e faataunuu ai a latou matafaioi tau soifua maloloina ma le saogalemu.

Mo Vaega o Lapataiga uma ua faataatia, afai ae faafuaseia le tulai mai o se isi tulaga lē maalofia, ia mulimulitai i faiga masani e tali atu ai i faalavelave faafuasei.  O faatonuga e tuua ai se nofoaga pe a tupu se faalavelave faafuasei o le a faaleaogāina ai tulafono o Lapataiga o le COVID-19 e nofo ai i le fale.

Gaioiga e fai pe a tupu se faalavelave faafuasei

Soifuaga i le vaitaimi o le vaega 3

Nofo i le fale, pe afai o e maʻi. Aua e te alu i le galuega po o le aoga. Aua e te tafao solo.

Afai ua e maua i le fulū poo āuga o le COVID-19 vili lau fomai po o le Healthline i le 0800 611 116 e maua ai se fautuaga i siaki e fai.

Afai na faatonuina oe e faanofoesea, ua faatulafonoina lou faanofoesea loa i le taimi lava lea na faatonuina ai oe.   

Afai na fai sau siaki o le COVID-19, ua faatulafonoina ona e faanofoesea i le fale seia maua atu iuga o au siaki sa fai.  

I le vaitaimi o le Lapataiga Vaega 3 e tatau ona e:

  • Tausi le mamao e 2 mita mai isi e ese mai totonu o lou aiga,
    ma le 1 mita i totonu o falefaigaluega.
  • Fai se mea e ufiufi ai fofoga i luga o auala o femalagaiga lautele, vaalele poo taimi e faigata ai ona
    faamamao ese mai isi e pei o totonu o supamaketi poo faleoloa.
  • Fufulu ma solo mago ou lima i taimi uma.
  • Faamaumau nofoaga o loo e agai i ai ma tagata e te feiloai i ai. Faaaogā le NZ COVID Tracer app, o le api e tusitusi ai fesootaiga mo le COVID-19, poo faamaumauga tusitusia.

Tagai i le itulau lenei mo faamatalaga e uiga i le siama ma āuga o le COVID-19

Tagai i le itulau lenei mo faamatalaga e uiga i le faiga o Siaki

Tagai i le itulau lenei mo faamatalaga e uiga i faamaumauga e faia i le Bluetooth

E mafai ona faia pea faatasiga e lē silia ma le toʻa 10 tagata e auai ai mo faaipoipoga ma maliu.  Ua faatulafonoina le tausisia pea o le faamamao ese mai isi tagata ma tulaga tau soifua maloloina lautele ua faataatia.

E tusa ai ma le tulafono e tatau ona fai lau ufi fofoga i luga o auala mo femalagaiga lautele ma faigamalaga i luga o vaalele i totonu o Niu Sila.

E fautuaina malosi oe e fai se ufi fofoga i tulaga uma e lē mafai ai ona e faamamao ese mai isi tagata, e pei o totonu o faleoloa.

Tagai i le itulau lenei mo faamatalaga e uiga i mea e ufiufi ai fofoga

E tāua lou faia o gaioiga faigofie e tumamā ai, e aofia ai le fufulu o ou lima, tale pe mafatua i lou tulilima ma faamamā fola.

E uunaia malosi tagata e faamaumau nofoaga sa i ai ma tagata na feiloai i ai.  E fesoasoani faamaumauga nei e vave ai ona faafesootai tagata na fesootai vavalalata i ai pe a moomia.

I le vaitaimi o le Lapataiga Vaega 3, ua faatulafonoina le tatau ona e nofo i lou aiga o loo tou nonofo faatasi pe a iai taimi e te lē o auai ai i le galuega po o le aoga.  E mafai ona faaopoopo nisi tou te nonofo faatasi e pei o:

  • tagata o lou aiga tou te vavalalata
  • tagata e tausia se tasi, poo
  • tagata e fesoasoani ia i latou o loo nonofo toatasi.  

E tāua le malupuipuia o tagata o loo tou nonofo faatasi.  Tausisi i tagata o loo tou nonofo faatasi ma e mafai ona aofia ai isi tagata e te iloa e maua ai lou saogalemu ma le soifua maloloina lelei faapena foi ia i latou.

Afai ua iai soo se tasi o tou nonofo faatasi ua faalogoina ua maʻi, ua faatulafonoina le tatau loa ona faanofoesea i latou mai isi tagata uma o loo tou nonofo faatasi.  Aua e te valaauliaina pe faatagaina ni tagata asiasi, e pei o uo, aiga potopoto ma aiga, e ulufale atu i totonu o le tou fale.

E mafai ona e fealuaʻi i totonu lava o le afioaga o loo e aumau ai, mo se faataitaiga e te alu i le galuega po o le aoga, faatau, pe fai se faamalositino. E faaauau pea auaunaga i auala o femalagaiga lautele ae faamalosia le usitaia o tulafono tau soifua maloloina ma le saogalemu.

Ufi Fofoga

Ua faamalosia le faia o ufi fofoga poo isi mea e ufiufi ai fofoga i luga o auala o femalagaiga lautele i totonu o Niu Sila atoa i Vaega uma o Lapataiga o le COVID-19.  E fautuaina le faia o ufi fofoga poo isi mea e ufiufi ai fofoga pe afai e faigata ona faamamao ese mai isi tagata, e pei o totonu o supamaketi poo faleoloa.

Tagai i le itulau lenei mo faamatalaga e uiga i ufi fofoga ma isi mea e ufiufi ai fofoga

Aʻoaʻoga i le Vaitaimi o le Lapataiga Vaega 3

Na o fanau a i latou o loo faigaluega i galuega sili ona moomia, e tatala i ai nofoaga o aoga faataʻitaʻi, aoga amata ma aoga. E saogalemu le auai o fanau nei i totonu o aoga.

Faigamalaga i le va o itumalo

E matuai faasā le soona feoaʻi i le va o itumalo i le vaitaimi o le Lapataiga Vaega 3.

E matuai faatapulaa faigamalaga patino i le tagata lava ia i totonu ma fafo atu o se nofoaga o loo i le Lapataiga Vaega 3. O se faiga lea e taofia ai le pepesi o le siama. E ono moomia lou sailia o isi faamatalaga e faataga ai se faigamalaga i isi nofoaga o loo aofia i se Vaega o Lapataiga.

Nofoaga faitele

Ua faatulafonoina le tatau ona tapunia nofoaga faitele.  E aofia ai faletusi, falemataaga, faletifaga, nofoaga mo faleʻaiga, falefaamalositino, faleaau, malaetaalo ma maketi).

E lē o le taimi lenei e faatino ai nisi meafai fou, pe faia se tulaga e te ono lamatia ai pe lamatia ai nisi o loo tou nonofo faatasi.  E mafai ona e faia tafaoga e itiiti ai tulaga lamatia e maua ai i totonu o le nofoaga o loo e aumau ai.

Falefaigaluega ma pisinisi

I le vaitaimi o le Lapataiga Vaega 3, o loo iai tulaga ua faasā mo le tausia o le saogalemu o tagata faigaluega, faatapulaa fesootaiga ma tagata o loo faaaogāina auaunaga ma fesoasoani e taofia ai le pepesi o le COVID-19. Matou te fautuaina aufaigaluega e faigaluega mai le fale pe a mafai.

Fesoasoani tau tupe

Afai o e feagai ma faaletonu tau tupe, e ono maua le fesoasoani mo oe.

Tagai i le itulau lenei mo faamatalaga e uiga i fesoasoani tau meaai, tupe, soifuaga ma le maua ai o le saogalemu ma le nofo lelei

Last updated: