Soifuaga i le vaitaimi o le vaega 2 | Living at Level 2

• Tausi le mamao e 2 mita mai isi e ese mai totonu o lou aiga, ma le 1 mita i totonu o falefaigaluega
• Fai se mea e ufiufi ai fofoga i luga o auala o femalagaiga lautele, vaalele poo taimi e faigata ai ona
  faamamao ese mai isi e pei o totonu o supamaketi poo faleoloa
• Fufulu ma solo mago ou lima i taimi uma
• Nofo i le fale pe afai ua maua i le fulū poo āuga o le fulū, vili le fomai poo le Healthline ma fai sau siaki. Aua le malaga ese, alu i le aoga poo le galuega
• Faamaumau pea nofoaga o loo agai i ai ma tagata e feiloai i ai. Faaaogā le NZ COVID Tracer app poo le api COVID-19, pe tusitusi au faamaumauga. 

Faatasiga e pei o sauniga lotu, taaloga ma faatasiga mo tafaoga o loo faatapulaa i le 100 tagata.

E mafai ona oo atu i le 100 tagata e auai i se maliu pe afai ua faamalieina faatulagana o moomia.

Tulaga e moomia mo maliu ma fautuaga

Faafoeina o pisinisi ma le saogalemu

E mafai ona tatala pisinisi ua faamalieina tulafono tau soifua maloloina lautele mo le aufaigaluega ma tagata faatau.

O tulafono tau soifua maloloina lautele e aofia ai:

• faailoa le ata o loo faaali ai le NZ COVID Tracer app QR code ma ia fai se isi auala e mafai ai ona faamaumauina fesootaiga; ma
• tausisia le tumamā lelei e pei o le fufulu o lima ma faamamā fola i taimi uma, ma
• mulimulitai i taiala e faamamao ese ai mai isi tagata.

E mafai ona faatino auaunaga e saunia lava i nofoaga o tagata faatau – mo se faataitaiga i o latou fale, ma auaunaga e vavalalata ai fesootaiga ma isi tagata, ma o loo faamalieina faatulagana tau soifua maloloina lautele. 

E lē mafai ona faafoeina galuega pe afai e lē o faamalieina faatulagana nei e se falefaigaluega. 

E fautuaina pisinisi uma e faaaogā isi auala e faatino ai galuega pe a mafai, ma talanoa i le aufaigaluega e iloa ai aafiaga ma auala e pulea ai.

E tatau foi i pisinisi ona faamalieina isi uma tuutuuga tau soifua maloloina, tausia le saogalemu ma le sologa lelei o le aufaigaluega ma ausia tulaga manaomia pito maualalo tau galuega.

Aoaoga i le vaitaimi o le vaega 2

Ua tatala nofoaga mo Aoga Amata, aoga faataitai, aoga ma iunivesite mo tagata uma.

Ua saogalemu le auai ai o tamaiti i totonu o aoga.

E tatau ona nonofo tamaiti poo tupulaga talavou i le fale pe afai:

• e lē o malolosi
• o loo maua i āuga o le COVID-19
• o loo faanofoesea
• o loo faatali iuga o se siaki sa fai mo le COVID-19.

Femalagaiga ma feoaiga i le vaitaimi o le Lapataiga vaega 2

Nofo i le fale pe afai ua e maʻi.

E mafai ona e malaga i se mea, pe afai o e malosi. Ae ia mautinoa o saogalemu au feoaiga.

Fai se ufi fofoga i luga o auala mo femalagaiga lautele poo taimi e faigata ai ona faamamao ese mai isi. Faamaumau nofoaga sa e fealuai i ai.

Faamalositino ma tafaoga i le vaitaimi o le Lapataiga Vaega 2

I le vaitaimi o le Lapataiga Vaega 2, e mafai ona e auai i au taaloga ma tafaoga masani pe afai e mafai ona e faia ma le saogalemu. Ae afai ua e maʻi, nofo i le fale. 

A fai faamalositino i nofoaga faitele, taumafai e tausi le mamao e 2 mita mai tagata e te lē masani ai.

E faataga ona e faia meafai e pei o le:

• savalivaliga, tietiega uila ma tuligāmanu i fanua faasao faitele
• auau i faleaau faitele, peitai e iai tulaga o le a faatapulaa
• faamalositino i se fale faamalositino, peitai e iai tulaga o le a faatapulaa
• tietiega vaa ma taaloga fai vaa i le vai.

E tatau ona tausisia i le 100 tagata i le vaega mo taaloga faitele.

E lē o aofia le laufali, ofisa o taaloga ma isi tagata faigaluega o loo tuuina atu auaunaga i se taaloga i le 100 tagata.

E lē o iai se faatapulaa i le aofaiga o tagata i se faatasiga mo taaloga faapolofesa ma vaega laiti i taaloga faapolofesa. E mafua lea tulaga ona e faitauina autaaalo o tagata faigaluega i totonu o se falefaigaluega. O le aumaimoa e ta’ua o se faatasiga ma e faatapulaa le toatele i le 100 i le vaega.

E mafai ona tele nofoaga ua vaevae i ai se malae taalo pe a tausisia:

• le toatele o se vaevaega i le 100 tagata
• e mafai ona faaeseese le mamao o vaega i le 2 mita i fafo o se nofoaga poo le faamamao i ni pa puipui.

E tatau ona taofia vaega mai le milo faatasi poo le faaaogā faatasi o nofoaga faitele i le taimi e tasi.

O le matafaioi a i latou o loo faamaopoopoa ma le pule o le nofoaga le aoina o faamaumauga o tagata sa fesootai.

E maua tulafono mai le Sport New Zealand (external link)

Faatasiga lautele

E lē tatau i se faatasiga lautele ona silia ma le 100 tagata o iai i totonu o nofoaga ua atofaina i soo se taimi e tasi.  

E aofia ai vaega nei:

• malo e tali i lou fale
• o meafai a aiga
• faaipoipoga
• sauniga lotu
• kalapu faalotoifale ma meafai mo taaloga
• faatasiga tumaoti e pei o se aso fanau poo se patī mo se alii o le a faaipoipo.

Tulaga e moomia mo maliu ma fautuaga

E lē o aofia tagata faigaluega o loo tuuina atu auaunaga mo se faatasiga faitele i le 100 tagata o loo faatapulaa ai.

Faamamā fola i taimi uma, fufulu ou lima ma tausi le mamao e te saogalemu ai mai isi pe a mafai. Afai e lē mafai ona tausi le mamao mai isi tagata e te lē masani ai, e fautuaina le fai o sau ufi fofoga.

O le tagata o loo faamaopoopoina se faatasiga ua faatulafonoina lona faia o faamaumauga i tagata sa auai, ina ia mautinoa e mafai ona faafesootai tagata sa auai pe a moomia. E lē moomia ona faia lea tulaga pe afai e masani uma tagata o loo iai i se faatasiga, ae o se manatu e lelei pea ona fai.

Afai na e totogia se nofoaga na o se faatasiga e faia ai, o lona uiga e tatau ona faaaogā tulafono ua faailoa atu mo faatasiga.