Soifuaga i le vaitaimi o le vaega 1 | Living at Level 1

O loo pepesi pea le COVID-19

E moomia i tagata uma i Niu Sila ona:

Fufulu ma solo mago lima i taimi uma ina ia faatamaia ai le vairasi. Faaaogā le fasimoli ma le vai e fufulu ai lima mo le umi e lē itiiti ifo ma le 20 sekone. Solo mago lelei.
Pupuni lou fofoga pe a e tale ma mafatua, mo se faataitaiga tale pe mafatua i lou tulilima.
Nofo i le fale pe afai ua e maua i āuga o le fulū, vili lau fomai poo le Healthline ma saili fautuaga i siaki e fai. Aua e te malaga ese, alu i le aoga poo le galuega.
Faamaumau nofoaga o loo e agai i ai ma tagata e te feiloai i ai. Faaaogā le NZ COVID Tracer app poo le api COVID-19, pe tusitusi au faamaumauga.

Fautuaga i le faamaumauina o tagata sa fesootai i ai

Ufi fofoga

E fesoasoani mea e ufiufi ai fofoga e tausi ai lou saogalemu faapena foi i isi ma o se faiga e puipuia atili ai oe pe a lē gafatia pe lē mafai ona e faamamao ese ma le va o tagata, mo se faataitaiga i luga o auala mo femalagaiga lautele ma totonu o supamaketi.

I le vaitaimi o le Lapataiga Vaega 1, e tatau i le toatele o tagata ona fai se ufi fofoga pe a malaga i le vaalele mo faigamalaga i totonu o Niu Sila atoa. E lē aofia ai faigamalaga i vaalele tumaoti.

E tatau foi ona fai mea e ufiufi ai fofoga i luga o auala uma mo femalagaiga lautele mo le agai atu i totonu, tuua ma pasia ai Aukilani. E aofia ai nofoaafi, pasi, ma vaa ma avetaavale o taavale laiti e pei o taxis ma Uber. O loo aofia ai foi faigamalaga mamao i pasi ma nofoaafi.

E fautuaina malosi tagata i fafo atu o Aukilani e fai se ufi fofoga poo se mea e ufiufi ai fofoga i nofoaga pumoomoo e aofia ai auala mo femalagaiga lautele peitai e lē o faamalosia lea tulaga.

E tuusaunoa nisi o tagata mai le faia o ufi fofoga, mo se faataitaiga o i latou e iai tulaga faaletonu tau soifua maloloina.

Fautuaga ma tuusaunoaina o ufi fofoga ma mea e ufiufi ai fofoga

Faatasiga

E lē o iai ni tulaga faatapulaa mo faatasiga. E aofia ai maliu, faaipoipoga, sauniga lotu ma faatasiga faitele, taaloga ma tafaoga.

Tausi lou mamao mai isi

I lalo o le Lapataiga Vaega 1, o loo pulea lelei le COVID-19. O se gaioiga lelei le tausi pea o le mamao mai tagata e te lē masani ai pe a e fealuai solo. O se auala aogā e faaitiitia ai le pepesi o le COVID-19 pe a pepesi le faamaʻi i totonu o afioaga.

Galuega ma pisinisi

E mafai ona faafoeina pisinisi ma falefaigaluega i tulaga e masani ai. E tatau ona faailoa se NZ COVID Tracer QR code ma saunia isi auala e mafai ai ona faamaumauina fesootaiga i nofoaga taitasi.

Femalagaiga ma feoaiga

E tatau ona faailoa le QR codes mo le faamaumauina o fesootaiga i luga o auala mo femalagaiga lautele.

Afai ua e maʻi vili lau fomai poo le Healthline mo se fautuaga i siaki e fai ae e te lei malaga ese i se mea. Nofo i le fale ma fai le siaki pe afai ua talosagaina le faia o tulaga nei.

Aoaoga

E mafai ona tatala aoga, aoga amata ma iunivesite i tulaga e masani ai. Ua saogalemu le auai ai o tamaiti i aoga.

Mauaina o faamatalaga saʻo

E iai taimi e faasalalauina ai faamatalaga ma le faamoemoe e faaseseina ai tagata. E feteenai faiga nei i le taimi ua moomia ai lo tatou galulue faatasi e tineia le vairasi.

Fautuaga mo le mauaina o faamatalaga saʻo

Tulaga faatapulaa i tuaoi

E lei iloga ona pulea lelei le salalau o le COVID-19 i atunuu mamao. O loo tumau pea faiga e puipuia ai lo tatou tuaoi e faaitiitia ai aafiaga o le sao mai o le COVID-19 mai atunuu mamao.

O tagata ua ulufale mai i totonu o Niu Sila e tatau ona nonofo i nofoaga o loo puleaina ai le faanofoesea seʻi vaganā ua taliaina le tuusaunoaina. E tatau pea ona nonofo ese mai isi tagata, pe afai ua taliaina le tuusaunoaina.

O tagata faigaluega i nofoaga o loo puleaina ma vaavaaia ai le faanofoesea, ma o loo feagai ma galuega e maualuga tulaga lamatia i le tuaoi, o i latou nei o loo siaki i taimi uma mo le COVID-19.

Last updated: 1 December 2020