Ufi Fofoga | Face coverings and masks

On this page

E fesoasoani le fai o ufi fofoga e taofia ai le pepesi o le COVID-19 ma tausia le saogalemu o oe ma isi.

E fesoasoani se ufi fofoga e taofia ai le pipisi atu o fāua mai se tasi pe a talanoa, ʻata, tale pe mafatua. E aofia ai se tagata ua aafia i le COVID-19 peitai o loo faalogoina pea le malosi pe leai foi ni āuga o aliaʻe.

O le toatele o tagata e lē moomia ona fai ufi fofoga o loo faaaogā faapitoa i falemai ma e mafai lava ona faaaogā isi ufi fofoga. O le a faailoa atu e pule o galuega pe afai e moomia ona fai ufi fofoga poo ufi fofoga e faaaogā faapitoa i le falemai i le galuega.

Afai e lē o iai sau ufi fofoga, e mafai lava ona e tago e su'i pe faatau se ufi fofoga.

E lelei le teu ia lava ni ufi fofoga mo tagata uma e masani ona tou nonofo faatasi. 

Ufi fofoga i le vaitaimi o le Lapataiga Vaega 1 

I le vaitaimi o le Lapataiga Vaega 1, e tatau ona fai se ufi fofoga pe a malaga i le vaalele mo faigamalaga i totonu o Niu Sila atoa. E lē aofia ai faigamalaga i vaalele tumaoti.

E tatau foi ona fai ufi fofoga i luga o auala uma mo femalagaiga lautele e agai atu i totonu, tuua ma pasia ai Aukilani. E aofia ai nofoaafi, pasi ma vaa faapena ma avetaavale o taavale laupasese laiti e pei o taxis ma Uber. O loo aofia ai foi faigamalaga mamao i pasi ma nofoaafi.

E fautuaina malosi tagata i fafo atu o Aukilani e fai se ufi fofoga poo se mea e ufiufi ai fofoga i nofoaga pumoomoo e aofia ai auala mo femalagaiga lautele peitai e lē o faamalosia lea tulaga.

I le nofo ai i le vaega 1

Ufi fofoga i le vaitaimi o le Lapataiga vaega 2 poo luga atu.

E fautuaina le faia o sau ufi fofoga pe a lē mafai ona e faamamao ese mai tagata e te lē masani ai, e pei o tagata faatau i le supamaketi.

E tatau foi ona fai ufi fofoga e le toatele o tagata i luga o auala o femalagaiga lautele ma vaalele. E aofia ai nofoaafi, pasi ma vaa. E aofia ai foi ma avetaavale o taavale la‘upasese laiti e pei o taxis ma Uber.

Tuusaunoaina o ufi fofoga

E lē moomia ona fai ufi fofoga e i latou nei:

  • Tagata e iai manaoga faapitoa poo faaletonu le soifua maloloina o le tino ma le mafaufau, e ono faafaigata ai ona ufiufi o latou fofoga.
  • Tamaiti e i lalo ifo ma le 12 tausaga le matutua
  • Luga o pasi a aoga
  • Pasese o taavale la‘upasese laiti, e pei o taxis ma Uber.
  • Luga o pasi mo malaga faapitoa poo malaga taamilo
  • Luga o vaa mo femalagaiga i le va o motu
  • Faigamalaga faapitoa i luga o vaalele
  • Tagata faigaluega konekarate tumaoti mo auaunaga e faatino i le ʻea e pei o top-dressers
  • O tulaga e pei o se faalavelave faafuasei, poo taimi ua moomia ai se faamaoniga o tagata poo fesootaiga ma se tasi e logonoa.

Afai e te aafia i nisi o mafuaaga ua ta‘ua i luga, e lē moomia ona faaali se pepa ma‘i, poo isi faamaumauga e faamaonia ai mafuaaga ua e lē faia ai se ufi fofoga.

E lē taofia ai fua lou fealuai i luga o auala mo femalagaiga lautele.

E tāua ona manatua e iai nisi tagata e iai mafuaaga tatau, e pei o faaletonu i le soifua maloloina, ua mafua ai ona lē faia se ufi fofoga. E lē moomia ona vili Leoleo poo le faailoa atu i le avetaavale poo le faasino auala se tasi e lē o faia se ufi fofoga.

Matou te iloa o le toatele o tagata e mafai ona fai ufi fofoga o le a fesoasoani e taofia le pipisi o le siama, ma fai se ufi fofoga pe a moomia.

Afai o loo soli ma le mautinoa e tagata tulafono i le lē faia o ufi fofoga i luga o auala mo femalagaiga lautele e aunoa ma se mafuaaga tatau, e ono faasala i le $300, poo se sala tupe ua poloaia e le faamasinoga e oo atu i le $1,000.

Faiga e fai ai se ufi fofoga

  1. Siaki lau ufi fofoga. Ia mautinoa o loo:
    • mamā
    • mago
    • e lē o masae.
  2. Fufulu ou lima. Fufulu ma solo mago muamua ou lima, a o lē i fai lau ufi fofoga. Faaaogā soo se tasi o mea nei:
    • fasimoli ma le vai
    • sanitiser e fufulu ai lima (e lē itiiti ifo ma le 60% le malosi o le ava malosi).
  3. Fai lau ufi fofoga. Tuu le ufi fofoga e pupuni ai lou isu ma lou gutu, nonoa faamau, pe lave manoa i tua o taliga. E tatau i le ufi fofoga ona:
    • pupuni atoa ai lou isu, gutu ma le auvae
    • ofi lelei, mau lelei, pipii lelei i itu o ou foliga
    • faigofie ona e mānava lelei ai.
  4. Toe fufulu ou lima. Faaaogā soo se tasi o mea nei:
    • fasimoli ma le vai
    • sanitiser e fufulu ai lima (e lē itiiti ifo ma le 60% le malosi o le ava malosi).

I le taimi o fai ai se ufi fofoga

I le taimi o fai ai lau ufi fofoga, e tatau ona:

  • aua e te lotea le pito i luma o lau ufi fofoga
  • aua e te lotea ou foliga
  • aua le fetosoai lau ufi fofoga, e aofia ai le toso i lalo ifo o lou auvae
  • sui le ufi fofoga pe afai ua amata ona susū, masae pe ua palapalā.

Faiga e aveese ai se ufi fofoga

  1. Fufulu ou lima. Fufulu ma solo mago ou lima. Faaaogā soo se tasi o mea nei:
    • fasimoli ma le vai
    • sanitiser e fufulu ai lima (e lē itiiti ifo ma le 60% le malosi o le ava malosi).
  2. Aveese lau ufi fofoga. Aveese lau ufi fofoga mai tua ma toso ese mai ou foliga. Faaaogā manoa pe tatala le nonoa. Aua le lotea le pito i luma o le ufi fofoga, ma faaeteete e aua le lotea ou mata, isu poo le gutu.
  3. Faamamā pe tiaʻi lau ufi fofoga.
    • Faamamā ufi fofoga e fai i ie i se masini tāmea ma se vailaau i le vevela e 60 tikeri. Faamago lelei le ufi fofoga faatoa toe faaaogā ai. Aua le faaaogāina se ufi fofoga o loo susū.
    • Tiaʻi ufi fofoga na o le faatasi lava e mafai ai ona faaaogā. Tuu i se lapisi e iai se tapuni poo se pepa e mafai ona faamau ma tiaʻi ese. Aua nei toe faaaogāina pe taumafai e faamamā ufi fofoga e na o le faatasi lava e mafai ai ona faaaogā.
  4. Toe fufulu ou lima. Faaaogā soo se tasi o mea nei:
    • fasimoli ma le vai
    • sanitiser e fufulu ai lima (e lē itiiti ifo ma le 60% le malosi o le ava malosi).

Last updated: