Faamaumauga o Tagata sa Fesootai | Contact tracing
On this page
O le aogā o le faamaumauina o fesootaiga
O le faamaumauina o fesootaiga o se faiga e saili ma faafesootai ai soo se tasi ua masalomia na fesootai mai se isi ua aafia i le COVID-19.
A faamaonia se tasi ua aafia i le COVID-19, o le a faaaogā e le Matagaluega o Soifua Maloloina ma le District Health Boards nisi o auala e iloa tonu ai tagata sa fesootai ma le tagata ua aafia i le faamaʻi, ma isi tagata e ono aafia ai.
O le vave ona faafesootai o tagata sa fesootai, o le vave foi lea ona taofia o le pepesi o le COVID-19.
Matou te fautuaina le faamaumau o au feoaiga, e taofia ai le pepesi o le faamaʻi, i vaega nei:
- Nofoaga sa e alu i ai.
- Taimi na e alu ai i le nofoaga lena.
- Tagata sa tou feiloai.
Auala e faamaumau ai au feoaiga
E mafai ona faamaumau au feoaiga i auala nei:
- faaaogā le app e faamaumau ai au feoaiga
- faamaumau au feoaiga i se diary
- teu le lisi o faamaumauga nei i se mea e malu lelei ai, pe
- puʻe ata o le nofoaga sa e iai ma faailoga le aso ma le taimi na puʻe ai.
Faaaogā le NZ COVID Tracer app poo le api pe a mafai, a lē o lena, faaaogā soo se metotia e fetaui ma oe. Uunaia lou aiga ma uo ia latou faia tulaga nei.
NZ COVID Tracer app
O le app ʻNZ COVID Tracerʻ ua saunia e le Matagaluega o Soifua Maloloina, e aogā tai foliga o se diary.
E mafai ona e:
- puʻe le QR codes aloaia i pisinisi na e afea
- tusi au faamaumauga pe a e ulufale i nofoaga e lē o maua ai se ata o faaali ai le QR code.
Ua saunia le app i se faiga e puipuia ai tulaga e lē faalauaiteleina ma teu lelei ai faamaumauga e patino ia te oe.
Soo se faamatalaga (e lē aofia ai faamaumauga tusitusia e lē faalauaiteleina) ua e tuuina atu i le Matagaluega, o le a lē faailoaina i isi matagaluega a le malo seʻi vaganā o se faalapotopotoga o loo gafa tonu ma galuega faatino e tali atu ai i tulaga tau soifua maloloina lautele, ma e tatau ona faasoa faamatalaga mo le lelei o tulaga tau soifua maloloina lautele, a o feagai ai ma le faamaʻi COVID-19. E lē mafai lava ona faaaogā e faamalosia ai nisi tulaga.
O le taimi lava ua kopi ai le NZ COVID-19 Tracer app i lau telefoni, e laitiiti lava data e mafai ona faaaogā i le app. Afai o e popole i le faaalu ai o au data, e mafai ona e faatali seʻi maua se WiFi ona kopi lea o le app i lau telefoni.
E mafai ona maua le app mai le Apple App Store (external link) poo le Google Play (external link)
Nisi faamatalaga e uiga i le NZ COVID Tracer app (external link)
Api mo le NZ COVID Tracer
E mafai ona e faaaogāina le api mo le NZ COVID Tracer e tusi ai nofoaga sa e iai pe afai e te lē o faaaogāina le NZ COVID Tracer app. E tofu le api ma itulau e 30, ma e aogā mo le masina e 1.
Afai e te faaaogāina le api, matou te fautuaina:
- lou fealuai ma ave lau api e mafai ai ona faamaumau au feoaiga i taimi uma e te tuua ai le fale
- e tatau pea ona e saini i api o loo lesitala ai fesootaiga pe a e asiasi i nofoaga e pei o faleoloa.
Fai se kopi ma lolomi api
E ono moomia ona toe faatulaga le masini e lolomi ai i se faiga e mafai ai ona tele itulau laugatasi e te manao e lolomi.
Oka api
E mafai ona oka api e taʻi 10 i le pusa. E mafai ona oka kopi mo oe lava pe tufatufa i isi tagata. Pe a ma le 2-3 vaiaso e faatali ai lau oka na fai, ma e leai se tupe e totogi.
Imeli lou igoa, tuatusi, ma le aofai o api e te moomia i le Covid19Response@dpmc.govt.nz
Nisi faamatalaga e uiga i le faamaumauina o fesootaiga
O loo maua i le Matagaluega o Soifua Maloloina faamatalaga e uiga i le faamaumauina o fesootaiga.