Aʻesʻaoʻåk ne Bluetooth tracing | Turn on Bluetooth tracing

Sal foʻou teʻis NZ COVID Tracer app täe nā hoiʻåk sio pot foʻou teʻis Bluetooth tracing technology. ʻAmnåk teʻis Bluetooth tracing la aʻvavhiḁn la ʻäe la pō ta rog mijit nōnō ka ʻäe ʻel se ta leʻet ne aʻesʻaoʻåk ʻe sal teʻis ka ne kelʻåk se maj ne ʻafʻaf teʻis ma pō våh ʻe ʻafʻaf teʻis COVID-19.

ʻAmnåk teʻis Bluetooth tracing kat ӧs ra la togia ʻamnåk ne la aoa famӧr ne pō ʻe ʻafʻaf teʻis ne NZ COVID Tracer QR codes. ʻÄe kop la noh aʻesʻaoʻåk ma QR codes la noh matḁʻua teʻ ne ut ne ʻäe la sin. ʻAmnåk teʻis Bluetooth tracing iḁ nā la sal hoiʻḁkit — la hḁiasoag la matḁʻua teʻ ne famӧr ne ʻӓe noh hḁiʻeleag ma.

Ka te teʻis la garue tapen

ʻE avat ne ʻӓe nā la aierʻåk la säe ʻou Bluetooth tracing, iḁ la garue ʻe avat ne la nāʻia ta nampāt la kat ʻes ta leʻet la ʻinea ma räe ne ʻea ʻe fäeag fakfifis ta ID code. Iḁ fak se ʻou telefon ta ʻon la nāag ne digital high-fives se ta telefone hoiʻåk ne ʻelef se ʻäea. ʻAmnåk foʻou teʻis Bluetooth tracing ʻon garue la afʻḁkia ʻon ʻel ne ta telefon hoiʻḁkit se ʻäea, ma ʻon roa heta. Teʻ ne telefon ne ʻelem se ʻäea iris kop la säe ʻoris Bluetooth tracing tapeʻ ma.

ʻOn fuḁg seʻ ʻe avat ne ta leʻet kelʻåk ka pō ʻe ʻafʻaf teʻis COVID-19, iris la nā ta rog luket ne kat ʻes leʻet le ʻinea ne räe se ʻe teʻ ne IDs ʻatakoa ne ʻoris telefon ta nā ʻe lalaog ne terån saghul ma häk ne ofiof. Ka nōnō ka ʻou telefon ta ʻinea ta IDs he his ʻi, ma ʻäe noh hḁiʻeleag la rēag roa ma ta leʻet ne pō ʻe afʻaf teʻis, ma ʻou telefon ta täe la pō ta rog luket la raʻḁkia se ʻäea. Rog teʻis ne ʻäe pō ʻe ʻou telefon ta la rakʻåk se ʻäea teʻ ne tē ne la rē la matḁʻua, pär ma ū ʻäe ma ʻou kḁunohoag ta.

Kel se mḁl ruruet ne mou se Bluetooth tracing la ʻinea ne ʻamnåk teʻis la garueʻåk tapen (external link)

Ka la säe tapen

Telefon maʻoit la sokʻåk ʻamnåk teʻis se app heta ʻe iris ʻes ta ma kat ʻes tēet la rē. Ka ʻäe la pō seʻ ma la häeʻåk ʻe ʻäea se ʻou app heta ʻe av ne ʻäe laʻ se ut teʻis app store ne play store.

ʻE avat ma ne ʻäe häeʻåk se ʻou telefon ta, ʻou app la sḁioʻ se ʻäea ne ʻäe pā säe ʻou Bluetooth tracing. ʻE avat ma ne ʻäe säe, iḁ la garue tapeʻ ma ʻe avat ne ʻäe la pā app heta.

ʻAmnåk teʻis Bluetooth tracing kat aʻesʻaoʻåk ʻe ra ʻou mobile data, ma kat aʻӧf mij ʻe ra hḁf heta (battery) ʻe laloag ne ʻou telefon ta ʻe pō ʻe iḁ aʻesʻaoʻåk ke ʻe Bluetooth Low Energy.

ʻOu rogrogo la matḁʻ la kat ʻes leʻet ra la ʻinea

ʻE avat ne la säe ʻou Bluetooth tracing, teʻ ne rogrog ne mou se ʻäea la matḁʻ la kal hot ra se taf ta — kat pō ʻe ra la rakʻḁkia utut ne ʻäe täe ʻe ʻon rerege, ʻou as ta ne ta tēet ne mou se ʻäea. ʻAmnåk teʻis Bluetooth tracing kat pō ʻe ra la afʻḁkia ma rakʻḁkia ne sei ta ʻäe aʻel seʻ ne utut ne ʻäe täe ʻe ʻon rērege.

ʻOn fuḁga, ʻe avat ne ʻäe la pō ta rog luket ʻe rēko ʻäe noh hḁiʻeleg ma leʻet ne pō ʻe ʻafʻaf teʻis COVID-19, gat ma ke ʻäe ta ʻinea ma kat ʻes leʻ hoiʻḁkit la ʻinea ʻe avat ne ʻäe la pō ʻe rog teʻis. Teʻ ne sal ma rogrog ne mou se aoag ne famori (contact tracing) ne ʻӓe fakput ʻe ʻou app heta la noh fumou ʻe ʻou telefon ta, ma ʻӓe ʻes puer se avat ma kḁinag rogrog tes tӓe ʻӓe pō la hḁiväeag ma ta leʻ hoiʻḁkit.