Nonofo ke he Fakapapahiaga 2 | Living at Level 2

Ko e tau Fakapapahiaga Fakaofo oti, mau agaia ni e tau faahi gahua he tau magahala mahuiga nai ke hafagi tuga e tau fale Malolō Tino, tau fale gahua he tau fekau tupu fakaofo, tau fale utu penesini mo e tau peleōafi ne fae fakafano e tau koloa mahuiga. Ko e tau takitaki gahua he tau faahi gahua nai tumau agaia ke muitua ke he tau matafakatufono ke puipuiaki e tau momoui gahua he tau tagata gahua nai.

Ko e tau Fakapapahiaga Fakaofo oti, kaeke kua fai lekua tupu fakaofo, muitua ke he tau hatakiaga fa mahani ke lata mae tau lekua tupu fakaofo. Mahuiga lahi ke muitua ke he tau hatakiaga he tau lekua tupu fakaofo, kaeke kua fai lekua tupu fakaofo kae ua fakatali poke fakauaua ha ko e tau hatakiaga he COVID-19 ke nofo i kaina.

Ko e heigoa ka taute kaeke kua fai lekua tupu fakaofo (external link)

Nonofo ke he Fakapapahiaga 2

Ko e Fakapapahiaga Fakaofo 2 kua mahuiga ia koe ke:

  • Fakaveha ke ua (2) e mita mo e tau tagata mai fafo he kaina, mo e taha (1) e mita ke he tau fale gahua
  • Tau e pa-mata ka fano he tau peleo-afi, vakalele, poke ka nakai maeke ke fakaveha ke tuga ke he tau fale koloa lalahi poke fale koloa ikiiki/teli
  • Holoholo mo e fakamomo tumau e tau lima ke he tau magaaho oti
  • Nonofo he tau kaina ka moua a lautolu he velavela/kolu poke fai fakamailoga fulu, hea e ekekafo poke Healthline mo e o ke sivi. Ua o fenoga, o he aoga poke o ke gahua
  • Fakamau e tau o-fanoaga mo hai ne feleveia mo koe. Fakaaoga e epe NZ COVID Tracer, pepa COVID-19, poke tau laupepa tohitohi.

Ko e kaupa mai ni he 100 e tagata ke he tau toloaga tuga e tapuakiaga, sipote mo e tau fakafetuiaga tagata.

Ko e tau mauku mo e tau tanuaga ke kaupa mai he 100 e tagata ka muitua e fakatoka fekau ke he tau poakiaga.

Peehi e mena e ke moua e tau fakamaamaaga ke lata mae tau fakamailoga he moko COVID-19 (external link)

Peehi e naē ke moua e tau fakalaulahiaga hagaao ke he tau tiviaga (external link)

Peehi e naē ke moua e tau fakailoaaga ke lata mae Bluetooth tracing (external link)

Tau Pa Mata mo e Tau Pa ihu/gutu (masks)

Mahuiga ke tui e tau pa gutu mo e tau pa ihu kaeke kua fakaaoga e koe e tau puhala ō fenoga tuga e pasi, vakalele, ferry poke tuleni. Kua fakagahua e hatakiaga nai ke he tau Fakapapahiaga Fakaofo oti he COVID-19 he motu nai ko Niu Silani.

Hataki atu ke fakatumau ke tui e tau pa gutu mo e tau pa ihu kaeke kua uka ke fakavehā mamao mai mo e taha tagata, tuga ki loto he tau fale koloa.

Peehi e mena e ke moua e tau fakailoaaga hagaao ke he tau pa gutu mo e tau pa ihu (external link)

Heigoa ka taute kaeke kua mate e taha tagata

Ka mate e taha tagata ti:

  • Matutaki ke he faahi leveki malolo tino poke ekekafo he tagata ne mate
  • Matutaki atu ke he taha tagata pule fale-mate ne manako a koe ki ai

Kaeke kua mate e tagata:

  • kae nakai iloa ko e mate he ha, kua lata ni ke taute e kumikumiaga (post-mortem). To lagomatai atu fakamua he ekekafo poke tagata leveki malolo tino haana, mo e neke fakailoa foki ke he tau Leoleo
  • ha ko e gagao tuai ke he tino, ko e ekekafo haana/lautolu ka tutala ai ke he pule fale-mate ne kua fifili e koe – to fakailoa atu he pule he fale-mate
  • ha ko e COVID-19, ko e leveki malolo tino haana ke lagomatai a koe/mutolu ke he heigoa foki ke taute ai.

Ma e tau mauku mo e tau tanuaga oti

Ke lagomatai ke taofi e pikitia mo e utafano he COVID-19 ko e tau tagata gagao ne moua e tau fakamailoga tuga e fulu mo e makalili/kolu kua lata ni ke nonofo he tau kaina.

Ko e muitua poke tohi fakamau he tau o-fanoaga kua mahuiga ke he totokoaga ha tautolu ke he gagao COVID-19. Ma e tau mauku mo e tau tanuaga tagata oti, kua tonuhia ni ke fai puhala kua fakatoka ke muitua poke tohi fakamau e tau fakafetuiaga mo e o-fanoaga oti he tau tagata kua fakalataha poke tolo auloa ke he mauku/tanuaga.

Fakafetui kae haohao mitaki – fakamea e tau fuga-lapa/sefesi, holoholo e tau lima mo e o-fano fakaveha kaeke kua maeke.

Ka nakai maeke ke fakaveha mai he falu tagata ne nakai iloa e koe, kua lata ni ke tau e tau pa-mata poke pa-gutu/ihu.

Tau mauku mo e tau tanuaga ke he Fakapapahiaga Fakaofo 2

Maeke ke fakakaupa mai he 100 tagata ke fakafetui ke he tau mauku poke tau tanuaga ke he Fakapapahiaaga Fakaofo 2.

Nakai lata e tau tagata fakatokatoka fekau ke tohi fakamau ke he Minisituli Faahi Leveki Malolo Tino ke taute e ha tanuaga tagata.

Ko e tagata fakatokatoka fekau ke kitia ko e poakiaga fakatufono ke he fakamauaga fakafetuiaga tagata kua muitua ki ai.

Fakaaoga e tau puipuiaga fakafetui ke he tau mauku mo e tau tanuaga ke he:

  • tau fale-mate
  • tau fale -tapuakiaga, tau mosike (mosque) mo e falu fakafetuiaga faka-lotu kehekehe
  • tau fale/kaina totogi mo taute fekau lalahi pihia
  • tau kaina nonofo tagata 

Tau fakaailoaga foki ma e tau poaki fakafetuiaga tagata https://covid19.govt.nz/everyday-life/gatherings-and-events/#social-gatherings-at-alert-level-2

Ko e poaki atu foki ke ua taute e tau aga-mahani fakaalofa lima/harirū, hongi, tau figita mo e tau kukukuku kae, maeke kaeke ko koe:

  • nonofo auloa mo lautolu he taha ni e kaina
  • e taha he magafaoa
  • e taha he tau kapitiga uho.

Fakakaupaaga he numela tagata ke tolo ai

Ko e fakakaupaaga tagata tolo (hogofulu, limahogofulu poke taha e teau) ne nakai lauia ai e totouaga ke he tau kaikaranga, kaikōrero, mo e tau fekafekau he Atua poke kau gahua.

Tau matakau kehekehe

Maeke e tau matakau kehekehe ke o-atu ke he mauku poke tanuaga. Kae nakai maeke ke molea e numela fakakaupa kua fakatoka ki ai (poke hogofulu, limagofulu poke taha e teau) he taha e magaaho. O mua e taha matakau, ka oti ia ti o e matakau ke ua. Nakai maeke ke fiofio auloa poke fakafetui e tau matakau ne ua.

Fakavehaaga kua fakatoka

Ko e fakavehaaga kua fakatoka ko e taha mena atā ki fale poke ki fafo ne kua toka kehe mai he falu mena atā poke fakavehaaga pihia foki.

Kaeke ko fale, ko e taha e fakavehaaga a ia ne kua pa takai-aki e tau kaupa ne vevehe kehe mai aki e falu fakavehaaga/poko. Ko e tau kaupa mau tuai poke fakatutū to utakehe.

Ko e fakavehaaga taha ki fafo kaeke:

  • kua fai kaupa kua vevehe kehe mai ai he falu a fakavehaaga pihia – ko e tau kaupa mau tuai poke fakatutū to utakehe ai, poke
  • kua tote e taki 2 e mita he veha mamao mai he tau tagata oti kua fakafetui ai ke he fakavehaaga ia mo e kua fakaveha mamao mai foki he falu tagata (i tua he fakavehaaga ia).

Kaeke kua loga e tau fakavehaaga kua fakatoka ai, ti kua nakai lata ke o-fano e tau tagata he taha fakavehaaga ke he taha. Pihia ni ka o-mai mo e o-atu poke o ke he tau falevao.

Ko fe ke kumikumi tala foki a koe ki ai

Gahua pisinisi haohao mitaki

Ko e tau pisinisi ne fakamooli e tau poakiaaga faahi malolo tino kua maeke ke hafagi ma e tau tagata gahua mo e tau kasitoma.

Tau poakiaga faahi malolo tino ke:

  • fakakite e fakatino he epe NZ COVID Tracer QR code mo e falu puhala muitua fakafetuiaga; mo e
  • fakatumau e tau mahani fakamea tuga e holoholo e tau lima mo e fakamea tumau e tau fuga mena/sefesi, mo e
  • muitua e tau poakiaga fakaveha mamao.

Ko e tau gahua ke he tau kaina tagata tuga e kaina nofo, mo e tau gahua ne fakatata tagata kua fakamooli e tau fuafua faahi malolo tino ke hafagi ai.

Ka nakai fakamooli he faahi gahua e tau fuafuaaga ia to nakai maeke ke hafagi.

Ko e tau pisinisi oti kua fakaohooho ke fakaaoga falu puhala foki ka maeke mo e tutala ke he tau tagata gahua ke iloa e tau hagahaga kelea mo e tau puhala ke takitaki aki a lautolu.

Ko e tau pisinisi foki ke fakamooli e tau poakiaga ma e tau malolo tino mo e haohao mitaki ai, leveki e kau gahua ke malolo mo e mafola mo e fakamooli e tau fakaveaga ke maeke ke gahua.

Tau fakaakoaga

Tau Aoga Vaha Ikiiki, aoga fakamahani, aoga fanau lalahi, mo e tau aoga pulotu kua hafagi oti ma e tau fanau mo e tau tagata ako-mena oti.

Kua haohao mitaki e tau fanau ke liliu ke he tau aoga.

Ko e fanau mo e tau fuata kua lata ke nonofo he tau kaina kaeke kua:

  • nakai malolo poke kua gagao ai
  • fai fakamailoga ke he gagao COVID-19
  • nofo-puipui tokotaha
  • fakatali he tali he siviaga ke he COVID-19.

Tau fenoga o fano

Ka gagao a koe, nofo he kaina.

Ka malolo a koe, maeke ke faifano. Kae manatu ke fano faka-haohao mitaki.

Tau e pa ihu/gutu ka heke he tau peleo afi heke auloa poke kaeke kua uka ke fakaveha. Manatu poke tohi e tau mena ne fano a koe ki ai.

Faofao tino mo e tau feua fakafiafia

Ke he Fakapapahiaga Fakaofo 2, maeke a koe ke taute e tau feua fa mahani ka nakai fai mena ke haofia ai. Kae kaeke kua gagao a koe, nofo he kaina.

Ka faofao tino auloa, fakaveha ke 2 e mita he mamao mai he tau tagata ne nakai iloa e koe kaeke kua maeke.

Maeke ia koe ke taute e tau feua pehe:

  • lakahui, heke pasikala mo e fanafana manu ke he tau male poke tau vala-vao leveki
  • koukou ke he tau fale/pa koukou auloa, kae to fai peehiaga leveki
  • fano ke he fale faofao, kae to fai peehigiaga leveki
  • heke posi mo e tau sipote he tau peleoafi.

Ko e tau sipote fakamaaga ke kaupa mai he 100 e tagata he tau matakau.

Ko lautolu e tau Lefeli mo e tau tagata gahua nakai lauia a lautolu he numela 100 e tagata.

Ma e falu, tau tagata pele sipote fai totogi, ne nakai fakakaupa e numela tagata. Kakano ha ko lautolu ko e tau tagata gahua he gahuaaga. Ko e tau tagata kitekite he toloaga ke kaupa mai he 100 tagata he tau matakau kitekite.

Ko e male sipote lahi kua maeke ke vehevehe ke he fiha e veveheaga kaeke:

  • tau tagata he tau matakau kua kaupa mai he 100
  • tau tagata he tau matakau kua fakaveha ke 2 tumau e mita ke fakaveha kaeke ko fafo poke ki tua he tau pa-vevehe.

Ko e tau matakau kua nakai maeke/lata ke o fano poke fetufatufa-aki e tau mena fakaaoga auloa he taha e magaaho.

Ko e tau takitaki fakatoka-feua mo e pule ke he male kua toka ki ai e takitakiaga he tau totouaga tagata ke muitua e tau matutakiaga.

Hatakiaga he Matakau Sipote ha Niu Silani (external link)

Tau toloaga tagata

Ko e tau toloaga to nakai molea e 100 tagata he magaaho taha he matakavi.

Kua putoia e:

  • tau kapitiga ke he kaina haau
  • tau fakafetuiaga magafaoa
  • tau fakamau hoana/taane
  • tau tapuakiaga
  • tau kalapu maaga mo e tau feua sipote
  • tau toloaga tuga e aho fanau poke tau fakafiafia faka taane.

Tau peehiaga mo e fakatonuaga ma e tau mauku mo e tanuaga

To nakai totou e tau tagata gahua ke he tau toloaga ke he numela 100 tagata. 

Fakamea e tau fuga mena/sefesi, holoholo e tau lima mo e tumau ke fakafetui fakaveha kaeke kua maeke. Ka uka ke fakafetui fakaveha mo e tau tagata ne nakai iloa e koe, ti liga mitaki ni ke tau/tui e pa mata.

Ko e tagata ne taute e fakafetuiaga ke fakamau e tau higoa oti tuga ne poaki he fakatufono ke mukamuka ke muitua e tau fakafetuiaga kaeke kua lata. Nakai lata ke taute kaeke kua feiloaaki e tau tagata he fakafetuiaga, ka e mitaki foki ni ke taute pihia.

Kaeke kua totogi e koe e kaina ke lata mo e fakafetuiaga kia muitua ke he tau fakatokatokaaga ke lata mo e tau fakafetuiaga. 

Last updated: