Nonofo ke he fakapapahiaga 1 | Living at Level 1
On this page
Faifano agaia ni e COVID-19
Kua lata e tau tagata oti i Niu Silani ke:
- Holoholo mo e fakamomo tumau e tau lima ke tamate e moko/vaelasi. Fakaaoga e moli mo e vai ke molea e 20 sekone. Fakamomo ke momo.
- Ufiufi e tau koho mo e tau tihe, ke tuga kaeke kua koho mo e tihe ke he ao he tuli lima.
- Ka fai fakamailoga kolu poke fulu a koe ti nofo he kaina, hea e ekekafo haau poke Healthline mo e kumi hatakiaga ke sivi ai. Ua fai fano, ua fano he aoga poke ke gahua.
- Fakamau e tau mena ne fano ki ai mo hai ne kitia. Fakaaoga e epe NZ COVID Tracer, pepa muitua COVID-19 poke tau laupepa tohitohi.
Hatakiaga ke Muitua Fakafetuiaga
Hatakiaga ke he moko/vaelasi mo e tau fakamailoga
Tau pa/ufiufi mata
Lagomatai he tau pa ihu mo e pa gutu a koe moe falu ke nonofo haohao mitaki mo e moua e tau puipuiaga ke fakavehā mamao mai he tau tagata, fakatai, ki loto ke he tau puhala o fano auloa.
Ke he Fakapapahiaga Fakaofo 1, tokologa he tau tagata kua lata ke fakaaoga e tau pa ihu moe tau pa gutu kaeke ke o fenoga ki loto i Niu Silani nai. Nakai lauia e tau fenoga o faka-pulaevete.
Kua lata foki e tau pa ihu mo e tau pa gutu ke fakaaoga ka o fenoga ki loto i Okalana, lauia ai e tau tuleni, tau pasi, tau feli (ferries) pihia mo lautolu e tau tagata fakaholo peleō-afi ikiiki tuga e tau tekesiī (taxis) mo e tau Upa (Uber), lauia ai foki mo lautolu ne fakaholo peleō-afi ke he tau fenoga o mamao.
Ki, fafo a Okalana kua aoga lahi ke tui e tau pa ihu mo e tau pa gutu po ke ufiufi e tau mata ke he tau matakavi kua tokologa e tau tagata ne fakapotopoto ki ai tuga, e tau peleo-afi heke auloa ka e nakai mamafa lahi e poakiaga ia.
Falu a tagata kua toka kehe mai he tauteaga nai. Fakatai, ko lautolu kua fai gagao po ke fai kafokia ke he tau tino.
Tau hatakiaga mo e tau fakakehekeheaga ma e tau uufi mo e tau pa ihu mo e tau pa gutu
Tau Toloaga
Nakai fai poakiaga ke he tau toloaga. Putoia ai e tau mauku, tau fakamauaga, tau fakapotopotoaga lotu poke maaga, tau sipote mo e fakafiafiaaga.
Fakaveha kehe a koe
Ke he Fakapapahiaga Fakaofo 1, kua taofi tuai e COVID-19. Mitaki agaia ni ke fakaveha mo e tau tagata ne nakai iloa e koe ka o-fano ai. To lagomatai ni ke taofi e utafano he COVID-19 ka fai ka gagao ai he maaga.
Gahua mo e Pisinisi
Hafagi tuai e tau pisinisi mo e tau faahi gahua. Kua lata ia lautolu ke pili-hake e fakatino he NZ COVID Tracer QR code mo e foaki taha puhala muitua fakafetuiaga foki he tau fale gahua takitaha.
O-fenoga mo e tau puhala o-fano
Ko e tau puhala o-fano auloa ke fakakite e fakatino QR codes mo muitua fakafetuiaga.
Ka gagao a koe hea e ekekafo poke Healthline ke fai fakatonuaga ke sivi to fano a koe. Nofo he kaina ti fano ke sivi ka ole atu ke eke pihia.
Tau Fakaakoaga
Ko e tau aoga, tau aoga fakamahani mo e tau aoga pulotu kua maeke ke hafagi ai tuga fa mahani. Kua haohao mitaki ke liliu e tau fanau ke he tau aoga.
Mouaaga he tau fakailoaaga tonu
Falu a magaaho kua fakahehe pauaki e tau fakailoaaga fakakite ke fakavai-aki e tau tagata. Kua totoko mai pihia kia tautolu he tau magaaho kua lata ke gahua auloa ke keli e moko/vaelasi.
Tau hatakiaga ke moua e tau fakailoaaga tonu
Puipuiaga ma e tau Tuutaaga motu
Ko e COVID-19 tumau agaia ni e malolo he tau motu kehe. Ko e tau puipuiaga he tau tuutaaga motu to tumau ke puipui mo e ua tamai e COVID-19 mai he tau motu kehe.
Ko e tau tagata kua omai ki Niu Silani to taatu ke he tau kaina levekiaga nofo-kehe ka ko e falu kua foaki e fakaataaga. Kaeke kua foaki e fakaataaga ko lautolu foki ke nonofo taha he tau kaina.
Ko e tau tagata gahua he tau kaina levekiaga nofo-kehe mo e puipui, mo e tau gahua hagahaga kelea he tuutaaga motu kua sivi tumau ma e COVID-19.
Last updated: