Tau Pa Mata mo e Tau Pa ihu/gutu (masks) | Face coverings and masks
On this page
Ko e fakaaoga he tau pa mata/gutu kua lagomatai ke taofi-aki e fakapikitiaaga he COVID-19 mo e puipui a koe mo e falu ke haohao mitaki.
Ko e pa mata ke taofi aki e tau puke-anu ke ua tufa fano ka vagahau, kata, koho poke tihe e tagata. Putoia ai e tagata moua he gagao COVID-19 ne malolo mo e nakai fai fakamailoga.
Ai lata e tau tagata oti ke moua e tau pa-ihu/gutu falegagao ti fakaaoga falu faga foki. Ko lautolu ne lata ke fai pa mata falegagao he tau gahuaaga to fakatonu atu he tau pule-gahua.
Ka nakai fai pa mata a koe, maeke a koe ke fakatau po ke talaga ni e koe haau.
Ko e mena aoga lahi ke fai koloa uufi mo e pa ihu mo e tau pa gutu e kaina ke lata mo lautolu oti kua nonofo auloa ke he kaina.
Tau pa mata he Fakapapahiaga 1
Ke he fakapapahiaga fakaofo 1, ko e tau pa ihu mo e tau pa gutu kua lata ke fakaaoga ke he tau puhala o fenoga vakalele I loto a Niu Silani ka e nakai ko e tau vakalele pulaevete (private flights)
Ko e mena kua lata foki ke fakaaoga e tau pa ihu mo e tau pa gutu ki loto ke he tau puhala o fenoga auloa ki Okalana. Lauia ai e tau tuleni,tau pasi mo e tau feli ( ferries) mo lautolu e tau tagata fakaholo peleō-afi ikiiki tuga e tau tekesī ( taxis ) mo e tau Upa ( Uber). Lauia ai foki a lautolu e tau tagata fakaholo peleō-afi o fenoga mamao.
Ki, fafo a Okalana kua hataki fakalahi atu ke tui e tau pa ihu mo e tau pa gutu ke he tau matakavi kua tokologa e tau tagata kua fakapotopoto ki ai, tuga ki loto ke he tau peleō afi heke auloa, ka e nakai kakā lahi.
Link ke he tau nonofoaga ma e Fakapapahiaga Fakaofo 1
Tau pa mata he Fakapapahiaga Fakaofo 2 poke tokoluga
Ko e tau he pa mata ka nakai maeke ke fakaveha mamao mai he tau tagata ne ai iloa e koe tuga ke he falekoloa kua omoi fakaohooho atu ni.
Ko e tau pa mata kua lata ke tau he tokologa ka oatu he tau puhala o fano auloa mo e tau vakalele. Kua putoia foki e tau tuleni, tau pasi mo e tau toga/feli. Kua putoia foki e tau tagata fakaholo he tau peleo afi ikiiki uta tagata tuga e tau tekesi mo e Upa.
Tau pa-mata kua fai fakakeheaga
Kua nakai lata ke fakaaoga:
- He tau tagata fai kafokia poke pakia poke kelea e loto manamanatu mo e uka ke tau e tau pa mata
- He tau fanau 12 e tau ki lalo
- Ke he tau pasi aoga
- He tau pasese he tau peleo afi ikiiki, tuga e tekesi mo e Upa
- He tau matakau fenoga evaeva
- He tau toga/feli o fenoga he motu
- He tau vakalele pulaeveti
- He tau tagata gahua pulaeveti he tau vakalele tolo fetalaisa/vai
- Ke he tau magaaho ka ha i ai e tau mena tupu fakaofo poke tau tagata ka fakakite e fakamooliaga poke matutaki mo e tagata teliga tuli.
Kaeke kua lauia a koe ke he he tau mena nai, nakai lata ke fakakite haau a tohi fakaekekafo poke falu tohi fakamooli ke fakamaamaaki ko e ha ne nakai tau ai e pa mata haau.
To nakai taofi a koe mai he fano fenoga ke he tau puhala o fano auloa.
Kua mahuiga ke manatu ko e falu tagata ha i ai e tau kakano tonu, tuga e malolo tino, ati ai tau ai e pa mata. To nakai fai kakano ke hea e leoleo poke fakakite ke he tagata fakaholo poke tagata leveki ka kitia e koe taha kua nakai tau e pa mata.
Kua iloa e tautolu ko e tokologa he tau tagata kua maeke ke tau e pa mata mo lagomatai ke puipui e tufatufaaga mo e tau e pa mata kaeke kua tonuhia.
Kaeke kua liuliu pauaki ke nakai muitua ke he tau fakatokaaga he nakai tau e pa mata he tau puhala o fano auloa ka e nakai fai kakano mooli, to fakahala a ia ke he $300 poke fakahala mai he fale fakafili ke hoko ke he $1,000.
Fakaaoga/tau fefe e pa mata/ihu/gutu
- Fakakia e pa mata haau. Fakaati kua:
- mea
- momo
- ai malona/fai-pupu/mahe.
- Fakamea mua e tau lima haau. Fakamomo e tau lima haau to tau e pa mata. Fakaoga e taha he tau mena na:
- moli mo e vala vai
- vai holoholo lima sanitaisa (tote ke 60% e alakoholo).
- Tau e pa mata haau. Tuku e pa mata ki luga he ihu mo e gutu haau, ti pipi poke tautau ke he tau seliga. Ko e pa mata kua lata ke:
- uufi katoa e ihu, gutu mo e kumukumu
- kua tau mitaki, mo e mau, ke he tau paka mata faahi ua haau
- fakaata a koe ke fafagu fakamitaki.
- Liu fakamea e tau lima haau. Fakaaoga e taha he tau mena na:
- moli mo e vala vai
- vai holoholo lima sanitaisa (tote ke 60% e alakoholo).
Kaeke kua tau e pa mata
Kaeke kua tau e pa mata kua lata a koe ke:
- lali ke ua fota poke amoamo a mua he pa mata haau
- lali ke ua amoamo e tau mata haau
- lali ke ua lutu e pa mata haau mo e ua hamu hifo ki lalo he kumukumu
- fakafoou e pa mata kaeke kua pala, malona poke kiva.
Utakehe fefe e pa mata
- Fakamea e tau lima haau. Fakamea mo e fakamomo e tau lima haau. Fakaaoga e taha he tau mena na:
- moli mo e vala vai
- vai holoholo lima sanitaisa (tote ke 60% e alakoholo).
- Utakehe e pa mata haau. Aaki e pa mata haau mai tua mo e utakehe mai he tau mata/fofoga haau. Fakaaoga e tau he tau teliga poke vevete e pipi. Ua amoamo a mua he pa mata, mo e fakaeneene ke ua amoamo e tau mata, ihu poke gutu haau.
- Fakamea poke liti ke he vao e pa mata kua kiva haau.
- Fakamea e tau pa mata kalaie ke unu aki e moli unumena he masini vai vela ke he 60 e tikuli Selasiasi. Fakamomo ke momo mitaki e tau pa mata kalaie ia to liu ke fakaaoga. Ua fakaaoga e pa mata kua pala.
- Tolo ke he vao e tau pa mata fakaoga lagataha. Ua liu ke fakaaoga e tau pa mata ia. Tuku he tiniveve fai pogoti poke tuku he taga fai pipi to liti he tiniveve. Tolo ke he vao ua unu ke liu fakaaoge e tau pa mata ia.
- Liu fakamea e tau lima haau. Fakaaoga e taha he tau mena na:
- moli mo e vala vai
- vai holoholo lima sanitaisa (tote ke 60% e alakoholo).
Last updated: