Muitua Fakafetuiaga/Matutakiaga | Contact tracing
On this page
Lagomatai fefe he muitua fakafetuiaga
Ko e muitua fakafetuiaga ko e puhala ke kumi-aki e tau tagata ne liga kua fakatata lahi ke he COVID-19.
Ka mooli e siviaga he tagata ke he COVID-19, ko e Minisituli Faahi Malolo Tino mo e Tau Matakau Faahi Malolo Tino Maaga ka fakaaoga e tau lakau/lagatau ke kumikumi-aki ko e fiha e tagata kua fakafetui mo lautolu ia mo e ko hai foki kua moua he gagao.
Ka mafiti e moua he tau tagata fakafetui, ti mafiti foki ke taofi e utafano he COVID-19.
Ke lagomatai ke taofi e utafanoaga, hataki atu a mautolu ke muitua e tau fanoaga haau, lauia e:
- Fano a koe ki fe.
- Fano i ne fe, ki ai.
- Ko hai ne feleveia mo koe.
Muitua fefe ke he tau fanoaga haau
Muitua e koe haau e tau fanoaga kaeke ke:
- fakaaoga e epe ke fakamau e tau mena ne fano a koe ki ai
- fakamau hifo he tohi/taeri
- toka e lisi higoa he taha mena kua hagahaga mitaki poke
- poki e tau ata ne tohi-magaaho he tau mena ne fano a koe ki ai.
Fakaaoga e epe NZ COVID Tracer poke pepa-tohi kaeke kua maeke, poke falu puhala ni kua mukamuka kia koe. Tomatoma e magafaoa mo e tau kapitiga ke taute pihia foki.
Epe Muitua COVID-19 ha NZ (NZ COVID Tracer app)
Ko e epe ‘NZ COVID Tracer’ he Minisituli Faahi Malolo Tino ke lagomatai-aki a koe ke taute e tohi/taeri faka-tititolo.
Maeke ia koe ke:
- sikene e tau ‘talahau Fakatonu-Mafiti’ (QR codes) pauaki he tau pisinisi
- fakamau/tohi e tau talahau ke he tau mena ne fano a koe ki ai ne nakai fai fakatino talahau FM.
Ne talaga e epe ke puipuiaki e tau tala-iloa kia koe mo e to nakai fakakite fakahanoa.
Ko e tau talahauaga (ai lafi tala-numela ufiufi) ne fakakite e koe ke he Minisituli to nakai tufa ke he tau faahi gahua fakatufono ne nakai fai fekau ke he tau fakatautonuaga malolo tino auloa mo e fakaaoga ni e tau mena ia ma e tau gahua faahi malolo tino ma e gagao-lahi COVID-19. To nakai fakaaoga ke fakahala aki a koe.
Ka oti he tukuhifo ai he kupega, ko e epe NZ COVID-19 Tracer tote e fakaaoga he potaaga fekau/koloa he foni haau. Ka tupetupe a koe neke mole lahi e potaaga haau, ti fakatali ke matutaki ke he WIFI to tukuhifo e epe.
Tukuhifo e epe mai he Apple App Store (external link) poke Google Play (external link)
Falu tala foki ke he epe NZ COVID Tracer (external link)
Tohi fakamau ma e NZ COVID Tracer
Maeke ke fakaaoga e koe e tohi fakamau NZ COVID Tracer ke tohi/fakamau tuga e taeri e tau fai-fanoaga haau ka nakai fakaaoga a koe he epe NZ COVID Tracer. Ko e 30 e lau he pepa-tohi ia, ti taha e mahina ke fakaaoga ai.
Ka fakaaoga e koe e pepa-tohi, hataki atu pehe a mautolu:
- toka mo e uta e pepa-tohi haau mo koe ke maeke ke tohi e tau fanoaga haau ka toka e koe e kaina
- saini agaia e koe e tau fakamauaga higoa muitua fakafetuiaga ka finatu ke he tau fale koloa.
Tukuhifo mo e lolomi e tau pepa-tohi
Neke lata ke hiki e pulinita (printer) haau ke lolomi fakaloga e tau lau ne manako ki ai.
Ota e pepa-tohi
Maeke ke ota e tau pepa tohi ne 10 e pepa he taha e pega. Maeke ke ota ma haau ni poke ke tufatufa ke he maaga. Nakai totogi e tau ota mo e leva ke he 2-3 e faahi tapu to moua.
Imeli atu e higoa haau, atulese, mo e numela pepa-tohi ne manako ki ai
ke he Covid19Response@dpmc.govt.nz
Tau tala foki ke he muitua fakafetuiaga
Haia he Minisituli Faahi Malolo Tino e tau fakailoaaga foki ke he puhala muitua fakafetuiaga.