Tau tivi COVID-19 ke lata mo e tau pasese liliu mai he tau motu ne kua lauia mo e tupu lahi ki ai gagao nei | Additional COVID-19 tests for returnees from higher-risk countries

To, tivi fakamua, e tau pasese oti to, o kehe mai i UK mo USA

Mahuiga lahi ke taofi e gagao nai ke ua hoko mai mo e tupu ke he ha tautolu a motu.

Ke kamata he tau tula 11:59 he po 15 Ianuali 2021, ko e tau pasese oti ka toka a UK mo USA kua lata ke moua e tau talahauaga tonu ke he tau tivi RT-PCR ma e COVID-19 , fitugofulu-ma-ua e tula to, o kehe mai mo e tau motu ia. Kua lata foki ke moua e tau tohi fakamooli ke fakakiteaki kua nakai moua a lautolu he gagao.

Ko e magaaho nai, hane gahua fakalahi ke taute e tau tivi ke lata mae tau pasese kua amanaki ke fenoga mai ki Niu Silani mai he motu ko United Kingdom. Ko e tau amaamanakiaga ke kamata fakagahua e fakaholoaga nai he mahina ha Ianuali. Ha hā i ai foki e tau tauteaga mo e tau amaamanakiaga pehē nai ke lata mae falu a tau motu foki.

Ko e tau pasese liliu mai he tau motu kehe kua nonofo agaia ke 14 e aho he tau puipuiaga managed isolation mo e quarantine he aho ka hohoko mai ki Niu Silani. Mahuiga lahi ke gahua auloa a tautolu ke taofi e gagao COVID-19 neke liu tupu mo e totolo, ha ko e tau fenoga mai he tau motu kehe mua atu ke nakai pikitia e COVID-19 ke he tau kaina isolation.

Ko e aho fakapā ke moua e tivi he tau pasese liliu mai ki Niu Silani mai he tau motu ne kua lahi e tupu he gagao ki ai

Ke, kamata mai he matahola 11:59pm he aho 31 ia Tisema 2020 ko e ha tagata liu mai ki Niu Silani mai i UK mo USA kua mahuiga lahi ke muitua ke he tau fakatokaaga nai:

• moua e tivi COVID-19 he aho fakapā ia ne hoko mai ke he kaina nofo puipui
• tumau ke nofo ni he poko haau ato moua e tau hokotaki ke lata mae tivi
• kaeke kua fai fakamailoga gagao he aho ia ne hoko atu ke he kaina nofo puipui to uta fakahakao a koe ke he kaina nofo faka-paea (quarantine).

Ko e falu a puhala a nai ke levekiaki mo e puipuiaki a Niu Silani katoatoa mai he gagao COVID-19, ha kua fai moko lafi ki luga kua iloa mai he falu a tau motu kehe mo e maeke ke totolo mafiti e gagao nai.

Ko e tatai agaia ni e tivi nai PCR hala pu ihu ne kua mahani e tau tagata oti ne o atu ke moua.

Fa lahi e tau hokotaki ke moua mai he 24-48 e tulā he mole atu e tivi.

Kaeke kua nakai mooli e hokotaki tivi haau, to nofo ai a koe ke katoatoa e 14 e tau aho ke he kaina nofo puipui. To hahā iai foki e tau tivi ka taute he aho ke toluaki pihia foki mo e aho ke hogofulu-ma-uaaki. Ko e laulahi he tau hokotaki tivi COVID-19 kua fakailoa mai he tau pulotu he faahi Malolō Tino kua tokolalo e nofoaga he moko gagao mo e nakai maeke ke totolo mo e pikitia atu foki ke he falu. To, taute ai foki e taha tivi fakahiku to fano kehe a koe mai he kaina ia.

Kaeke kua moua mai e tau hokotaki tivi haau, ti kua mooli, to ta-atu a koe ke he kaina nofo faka-paea (quarantine).

Falu tau fakalaulahiaga 

Ka manako fakamaamaaga fakalaulahi ke he COVID-19, fakamolemole kumi atu ke he kupega hila nai https://covid19.govt.nz/updates-and-resources/translations/

Ka manako fakamaamaaga fakalaulahi hagaao ke he kaina nofo puipui (managed isolation) mo e nofo faka-paea (quarantine), fakamolemole kumi atu ke he kupega hila nai https://www.miq.govt.nz/travel-to-new-zealand/arriving-in-nz/ (external link)