Te buoka n te amwarake, te mwane, te maiu ao te mweraoi ma te marurung | Support with food, money, living and staying safe and well
On this page
Karekean te amwarake
Ngkana ko aki kona ni kitana mwengam ni karekea kanam, kataia karaoa aio:
- karaoa te bobwai online (iaon te intanete) ao bairea buokam rinanon taabo ni bobwai n aia ibuobuoki ae tawe
- baireia ma am utu ke raraom ba ana anai am bobwai ibukin kanam.
Taian buoka ibukin karekean te amwarake
E na kona n reke buokam rinanon Work and Income. E aki riai bwa kona bae ni kaman riki bwa ana aomata ngkoe te Work and Income.
- Tarebonia 0800 559 009
- Nakon MyMSD (external link)
Kainano aika katawe ibukin amwarake
Ngkana ko rang kainanoa buokam ae katawe ibukin te amwarake inanon 24 nakon 48 te aoa, ko kona n reitaki nakon taabo ake a kakarekeaki iai amwarake n am tabo.
Te mwane ni buoka
Te ibuobuoki ae kakawaki ibukin maium
Ngkana e a tia ni bua am mwakuri ke e kauarerekeaki am aoa ni mwakuri, Work and Income e kona n ibuobuoki ni buoka maium n aron aikai:
- Te amwarake
- Boon am tabo ni maeka, n ai aron boon tikum n te auti ke am bwakamwane ibukin boon am auti ae ko kaboa, boon maekam, tikum n auti ni katantan, ke mwaingim
- Karaoan ke kaboan mwiin bwain am auti aika bubura rabwataia
- Karaoan wiim ae katawe
- Karaoan aorakim ae katawe
- Kanoakin am tangke n ran.
Ke reitaki nakon Work and Income iaon;
- 0800 559 009
- Ara Ikawai 65+ 0800 552 002 ke +64 4 978 1180
- Ataein te reirei 0800 88 99 00 www.studylink.govt.nz (external link)
Bonotaninga, kanganga n te kakauongo, ao aomata aika babanga n taetae a kona ni kabongana Deaf Link free.
- Fax 0800 621 621
- Text 029 286 7170
- MSD_Deaf_Services@msd.govt.nz
Ngkana tiaki ngkoe te aomata ae te tia maeka iaon Nutiran
Iai te buoka ae tauraoi ibukia ianena ake a kinaki mwiia ao n tia n rinanon te kanganga ae bati iaon te mwane ibukin te COVID-19.
Ngkana ko mena i Nutiran n te visa ae babane taina n ikotaki ma
- Visa ibukia iruwa
- Visa ibukin te reirei
- Visa ibukin te mwakuri
E kona n reke te ibuobuoki ibukia Ianena aika kinaki mwiia n te Support Programme.
Nora riki taekana iaon https://foreignnationals.services.govt.nz/ (external link)
E kona naba n reke te buoka nakoim ngkana ko mena iaon te Recognised Seasonal Employer (RSE) visa.
Ngkana ko mena iaon te RSE visa, ko riai n taetae nakon am tia kammwakuri ibukin te buoka aio. Am tia kammwakuri e na riai n reitaki ma te Red Cross iaon 0800 733 276 (rinea option 1).
Buoka riki tabeua
Iai rinanin taabo ni buoka ake a tauraoi ni buoka aron tararuakim ma kamarurungam.
Rongorongo iaon maurim n am tabo ni mwakuri
WorkSafe 0800 030 040 or +64 4 897 7699
www.worksafe.govt.nz (external link)
Taeka n ibuobuoki ibukin te mwakuri ao boutoka ibukia taan mwakuri
www.employment.govt.nz (external link) ke tarebonia 0800 20 90 20 ke +64 9 969 2950
Te Botaki n Auti ao Taan Maeka
Kaetieti ao ibuobuoki ibukia taan kaboa maekaia n te auti 0800 646 483 www.hud.govt.nz (external link) ke email nakon info@hud.govt.nz
Taabo ni kamaeka ibukia aomata ke koraki ake aki kona n okiri mwengaia ke a rotaki aron aia ririanna man mwengaia ibukin kainibaire iaon te mwamwananga n te Karinan 3 ke 4 COVID-19. Tarebonia 0508 754 163 ibukin te ibuobuoki ke nakon https://temporaryaccommodation.mbie.govt.nz (external link)
Ngkana akea am tabo n tiku ke ni maeka n te tai aei ao ko kainanoa am tabo inanon itiua (7) te bong ma ngkai, tarebonia Work and Income on 0800 559 006: Moanibong nakon Kanimabong, 7am nakon 6pm, Kaonobong, 8am nakon 1pm n te bwakantaai ibukin buokam.
Immigration
Kawara www.immigration.govt.nz/about-us/covid-19 (external link) ke tarebonia te Immigration Contact Centre (6am – 10pm, Moanibong – Kanimabong (NZST)) man ti taian landlines iaon 0508 558 855, ke Auckland 09 914 4100, Wellington 04 910 9915, ke man te aono n tinaniku +64 9 914 4100
Teimatoan te rau ma te marurung
Tarebonia 111 te rain ae katawe ngkana ngkoe ke temanna ae reke n te kanganga n te ikoaki ke e na kaikoaka rabwataia.
Ngkana ko kainanoa buokam n irekereke ma te kiriwe ke te ioawa ma ko aki rang rotaki iai, reitaki nakon taabo aika i nano ibukin buokam:
- Shakti International iaon 0800 742 584 te uki ni katoa bong, 7 te bong n te wiiki
- 2Shine on 0508 744 633, 9am nakon 11pm, e katoa bong, 7 te bong n te wiiki
Ibukin taabo ni buoka n am tabo, tarebonia te Family Services 211 te rain n ibuobuoki 0800 211 211 ke nakon www.familyservices.govt.nz/directory/ (external link)
Women’s Refuge ke te buoka ibukia aine e kona naba n anganiko taeka n ibuobuoki, boutoka ao auti ni kamanomano ngkana ko rinanon te kiriwe ni maium 0800 733 843.
The Elder Abuse Helpline bon te buoka ae akea boona are a kona ara kara ke ara Ikawai n reitaki nako iai ngkana iai ae ataia bwa e rinanon te bwainikirinaki ni karaia ke bon ngaiia 0800 32 668 65.
Ibukin boutoka iaon te namakin ke te tabetabe n te iango, te kainano ke te mwengabuaka, ao rotakin te iango ke te kantainga, reitaki n te tareboon ke kanakoa am rongorongo nakon 1737 bwa ko na taetae nakon are tabena ibukin buokam n akea boona, 24 te aoa n te bongina, 7 te bong n te wiiki.
Ko kona naba n reitaki nakon te Depression Helpline 0800 111 757 ke te Alcohol Drug Helpline 0800 787 797.