Nangaoan te ubu ma Kamanoana | Face coverings and masks
On this page
Bwainakin nangoan te ubu e ibuobuoki n totokoa butinakon te COVID-19 ao e kamanoko naba ma tabemwang.
Nangoan te ubu e buoka katokan butinakon tamrurun te baware ngkana iai ae taetae, ae ngare, e bekobeko ke e mwatie. Aio e irekereke naba ma te aomata ae iai irouna te COVID-19 ma e bon namakina te marurung ke akea irouna kanikina.
Angia aomata aki bae ni kainanoa kabonganan kamanoan te ubu ae bwain te onaoraki ma a kona ni kabonganai aekan nako nangoan ubu tabeua. Koraki ake a kainanoa nangoan ubuia ke kamanoan ubuia ae bwain te onnaoraki ibukin aia mwakuri a na bon tuangaki irouia aia tia kamwakuri.
Ngkana akea nangoan ke kamanoan ubum, ko kona ni karaoia ke ni kaboa teuana ma ko aki bae n ienikuri ni kaboa teuana.
E rang kakawaki ae mwaiti te nangoa n ubu ibukia kain am auti ni kabane ake a maeka iroum ni mwengam.
Nangoan ke kamanoan te ubu n te Kauring Karinan 1
N te Kauring Karinan 1, te nangoa n ubu e riai ni kabonganaki n taian kiba iaon Nutiran. Ma e aki kainanoaki aio ngkana ko kiba n tiaki ana bwai te botanaomata (private flights).
E riai ni kabonganaki naba nangoan te ubu iaon baao ni mwamwananga ibukia te botanaomata man te tabo are ko mwananga ma iai, nakon te tabo are ko na nako iai, ao rinanon Auckland. E irekereke naba aio ma kabonganan taian train, taian bwati ma baao ni mwamwananga i taari ibukia te botanaomata ma taan kabuti baao ni mwamwananga aika uarereke n aron te taxi ao te Uber. E irekereke naba aio ma te mwananga ae abwabwaki iaon te bwati ao te train.
I tinanikun Auckland e rang raoiroi naba kabonganan te nangoa n ubu ke kamanoan te ubu n te tabo ae ibetutu iai te koraki ke iaon baao ni mwamwananga ibukia te botanaomata ma ko bon inaomata.
Nakon te maiu inanon karinan 1
Nangoan ke kamanoan te ubu n te Kauring 2 ke i aona
E rang kaungaki ae ko na nangoa ke ni kamanoa ubum ngkana ko aki kona n taua raroam ke marangam ma aomata aika ko aki kinaiia n aron ae tao ko mena n taabo ni bobwai (Supermarket).
Nangoan te ubu e riai ni kabonganaki irouia aomata aika kabonganai baao ni mwamwananga ibukia te botannaomata ma wanikiba. Aio naba ibukin taian trains, taian bwati, ao baao ni mwamwananga i taari. Taani kabuti baao ni mwamwananga aika uarereke n aron taxis ao Uber a riai naba n nangoi ubuia.
Kariaia ibukin aki kabonganan te nangoa n ubu
Ma e aki riai ni kabonganaki irouia koraki aikai:
- Aomata aika mwauku ke iai toaran rabwataia ma aia kantaninga are e na kona ni kanganga ibukia nangoan te ubu.
- Ataei ian te roro ae 12 te ririki
- Iaon bwatin te reirei
- Irouia bwatintian baao ni mwamwananga aika uarereke n aron taxis ma Uber.
- Iaon baao ni kaneweaba aika tangoaki ke ni butaki
- Iaon taian meeri i taari
- Iaon wanikiba ae bon aia bwai aomata ke e aki uki nakoia botannaomata
- Iaon wanikiba ibukin mwakuri n aron ae kabonganaki ni kabwakaan kamaeuan aroka ma ieta are e bon bwaibwai iai te aomata
- N taai are iai te kanganga iai ke ngkana aomata a na riai ni kaotia man kabwarabwaraia ke n taetae ma aomata aika aki raoiroi aia kakauongo ke bonotaninga.
Ngkana ko taku bwa e irekereke aikai ma ngkoe, e aki kainanoaki te beba n aoraki ke beeba ni kakoaua aika kona kaota iai bukina bwa e aera ko aki nangoa ubum.
Ko aki naba kona n tukaki man kabonganan baao ni mwamwananga ibukin te botannaomata.
Ti na uringa bwa e rang kakawaki ae aomata bon iai bukin bwaai ni kabane irouia, n aron ae iai aorakia ae totokoa kabonganan te nangoa n ubu. Akea riain ae a na tareboniaki bureitiman ke kumean te tia kabuti bao ke te tia kairi ti ibukin ae iai tabemwang aki kabonganai nangoa n ubu.
Ti kakoaua bwa angia aomata ake a kona ni bwaina te nangoa n ubu a kona ni buoka totokoan butinankon te aoraki ao a kona naba ni bwaina te nangoa n ubu ngkana e riai.
Ngkana aomata a bon kan urua te kaetieti n aki bwaina te nangoa n ubu iaon baao ni mwamwananga ibukin te botannaomata n akea bukina ae riai, a kona ni kaitara te katua ae $300, ke te katuua n te bowi ae kona n roko n $1,000.
Ko na kanga ni karina te nangoa n ubu
- Tuoa nangoan ubum. Taraia raoi bwa e na:
- Itiaki
- Mwau
- Akea uruakina.
- Kaitiaka baim. Imwain ae ko karina nangoan ubum, kaitiaka ao kamwaua raoi baim. Kabongana tao:
- Te toobu ao te ran
- Tiringan te man ibukin te bai (korakorana e na riaon 60% te arekoro).
- Karina nangoan ubum. Katoka te nangoa n ubu anne iaon bwairim ao wiim, ao imwina ko a karaua raoi ni kabaea ma kaona ke katekea nakon taningam. Te nangoa n ubu e na riai:
- Toka raoi iaon bwairim, wiim ao bwangem.
- E na tau raoi, mani mano raoi, te itera are irarikin ubum
- N anganiko te ikeike raoi.
- Kaitiaka riki baim. Kabongana tao:
- Te toobu ao te ran
- Tiringan te man ibukin te bai (korakorana e na riaon 60% te arekoro).
Inanon kabonganan nangoan te ubu
- Ngkana ko kabongana nangoan te ubu ko riai:
- kataia n aki tautaua ke ni kumea tinanikun nangoan ubum
- kataia n aki tautaua ubum
- kataia n aki kanakoa nangoan ubum, n ikotaki ma katikana rikaki nako an bwangem
- onea nangoan ubum ngkana e a moanna ni mwaimwai, iai uruakina ke e a bareka.
Ko na kanga ni kanakoa nangoan te ubu
- Kaitiaka baim. Teboka ao kamwaua raoi baim. Kabongana tao:
- Te toobu ao te ran
- Tiringan te man ibukin te bai (korakorana e na riaon 60% te arekoro).
- Kanakoa nangoan ubum. kabwara nangoan ubum ma i buki ao katikia n kararoa ma ubum. Kabonganai kaona ni kabwarai ma iai. Tai kumekumea tinanikun nangoan ubum, ao taratara raoi bwa ko na aki taua ke n ringa matam, bwairim ke wiim.
- Kaitiaka ke karenakoa nangoan ubum.
- Kaitiakan nangoan te ubu ae karaoaki man te kunikai bon uatiakina n te mitin n uati ma te toobu n te kabuebue ae 60 degrees Celsius. Kamwaua raoi nangoan ubum imwain manga kabonganakina. Tai kabongana te nangoa n ubu ngkana e aki raoi mwau.
- Karenakoa are ti te taina aron kabonganakina. Katikua n te tabo ni mwange ae iai matana, ke n te baeki ae in raoi ao karenakoa. Tai manga kabongana ke ni kaitiaka te nangoa n ubu ae na riai n ti teuana tain kabonganakina.
- Kaitiaka riki baim. Kabongana tao:
- Te toobu ao te ran
- Tiringan te man ibukin te bai (korakorana e na riaon 60% te arekoro).
Last updated: