Tauan mwin te mwamwananga | Contact tracing
On this page
E na kanga n ibuobuoki tauan mwin te mwamwananga?
Tauan mwin te mwamwananga bon te mwakuri iaon kakaean ao te reitaki nakon te aomata ae tao e a tia ni mena ibuakoia koraki aika e reke irouia te COVID-19.
Ngkana iai ae kamatoaki bwa e reke irouna te COVID-19 imwin ana tutuo, te Botaki ni Kuakua n te Tautaeka ao taan mwakuri n te Tabo ni Kuakua n aono aika kakaokoro a kabonganai tabeua aia bwai ni mwakuri ibukin kakaeaia aomata aika a tia n reitaki ma aoraki aikai ao ni kona ni kakaea bwa antai riki ae tao e a tia n ewekaki.
Baitin rimwiaia aomata, bon baitin naba ara kona n totokoa butinakon te COVID-19.
Ibukin buokan totokan butin te man aoraki aei, ti kaungaia te koraki bwa a na teimatoa n taua mwin mwamwanangaia, n aron aikai:
- Ko nakea
- Te tai ae ko nako iai ikekei
- Antai ae ko kaitibo ma ngaia
Ko na kanga n taua mwin mwamwanangam
Ko kona n taua mwin mwamwanangam n aron aei:
- kabongana te app n taua mwin mwamwanangam
- taua n te diary ke te boki
- koroi mwia ao kawakinna n te tabo ae mano, ke
- ko rawei tamnein taabo aika ko a tia n roko iai ke n nako iai.
Kabongana te NZ COVID Tracer app ke taua mwina n te boki, ke ko bon kabongana ae ko bon kona ni karaoia ibukim. Kaungaia am utu ni kabane ao raoraom bwa a na karaoia naba.
NZ COVID Tracer app (tauan mwanangam n te app)
Tauan mwanangam n te app ae bwain Te Botaki ni Kuakua n te Tautaeka ‘NZ COVID Tracer’ e buokiko ni karaoa am diary ke n taua mwin mwanangan inanon am tareboon.
Ko kona ni:
- kabongana am tarebon ibukin te QR codes ae e a tia ni katauaki nakoia taan bitineti ibukia aomata
- karin ke koroi mwin kawaim ae ko nako iai ngkana akea te QR code poster n taabo akanne.
Te app aio e a tia ni karaoaki bwa e na kawakin ni kabane taekam ao ni kawakin raoi naba rongorongom.
Taian rongorongo (e aki nanonaki rongorongo aika akea mania ke aomataia) aika ko kanakoi nakon te Botaki ni Kuakua n te Tautaeka a na bon aki tibwaki ma ana rabwata ni kabane te tautaeka ma ti ngkana iai ana rabwata te tautaeka ae mwakuri ni kaineti ma aron aia mwakuri kain te tabo ni kuakua inanon butinakon te aoraki ae kamamate aio COVID-19. E na bon aki kona ni kabonganaki ibukin taian kakae rongorongo ke tabeua riki.
Ngkana ko kabongana te NZ COVID-19 Tracer app, e bon rang uarereke ae na kabonganaki man am data. Ngkana ko raraoma ibukin am data, ko kona n tataninga are ko toma ma te WiFi (intanete) ao ko a kai nakon am app.
Aron kabonganan te app man te Apple App store (external link) ke man Google Play (external link). Add links
Rongorongo riki iaon te NZ COVID Tracer app (external link)
Te boki ae karaoaki ibukin tauan mwin te mwamwananga e aonga ni bebete ruamwiaia aomata aika ko kaitibo ma ngaiia (te NZ COVID-19 tracer)
Ko kona ni kabongana te boki ibukin te NZ COVID Tracer ni kawakin iai mwin taabo ake ko nako iai ngkana ko aki kabongana te NZ COVID Tracer app. N teuana te boki ao iai baana ae 30, e na bon bae n tau ibukim n teuana te namwakaina.
Ngkana ko kabongana te boki aei, ti kaungako bwa:
- kawakina am boki iroum n te aro are ko kona ni kanoaia ao n taua mwin mwamwanangam iai n te tai are ko kitana mwengam.
- ko na bon teimatoa ni kanoa naba te boki ae katauraoaki n taabo aika ko nako iai n aron taabo ni bobwai.
Anakin ao kaotinakoan te boki man te kaombiuta
Tao ko na bae ni kangaraoa am mitin ni kaotinakoa te boki (printer) nakon te mwaiti n aron ae ko bon tangiria.
Otana am boki
A kona n otanaki booki n te mwaiti ae 10 n te bakete. Ko kona n otana ae bon am bwai ke ko kona n tibwaia nako inanon am community. E aki kaboaki otanakin booki ao e nakon 2-3 te wiiki manna ao e roko iroum.
Kanakoa aram, am tabo ni maeka, ao mwaitin te boki ae ko kainanoia nakon Covid19Response@dpmc.govt.nz
Rongorongo riki ibukin tauan mwin te mwamwananga
E rang mwaiti rongorongo iaon tauan mwin te mwamwananga man te Botaki ni Kuakua n te Tautaeka.