Raka n tutuo ibukia nake a karairaki n okira Nutiran man tabo ake e korakora iai te kararaoma ibukin te COVID-19 | Additional COVID-19 tests for returnees from higher-risk countries

Tutuo imwain te mananga ibukia taan roko mai UK ao USA

Totokoan rinin manin te aoraki aio ngaia te moanibwai ae e buburakaei ibukin tararuara ao katanara. 

Man 11.59pm n 15 bongin Tianuare 2021, tan mwananga ni kitana UK ao USA a riai n tia n reke muin aia tutuo are RT-PCR ibukin te Covid-19, itibui ma uoua (72) te aoa imwain manangaia are e na kaota akean manin te aoraki aio irouia ao ana iai naba aia bebwa ni kakoaua man te tabo are e karaoa aia tutuo ke te boom ni kakoaua are e butimaeaki.

E a wakinaki ngkai barongan iango aika a kan ti tabo ma ane ieta ibukia naba tan roko ni kiiba ake a rangi ni maan man abwabwaki.

Ni kabane aomata aika a karairaki nako Nutiran a na riai ni bane n rinanon ara waki are 14 te bong n tiku n kaokoroaki n tabo ake a tararuaki ibukin totokoan butin manin te aoraki ke n quarantine ngkana a roko.  Aio e na buoka aron tikura ni mano imwain manga kaotin kaua te COVID-19 n te aonnaba ao ni kakerikaka naba butin te COVID-19 n tain te rin ni matabaiawa ao i nanon ara tabo ni kaokoroaki aika a tararuaki.

N Day 0 tutuo aika a riai ni karaoi nake a mwananga nako Nutiran man aba ake e korakora iai te kararaoma ibukin te aoraki aei

Man 11:59pm n 31 bongin Ritembwa 2020 ao aomata ake a roko i Nutiran mai UK ao USA a riai karaoi bwai aikai:

• ana karaoa aia tutuo ibukin COVID-19 n day 0, are nanona bwa a na tuoaki ngkana a moan roko n rin n tabo n kaokoroaki ake a tararuaki
• a riai n tiku n aia ruu ni karokoa ae e oki muin aia tutuo
• ngkana a roko ma iai kanikinaean te Covid-19 irouia ao a na kaineti nakon te tabo n quarantine.

Aio te raka n tararua ni kauataoa katanan Nutiran man te COVID-19 ao manin te virus aika a boou man kaokoro ake a tibwa manga kaoti n aban tinaniku ao man noraki bwa a rangi ni butimwaka eweia.

E na ti te aekakina ma te tutuo ae te PCR nasal swab are e wakinaki ngkai nakoia aomata.

Angin tutuo a otinako muia 24-48 te aoa imuin karaoakia.

Ngkana akea manin te aoraki ni muin te tutuo ao aomata aikai a na bon kabanea naba nikiran aia bong ake 14 te bong n te tabo ni kaokoroaki are e tararuaki. A na manga karaoi riki aia tutuo n aia katenibong (3) ao manga n aia katebui ma uoua (12) ni bong inanon aia tai n tiku. Angia aomata ake akea manin te COVID-19 n aia tutuo, ana ti kona n otinako ngkana e a tia ni kamatoaki ao ni kakoauaki mairoun ara tiim n tararua ibukin te mauri bwa e uarereke angan reken ke kaewean manin te COVID-19 irouia.

E na moantaai ni kamwaingaki ngkai te aomata are e reke manin te aoraki n ana tutuo nakon te tabo ni quarantine, nakon are ngke akea te tutuo n day 0.

Baninin rongorongo

Ibukin rongorongon te COVID-19 aika a boou, taiaoka nakon https://covid19.govt.nz/updates-and-resources/translations/

Ibukin riki rongorongo i aon tabo ni kaokoroaki aika a tararuaki ao quarantine, taiaoka nakon https://www.miq.govt.nz/travel-to-new-zealand/arriving-in-nz/ (external link)