Vakayagataka na Bluetooth me kilai nomu veitosoyaki | Turn on Bluetooth tracing

Sa vakavoui na ‘NZ COVID Tracer app’ me okati talega kina na ‘Bluetooth tracing technology' (walesi ni veitaratara voleka ena mona livaliva). Na ‘Bluetooth' ena vakauta na itukutuku vua e dua kevaka o sa veivolekati tiko kei na dua tale na itaukei ni ‘app’ ka kilai ni tauvi koya tiko na COVID-19.

Na 'Bluetooth' ni veitaratara voleka e sega ni nakiti me sosomitaka na noda ivakarau e vakamuri me kilai kina na veitaratara voleka eda cakava tiko se 'NZ COVID Tracer QR Code'. Ena vinakati tiko ga mo tabaka na 'QR Code' me maroroi kina na vanua ko lako kina. Na ‘Bluetooth' ni veitaratara voleka e soli e ikuri ga ni iyaragi — e veivuke ena kena maroroi na tamata eda sa volekati kaya ni o veitosoyaki tiko.

Na kena icakacaka

Ni ko sa dolava na 'Bluetooth' ni veitaratara, ena tekivu vakauta yani vagauna e dua na naba vuni ni itukutuku vakaitaukei ka taqomaki. E vaka ga e veitalanoa tiko nomu talevoni kei na talevoni tale eso e voleka vei iko. Na 'Bluetooth' ni veitaratara ena vola sara na yawa ni talevoni mai vei iko kei na kena balavu ni nona tiko volekati iko. Na talevoni o lako volekata o veitaratara kina e gadrevi me dolava talega nona 'Bluetooth' app ni veitaratara me rawa ni na cakacaka kina na ivakarau vou oqo.

Sa kena ibalebale oqo ni gauna e dua sa laurai kina vua na COVID-19, sa na vakauta e dua na ivakasala vuni na nona talevoni vei ira kece na IDs ka vakauti mai ena nona talevoni ena 14 na siga sa oti. Kevaka e vesuka rawa na nomu talevoni e dua vei ira na IDs oqo, ka ko sa voleka sara yani vakalevu me rawa ni ko sotava na leqa, ko na ciqoma e dua na ivakasala ni qaqarauni. Na ivakasala ni qaqarauni oqo ena vakasalataki iko ena veika mo cakava mo taqomaki iko kina kei na maroroi ni veitaqomaki ena nomu whanau.

Sarava na iyaloyalo yavala ni ‘Bluetooth’ ni veitaratara ena tabana oqo mo raica kina na kena icakacaka (external link)

Na sala me dolavi kina

E vuqa na talevoni era na vakadodonutaka ga vakataki koya na app. Sa rawa talega mo digitaka mo vakavoutaka ga vakataki iko na nomu app se ena nomu app store se play store.

Ni sa vakavoutaki oti, ena tarogi iko na nomu app kevaka ko vinakata mo gole ki na ‘Bluetooth’ ni veitaratara. Ni ko sa dolava na ka oqo, ena cakacaka sara mada ga ni sa sogo tu na nomu app.

Na ‘Bluetooth’ ni veitaratara e sega ni vakayagataka e dua nomu ‘data’ se sega kania na nomu batiri baleta ni vakayagataki na ‘Bluetooth Low Energy’.

Sa taqomaki na kemu itukutuku

Ni ko rawata na Bluetooth ni veitaratara, ena dau taqomaki tu ga na kemu itukutuku vakaitaukei — ena sega ni wasea na nomu vanua, na yacamu se dua tale na ka me baleti iko. Na ‘Bluetooth’ ni veitaratara e sega talega ni volai koya ko a veitaratara kaya kei na vanua ko tiko kina.

Oqo e kena ibalebale kevaka ko ciqoma e dua na ivakasala ni qaqarauni baleta ni ko veitaratara kei na dua e tauvi koya tiko na COVID-19, e sega ni dua tale ena kila, o iko duadua ga ni o ciqoma. Na itukutuku kece ko soqona vata ena nomu app e taqomaki tu ga ena nomu talevoni, ka nomu digidigi ga mo wasea na itukutuku cava o digitaka.