Nodra vakadikevi rawa ena COVID-19 na lesu mai Niusiladi | Pre-departure testing for travellers to New Zealand

E neitou sasaga vakaukauwa ni itataqomaki me kua ni dewa mai Niusiladi na mate. 

O ira kece na curuvanua mai Niusiladi ena 11:59 ena bogi ni 25 ni Janueri 2021, sega ni okati kina o ira na gole mai Ositerelia, Antarctica, na Yatu Kuka, Federated States of Micronesia, Viti, Kiribati, Marshall Islands, Nauru, New Caledonia, Niue, Palau, Samoa, Yatu Solomoni, Tokelau, Toga, Tuvalu, Vanuatu, kei Wallis and Fortuna ena gadrevi mera vakadikevi ena COVID-19, me na laurai kina ni sega ni tauvi ira na mate ena loma ni 72 na aua ni bera nira biubiu qai vinakati tale ga mera vakaraitaka e dua na sitivikiti ni macala ni nodra vakadikevi se dua tale na fomu ni ivakadinadina.

Na veidikevi ni PCR, LAMP kei na vakadikevi ni mate ena yagona e dua ena vakayacori kece vei ira na vakarau biubiu.

Na veidikevi kece ena vinakati me caka ena vale ni vakadidike.

Ena ciqomi na Sitivikiti ni Veidikevi Vakavuniwai ena duiduivosa.

O ira kece na gone era yabaki rua lako sobu (24 na vula) ena sega ni gadrevi mera dikevi ena mate ni bera nira biubiu.

O ira kece na veitosoyaki era rawa ni vakarautaka na sitivikiti vakavuniwai e vakadeitaka nira sa bula mai na mate na COVID-19 e sega tale ga nira okati mera vakadewa na mate, ena sega ni gadrevi mera dikevi tale.

O ira na vakarau biubiu era sega ni rawa ni vakadikevi ena vuku ni dua na ituvaki vakavuniwai ena vinakati mera raica e dua na vuniwai ena loma ni 72 na aua ni nodra biubiu. Ena vinakati mera vakarautaka e dua na sitivikiti me vakadeitaka ni sega ni vakayacori vei ira na veidikevi ni COVID-19 ena vuku ni kedra ituvaki vakatauvimate qai sega tale ga ni laurai vei ira e dua na ivakatakilakila ni mate.

O ira kece na mai kele vakalekaleka e Niusiladi mera dewa ina vanua era gole tiko kina e soli vei ira na veivakadonui ni veitosoyaki ena sega ni gadrevi me vakayacori vei ira na veidikevi ni bera nira biubiu.

O ira kece na vakarau biubiu e bibi mera taroga rawa na ivakalesilesi ni waqavuka era na vuka kina ke vinakati eso tale na veidikevi ni bera nira biubiu. Era dau vakasalataki tale ga mera vakataroga rawa na veika tale eso ena vinakati ena matanitu era na lai kele vakalekaleka kina mera dewa in nodra vanua.

Ena 8 Feperueri, o ira kece na kele mai Niusiladi (sega ni wili kina na veivanua e soli vei ira na galala) era sega ni vakaraitaka na ivakadinadina ni sa caka vei ira na veidikevi ena mate qai laurai nira sega ni tauvi COVID-19, se ra sega ni vakarautaka e dua na sitivikiti ni veivakadonui vakavuniwai, era na rawa ni totogitaki mera sauma e $1,000.

Nodra dikevi ena siga 0 na kele mai Niusiladi

Ena gauna era kele mai kina ena vinaka mera na:

  • curu ina itikotiko ni korotini e vakarautaka na matanitu me 14 na siga
  • na vakadikevi ena COVID-19 ena siga 0, ya na siga era se qai yaco kina ena itikotiko vakawawa e vakarautaka na matanitu
  • tiko ga ena nodra rumu me yacova ni sa yaco mai na macala ni nodra vakadikevi
  • ke kilai ni tauvi ira mai na mate era na kau vakadodonu sara ena itikotiko ni korotini.

Ena vakacurumi ena qaraniucu na vauvau balavu me lai vakadikevi kina na mate.

E dau taura e 24 ina 48 na aua na kena vakadikevi tiko me qai kilai na kena macala.

Kevaka e sega ni laurai na mate vua e dua e vakadikevi, ena vakacavara ga na 14 na siga ni nona tiko vakawawa. Era na dikevi tale ena rauta na ika 3 ni siga qai dua tale ena rauta na ika 12 ni siga ni nodra tiko ena itikotiko vakawawa. Se mani ituvaki cava ena vinakati me vakadeitaka e dua na vuniwai ni sega ni laurai vei ira na vakadikevi na COVID-19 ena sega tale ga ni vakadewa na mate ni COVID-19 vei ira tale eso ni bera nira biuta mai na itikotiko vakawawa.

Kevaka e laurai ni sa tauva e dua na mate na COVID-19 ena gauna e yaco mai kina ena tokitaki sara ena itikotiko ni korotini, qori sa bau totolo sara ni vakatauvatani kei na veigauna sa oti.

Eso tale na itukutuku 

Me baleta na itukutuku butakatakata ni COVID-19, mo rai ena https://covid19.govt.nz/updates-and-resources/translations/

Me ikuri ni ivakamacala me baleta na itikotiko vakawawa e qaravi vakavinaka kei na itikotiko ni korotini, kerei moni rai ena https://www.miq.govt.nz/travel-to-new-zealand/arriving-in-nz/ (external link)

Last updated: