Bula ena Vakatagedegede 3 | Living at Level 3

Ena Vakatagedegede kece, era na cici tiko ga na veiqaravi bibi eso me vaka na tabana ni bula, na veiqaravi ena gauna ni leqa tubukoso, na veika eso e dau gadrevi (me vaka na livaliva kei na wai) kei na veikauyaki ni iyaya eso. E gadrevi vakalawa vei ira na itaukei ni cakacaka ena veivanua qori mera vakamuria tiko na veika e vinakati vei ira me baleta na tiko bulabula kei na maroroi ni bula.

Ena Vakatagedegede kece, kevaka e dua na leqa tubukoso, me vakamuri na ituvatuva me baleta na gauna ni leqa tubukoso ka sa tu. Na ivakaro ni tokitaki ina dua tale na vanua ena gauna ni leqa tubukoso e bibi cake mai na kena gadrevi me tiko e vale e dua ena vuku ni COVID-19.

Na ka mo cakava ena gauna ni leqa tubukoso

Na bula ena Vakatagedegede 3

Ena Vakatagedegede 3 ni Tataqomaki e dodonu mo:

  • Ke o tauvimate, tiko ga e vale. Kua ni lako i cakacaka se i vuli. Kua ni veilakoyaki.
  • Ke o curumi liliwa, matetaka se laurai vei iko na ivakatakilakila ni COVID-19, qirita nomu vuniwai se na Healthline ena 0800 611 116 ka vakataroga na veika me baleta na nomu vakadikevi.
  • Ke o sa vakasalataki mo tiko vakatikitiki sa dodonu vakalawa mo cakava sara ena gauna totolo duadua.
  • Ke o sa dikevi ena vuku ni COVID-19, sa dodonu vakalawa mo tiko vakatikitiki ga e vale me yacova ni sa tukuni yani na macala ni nomu dikevi.
  • Me 2 na mita na nomu yawa mai vei ira na tamata ni o tiko e taudaku ni nomu vale, ka me 1 na mita ena nomu vanua ni cakacaka
  • Vakayagataka na iubi ni mata ena gaunisala ni veilakoyaki raraba, waqavuka se na gauna e dredre kina mo vakayawaki iko me vaka na sitoa lelevu se na sitoa lalai.
  • Savata ka vakamamacataka vakawasoma na ligamu.
  • Nanuma vinaka na vanua o lako kina kei koya o sotava. Vakayagataka na NZ COVID Tracer app, na ivola dusidusi ni vakamuri ni Covid-19, se na veika o vola.

Tabaka qo mo raica na itukutuku me baleta na manumanu ni COVID-19 kei na kena ivakatakilakila eso

Tabaka qo mo raica na itukutuku me baleta na Dikevi

Tabaka qo mo raica kina na itukutuku me baleta na vakayagataki ni Bluetooth me vakamuri kina na COVID-19

Na soqo me tiko kina e 10 na tamata e vakatarai, ia me baleta ga na lotu ni vakamau, veibulu se somate. Na veiyawaki kei na veisala eso ni bula raraba e dodonu vakalawa me vakamuri tiko.

Na lawa e gadreva mo vakayagataka na iubi ni mata ena veigaunsala ni veilakoyaki  kei na waqavuka e lomai Niusiladi.

E vakauqeti sara vakabibi mo vakayagataka na iubi ni mata ena veivanua eso e dredre kina mo vakayawaki iko, me vaka ena loma ni sitoa.

Tabaka qo mo raica kina na itukutuku me baleta na iubi ni mata kei na matavulo

Sa bibi sara mo vakayagataka na iwalewale eso ni tiko savasava, wili kina na sava ni ligamu, na vu se suru ina maliwa ni duru ni ligamu kei na savati ni dela ni veika eso.

Sa vakadreti sara vakabibi mo nanuma vinaka na veivanua o veilakoyaki kina kei ira o sotava kina. Qo e vukea na kena vakamuri na vanua e dewa mai kina ke vinakati.

Ena Vakatagedegede 3 ni Tataqomaki, e dodonu vakalawa mo tiko ga kei na nomu umauma ni matavuvale ena veigauna kece o sega kina ni lai cakacaka se vuli. E rawa ni wili kina:

  • nomu veitaratara kei na matavuvale voleka
  • nomu kauta mai na dauniveiqaravi, se
  • nomu veivuke vei ira era tu yawa sara.

E ka bibi mo taqomaka nomu umauma. Maroroya vinaka nomu umauma ka okati ira ga kina ena maroroi vinaka kina o iko kei ira kei na nomudou bula.  

Ke dua ena loma ni nomu umauma e tauvimate, sa dodonu vakalawa me tiko vakatikitiki mai vei ira kece ena loma ni umauma. Kua ni veisureti se vakatarai ira eso mera gade mai, me vakataki ira na ilawalawa, itokani kei na vuvale rabailevu mera curuma nomu vale.

E vakatarai mo veilakoyaki ena loma ni vanua o tiko kina, me vaka na laki cakacaka se vuli se vakaukauwa yago. Sa rawa ni dola tiko ga na veigaunisala ni veitosoyaki ia me vakamuri tiko na veika me baleta na tiko bulabula kei na maroroi ni bula.

iUbi ni Mata kei na Matavulo

Na matavulo kei na iubi ni mata e dodonu me vakayagataki ena gaunisala ni veilakoyaki raraba e Niusiladi ena ruku ni iVakatagedegede ni Tataqomaki. Na vakayagataki ni matavulo kei na iubi ni mata e vakauqeti ena veivanua e dredre kina na veiyawaki, me vaka na loma ni sitoa lelevu kei na sitoa lalai.

Tabaka qo mo raica kina na itukutuku me baleta na iubi ni mata kei na matavulo

Na vuli ena Vakatagedegede 3 ni Tataqomaki

Era na dola tiko na veikoronivuli me baleti ira na gone era se bera ni yacova na yabaki ni vuli, na veikoronivuli ni veivakarautaki ki na koronivuli lalai kei na veikoronivuli me baleti ira vakatabakidua na luve ni dauniveiqaravi ena vanua era gadrevi vakabibi. Era taqomaki vinaka tu na veivanua qo.

Veilakoyaki ina dua tale na yasana

Ena Vakatagedegede 3 ni Tataqomaki sa tabu sara na veilakoyaki ina veiyasana tale eso.

Na nomu lako ina vanua e tiko ena Vakatagedegede 3 ni Tataqomaki e tarovi sara vakalevu. Qo me vukea na tarovi ni dewa ni manumanu ni mate. O na gadrevi mo kerea ke o vinakata mo curuma e dua tale na vanua ka duatani na iVakatagedegede e tiko kina.

Vanua ni soqo

E dodonu vakalawa mera sogo kece na vanua ni soqo. Qo e wili kina na valeniwilivola, vale ni yaya maroroi, vale ni sara iyaloyalo, vanua ni volitaki kakanabuta, vanua ni vakaukauwa yago, vanua ni sisili, rara ni qito kei na makete.

Qo e sega ni gauna mo raica kina na veika vou tale eso mo cakava, se mo biuti iko se na nomu umauma ina dua na leqa. O rawa ni cakava na veika eso e sega ni vakatubu leqa ena nomu itikotiko.

Vanua ni cakacaka kei na bisinisi

Ena Vakatagedegede 3 ni Tataqomaki, e tiko kina na lawa eso mera maroroi kina na tamata cakacaka, yalana na veitaratara kei ira na dauveivoli ka vukea na kena tarovi na taka ni COVID-19. Keitou vakauqeta mera cakacaka tiko mai vale na tamata cakacaka kevaka e rawa.

Veivuke vakailavo

Ke o sotava na dredre vakailavo, e tiko na gaunisala mo vukei kina.

Tabaka qo mo raica kina na itukutuku ni veivuke me baleta na kakana, ilavo, bula, maroroi kei na taqomaki ni bula

Last updated: