Bula ena Vakatagedegede 2 | Living at Level 2

Ena Vakatagedegede kece, era na cici tiko ga na veiqaravi bibi eso me vaka na tabana ni bula, na veiqaravi ena gauna ni leqa tubukoso, na veika eso e dau gadrevi (me vaka na livaliva kei na wai) kei na veikauyaki ni iyaya eso. E gadrevi vakalawa vei ira na itaukei ni cakacaka ena veivanua qori mera vakamuria tiko na veika e vinakati vei ira me baleta na tiko bulabula kei na maroroi ni bula.

Ena Vakatagedegede kece, kevaka e dua na leqa tubukoso, me vakamuri na ituvatuva me baleta na gauna ni leqa tubukoso ka sa tu. Na ivakaro ni tokitaki ina dua tale na vanua ena gauna ni leqa tubukoso e bibi cake mai na kena gadrevi me tiko e vale e dua ena vuku ni COVID-19.

Na ka mo cakava ena gauna ni leqa tubukoso (external link)

Bula ena Vakatagedegede 2

Ena Vakatagedegede 2 ni Tataqomaki e dodonu mo:

  • Veiyawaki me 2 na mita nira biubiu mai nodra vale mera gole ena dua tale na vanua, ia me 1 na mita na veiyawaki ena vanua ni cakacaka
  • Daramaka na iubi ni mata nira vodoka na veigaunisala ni veitosoyaki ni lewenivanua, nira vuka ena waqavuka se ena vanua e dredre kina na veiyawaki vakatamata me vaka na sitoa lelevu se sitoa lalai
  • Savata qai vakamamacataka vakawasoma na ligadra
  • Tiko ga e vale qai qirita nomu vuniwai se Healthline mo lai vakadikevi ke o batabata se tiko vei iko na ivakatakilakila ni flu. Mo kua ni gade, lako i koronivuli se lai cakacaka
  • Vakavola na vanua era lakova kei ira era sotava. Vakayagataka na NZ COVID Tracer app, ivola ni veitaratara ni COVID-19 (tracer booklet), se dua tale na ivola.

Vakasoqoni vata me vaka na lotu, qito se veivakamarautaki e yalani me lewe 100 ga.

Somate kei na Tangihanga e rawa ni 100 mera tiko kina ia ena tiko na veidusimaki me muri.

Tabaka qo mo raica na itukutuku me baleta na manumanu ni COVID-19 kei na kena ivakatakilakila eso (external link)

Tabaka qo mo raica na itukutuku me baleta na Dikevi (external link)

Tabaka qo mo raica kina na itukutuku me baleta na vakayagataki ni Bluetooth me vakamuri kina na COVID-19 (external link)

iUbi ni Mata kei na Matavulo

Na matavulo kei na iubi ni mata e dodonu me vakayagataki ena gaunisala ni veilakoyaki raraba e Niusiladi ena ruku ni iVakatagedegede ni Tataqomaki. Na vakayagataki ni matavulo kei na iubi ni mata e vakauqeti ena veivanua e dredre kina na veiyawaki, me vaka na loma ni sitoa lelevu kei na sitoa lalai.

Tabaka qo mo raica kina na itukutuku me baleta na iubi ni mata kei na matavulo (external link)

Na cava me caka kevaka sa takali e dua

Kevaka e takali e dua:

  1. Veitaratara kei na tabana ni bula se vuniwai nei koya sa mai takali
  2. Veitaratara kei na dauniveiqaravi ni veibulu ni nomu itikotiko kevaka o via vakayagataka e dua

Ke vu ni nona takali:

  • e dua na ka e sega ni kilai, na vakadikevi ni yago ni mate ena vakayacori. Ena veivuke taumada na tabana e qarava na veika me baleta na nona bula, oti e rawa ni qai qiriti na tabana ni Ovisa
  • e dua na mate e kilai ni tauvi koya voli, na tabana e qarava na nona bula ena veivosaki kei na dauniveiqaravi ni veibulu ke o sa mani digitaka e dua – na dauniveiqaravi ni veibulu ena vakadewataka yani na itukutuku qori
  • COVID-19, na tabana e qarava na nona bula ena tokoni iko ena itukutuku baleta na veika ena caka tarava.

Ena somate kece kei na tangihanga

Me tarovi na dewa ni COVID-19 mera na tiko ga i vale o ira era tauvimate se tarai ira na ivakatakilakila ni matetaka se flu.

Na ivolatukutuku ni veitosoyaki e sala bibi dina ni kena valuti na mate na COVID-19. Ena somate kece kei na tangihanga, ena bibi mera volaitukutukutaki o ira era gole yani me kilai o ira era veitaratara, me tiko tale ga na veidusimaki mera muria o ira kece na tiko ena soqo.

Qaqarauni – raica me savasava na vanua kece, savata na ligamu qai kauaitaka na nomu tiko veiyawaki kei na dua tale ena vanua e ganita.

Kevaka o sega ni yawaka rawa e dua o sega ni kila ena vinaka mo daramaka na iubi ni mata.

Somate kei na tangihanga ena Vakatagedegede 2

E rawa ni le 100 era rawa ni tiko ena somate se tangihanga ena Vakatagedegede 2.

O ira na tuvanaka na soqo e vakayacori e sega ni gadrevi mera vakaivolataka ena Tabacakacaka ni Bula na nodra qarava na somate se tangihanga.

Vakalawa o ira na veiqaravi mera vakarautaka qai raica me vakaleweni na ivola ni veitaratara.

Na lawa e vauca na sosoqoni vata e baleta na somate kei na tangihanga e vakayacori e:

  • loma ni vale ni somate
  • vale ni lotu, mosque kei na vakabauta tale eso
  • vale ni soqo se itikotiko saumi
  • itikotiko vakaitaukei

Me ikuri ni itukutuku ena lawa ni sosoqoni vata https://covid19.govt.nz/everyday-life/gatherings-and-events/#social-gatherings-at-alert-level-2 (external link)

E kerei me kakua ni vakayacori na veitaratara me vaka na ‘harirū’, ‘hongi’, veireguci, kei na veimokomoko vakavo ga ke o:

  • tiko kei ira
  • lewe ni whānau
  • veiwekani voleka.

iWiliwili e rawa ni tiko

Na iwiliwili era rawa ni tiko (tini, limasagavulu, dua na drau) e sega ni okati kina na kaikaranga, kaikōrero, kei ira na liuliu ni lotu se vakalesilesi.

Veimataqali lawalawa

Na veimataqali lawalawa era rawa ni lako ena somate se tangihanga. Me kakua ga ni sivia na iwiliwili e dodonu mera tiko (tini, limasagavulu, dua na drau) ena dua na gauna. Me lako mada e dua na ilawalawa qai lako yani na kena e tarava. Mera na kua ni veimaliwai se sotavata e dua na ilawalawa kei na dua tale.

Vanua vakatikitiki

Na vanua vakatikitiki e dua na vanua e loma ni vale se tautuba ka tawasei tani mai vei ira tale eso.

Na vanua e lomanivale e dua na vanua e wasei tani mai vei ira eso ena lalaga tudei se dua na lalaga e rawa ni veitosoyaki. Na lalaga e rawa ni tudei se veitosoyaki.

Na vanua e tautuba e dua na vanua lala ka tiko na:

  • lalaga me wasea e rua na vanua – na lalaga e rawa ni tudei se veitosoyaki, se
  • rauta ni 2 na mita na kedra veiyawaki na tamata era tiko e loma ni vanua kei ira eso tale (ena taudaku ni vanua koya).

Kevaka e sivia na dua na vanua e vakatikitikitaki, mera kua ni veicurumaki se veisotari o ira na tiko ena vanua qori. E okati kina na vanua era curu yani kina kei na vanua era biubiu kina se na vakayagataki ni vale ni vakacegu.

Vanua mo raica kina eso tale na itukutuku

Tataqomaki ena bisinisi

Na bisinisi e muria ivakatagedegede e virikotora na tabana ni bula ena rawa ni dola vei ira na cakacaka kei ira na mai volivoli.

Na ivakatagedegede ni tabana ni bula e okati kina:

  • na vakabiri ni NZ COVID Tracer app QR code qai vakayagataki eso tale na sala mera volai kina o ira era gole yani, kei na
  • vakamuri na bula savasava me vaka na vakasavasavataki ni liga, veika e vakayagataki, kei na
  • vakamuri ni veiyawaki me vaka na kena ivakarau e virikotori.

Na veiqaravi e caka ena nodra itikotiko na volivoli – me vaka na nodra vale, kei na ivakarau ni veitaratara voleka e muri kina na ivakatagedegede vauca na tiko bulabula kei na savasava e rawa ni vakayacori.

Ena sega ni vakatarai me dola e dua na bisini ke sega ni muria na ivakatagedegede qori.

Era uqeti na veibisinisi mera vakayagataka eso tale na ivakarau ni cakacaka ra qai veivosaki kei ira na tamata cakacaka mera vakacila mai eso na leqa e rawa ni basika kei na sala mera qaqarauni kina.

Mera muria tale ga na bisinisi kece na ivakatagedegede ni taqomaki ni bula kei na qarauni ni tamata cakacaka yadua, me muria tale ga na ivakatagedegede e virikotori ena levu ni tamata mera cakacaka.

Vuli ena vakatagedegede 2

Na itikotiko ni Muri Vuli, nodra koronivuli na gonevuli kida, koronivuli kei na veivanua ni vuli torocake ena dola vei ira na veiwasewase ni yabaki kece.

Era na maroroi vinaka na gone e koronivuli.

Me na tiko ga i vale o gone se itabagone ke:

  • tauvimate
  • tiko vua na ivakatakilakila ni COVID-19
  • vinakati me muria na veidusimaki me tiko vakadua qai kua ni veimaliwai
  • waraka tiko na macala ni nona vakadikevi ena COVID-19.

Gade kei na Veitosoyaki ena Vakatagedegede 2

Ke o tauvimate mo tiko ga e vale.

Kevaka o bula vinaka, o rawa ni gade. Ia mo tataqomaki vinaka.

Daramaka na iubi ni mata ena lori e vakarautaki vei keda na lewenivanua se na vanua e dredre kina na veiyawaki ena matanavotu. Vola tiko na vanua o gole kina.

Vakaukaua yago kei na ka ni veivakamarautaki ena Vakatagedegede 2

Ena Vakatagedegede 2 e rawa ni o vakaitavi ena qito me vaka e liu qai vakayacora eso na ka ni veivakamarautaki ia ena vinakati mo tataqomaki. Ke o tauvimate mo tiko ga e vale.

Ni o saga mo tereni ena vanua era dau goleva na lewenivanua, me 2 na mita nomu yawaki ira o sega ni kila.

E rawa ni o:

  • taubale, vodo basikeli se vakasasa ena vanua e vakadonuya na matanitu mera vakasasa kina na lewenivanua
  • qaqalo ena vale ni qaqalo e dola vei keda na lewenivanua raraba ia ena tiko na vakatatabu eso
  • lako lai vakaukaua yago ena kena vale ia e tiko na vakatatabu eso
  • vakatasosoko kei na vodo waqa vakaidini

Na qito ena veitikotiko mera le 100 ga na qito ena dua na iwasewase.

O ira na referi, dauveiqaravi ni qito kei na so tale era cakacaka ena vanua ni qito era sega ni okati ena wiliwili ni 100.

O ira na dauqito kilai, kenadau se o ira ena vakaitavi tiko ena qito era sega ni okati ena iwiliwili. Nira okati mera tamata cakacaka ena dua na vanua ni cakacaka. O ira ga na lai sarasara era okati ena yalani ni wiliwili ni le 100.

E rawa ni levu na vanua ni qito ena rara ia me:

  • wasewasei mera le 100 ga ena dua na iwasewase
  • mera wase na iwasewase kece me 2 na mita nodra veiyawaki e tautuba se me tiko na bai me wasei ira.

Me kua ni veiwaki se veimaliwai vata na veiwasewase yadua se vakayagataka vata ena dua ga na gauna na veika e vakarautaki tu ena vanua ni qito.

O iratou na vakarautaka na sotasota ni qito me ratou vakarautaka na ivola ni veitaratara qai maroroya.

iDusidusi mai na iSoqosoqo ni Qito e Niusiladi (external link)

Sosoqoni vata

Me kua ni sivia e 100 me tiko ena dua na soqo ena dua na vanua kei na gauna lokuci.

Oqori e okati kina na:

  • vakavulagi e nomu vale
  • soqo vakavuvale
  • vakamau
  • soqo vakalotu
  • soqo ni dua na timi se soqosoqo ni qito
  • soqo ni le vica ga me vaka na siga ni sucu se soqo ni nona vakamarautaki o tagane vou.

Na veika me baleta na somate kei na tangihanga

O ira na veiqaravi ena vanua ni soqo era sega ni oka ina iwiliwili ni 100 e vinakati.

Me savati wasoma na veivanua e vakayagataki, savata na ligamu qai tiko veiyawaki mai vei ira eso tale ena vanua e ganita. Ke dredre mo yawaki ira o sega ni kila, mo daramaka na iubi ni mata.

O koya e vakayacora na soqo e vakadonui vakalawa me taura na yacadra na tiko kina me rawa nira vakamuri lesu kevaka e gadrevi. E sega ni gadrevi kevaka era veikilai vinaka na tiko ena soqo, ia e vinaka ga me caka.

Ke o sauma e dua na vanua ni soqo, ena muri tiko ga kina na lawa e vauca na sosoqoni vata.

Last updated: