Bula ena Vakatagedegede 1 | Living at Level 1

Na COVID-19 e se tiko voli ga

Keda kece e Niusiladi meda:

  • Savata vinaka qai vakamamacataka vakawasoma na ligada me vakamatea na manumanu ni mate. Vakayagataka na sovu kei na wai me rauta ni 20 na sekodi. Vakamamacataka vinaka sara na liga.
  • Tabonaka na gusu nida vu se suru, me vaka na noda vu se suru ina maliwa ni ilobi ni duruduru ni ligada.
  • Ke dua e batabata se tekivu vakila na flu, me tiko ga e vale, qirita nona vuniwai se na Healthline qai kere ivakasala me baleta na nona lai dikevi. Kua ni gade, lako i vuli se lai cakacaka.
  • Vakavola na vanua eda lakova kei ira eda sotava. Vakayagataka na NZ COVID Tracer app, se dua na ivola ni veitaratara meda vakavola kina na veika eda cakava.

iVakasala ni vakadikevi

iVakasala ni vakaivolataki ni veitaratara

iVakasala ni manumanu ni mate kei na kena ivakatakilakila

iUbi ni mata

Na iubi ni mata e vukei iko kei ira na tani moni taqomaki ka solia vei kemuni eso tale na veitaqomaki ni lailai se sega na veiyawaki vakayago kei ira na tamata, me vaka na veisala ni veitosoyaki raraba kei na sitoa lelevu.

Ena Vakatagedegede 1 ni qaqarauni e vuqa na tamata e gadrevi mera daramaka e dua na iubi ni mata nira gade me vuka mai na dua na vanua kina dua tale e lomai Niusiladi. Oqo e sega ni okati kina na vuka vakaitaukei.

E gadrevi talega na iubi ni mata ena veisala ni veitosoyaki raraba taucoko sara, e veikau mai ena loma kei na lesu tale mai Okaladi, ka okati kina na sitimanivanua, basi, kei na waqa ni vakalele kei na draiva ni lori lalai me vaka na motoka saumi kei na uba (Uber). E okati talega kina na basi kei na sitima ka veikau vakabalavu.

Ena taudaku kei Okaladi e vakaturi sara ga mo dara e dua na iubi ni mata se na iubi ena veivanua osooso okati kina na sala ni veitosoyaki raraba ia e sega ni gadrevi.

Eso na tamata era vagalalataki ni daramaka na iubi ni mata, me kena ivakaraitaki o ira e tiko na ivakasala vakavuniwai me baleta nodra bula.

Na ivakasala kei na veivagalalataki ni daramaki ni matavulo kei na iubi mata raica na

Na ivakasala kei na veivagalalataki ni daramaki ni matavulo kei na iubi mata raica na

Sosoqoni vata

E sega ni vakatabui na sosoqoni vata. Qori e okati kina na somate, vakamau, lotu kei na soqo vakaitikotiko, qito kei na ka ni veivakamarautaki.

Tiko veiyawaki

Ena Vakatagedegede 1 sa vakamalumalumutaki na COVID-19. Ia se vakasama vinaka tiko ga mo yawaki ira o sega ni kila ena gauna o gole kina ena dua na vanua. Qori ena vakabera na dewa ni COVID-19 ke kune na kisi ni mate ena itikotiko.

Cakacaka kei na bisinisi

Ena tomani tiko ga na cici ni bisinisi kei na veivanua ni cakacaka me vaka na kena ivakarau. Mera na vakabira ena vanua ni nodra bisinisi na NZ COVID Tracer QR code qai vakarautaka tale ga na kena vakaivolataki na veitaratara ena sitoa yadua.

Gade kei na sala ni veitosoyaki

Na sala ni veitosoyaki ni lewenivanua mera na vakabira na QR codes ni veitaratara.

Ke o tauvimate qirita nomu vuniwai se Healthline ena ivakasala e vauca na nomu lai vakadikevi ni bera ni o gade. Tiko ga e vale qai lako mo lai dikevi ke vinakati.

Vuli

Ena dola na koronivuli, na veivanua ni muri vuli kei na vuli torocake me vaka na kena ivakarau. Sa rawa mera lesu tale i koronivuli na gone.

Rogoci ni itukutuku dina

Ena so na gauna e nakiti me kacivaki eso na itukutuku me vakacalai ira na tamata. Qo e vakaleqa na noda sasaga meda duavata ni valuta na mate na COVID-19.

iVakasala ni kena rogoci na itukutuku dina 

Vakatatabu ni curuvanua

Na COVID-19 e se sega ga ni tarovi rawa e vanua tani. E se tiko ga na tataqomaki e vakayacora na matanitu vei ira na lesu mai noda vanua me tarova na kena curu mai na COVID-19 mai vanua tani.

O ira kece na curu mai Niusiladi era na gole ena itikotiko vakawawa e qaravi vinaka kei na itikotiko ni korotini vakavo sara ke tiko nodra veivakadonui mera vagalalataki. Ia ke ra rawa ni vagalalataki era na lai tiko vakatikitiki vakataki ira.

O ira kece na veiqaravi ena itikotiko vakawawa kei na itikotiko ni korotini kei ira na rivarivabitaki na nodra cakacaka nira veitaratara voleka kei ira na lesu mai noda vanua, era na dikevi vakawasoma ena COVID-19.

Last updated: