iUbi ni Gusu kei na Ucu | Face coverings and masks

Ni daramaki na iubi ni gusu kei na ucu e tarova na dewa ni COVID-19, e maroroi iko qai taqomaki ira eso tale.

Na taqomaki ni gusu kei na ucu e tarova na dewa ni weli ni vosa, dredre, vuvu se suru e dua. Qo e okati kina e dua e tauvi COVID-19 ia e vinaka tu na nona bula qai sega vua na ivakatakilakila ni mate.

Levu era sega ni gadreva na iubi vakavuniwai nira rawa ni vakayagataka eso tale na iubi. Qo ira na gadreva na iubi ni gusu kei na ucu ena vanua ni cakacaka era na vakasalataki vei itaukei ni cakacaka.

Kevaka e sega nomu iubi ni mata, e rawa ni o cakava se volia e dua.

E vakasama vinaka me vakarautaki tu eso na iubi ni mata me baleti ira na nomu lewe ni matavuvale.

Na iubi ni mata ena Vakatagedegede 1

Ena gauna ni Vakatagedegede 1 ni qaqarauni, ena vinakati me daramaki na iubi ni mata ni dua e vuka mai na dua na vanua kina na dua tale e loma i Niusiladi ena waqavuka levu. Oqo e sega ni okati kina na waqavuka e saumi ni kauta e dua se taukena.

E gadrevi talega na iubi ni mata ena veitosoyaki raraba taucoko sara ka lako mai, se ena loma kei na lesu mai Okaladi. Oqo e okati kina na sitima, basi, kei na waqa ni vakalele ka vakakina na draiva ni lori lalai ni pasidia me vaka na motoka saumi kei na uba (Uber). E okati talega kina na basi kei na sitima ka veikau vaka balavu.

Ena taudaku kei Okaladi e vakaturi sara ga mo dara e dua na iubi ni mata se iubi ena veivanua osooso okati kina na sala ni veitosoyaki raraba ia e sega ni vakaukauataki se vakadreti.

Isema me bulataki ena i vakatagedegede 1

Na iubi ni mata ena Vakatagedegede 2 se sivia

Daramaka tiko na iubi ni mata ke o sega ni rawa ni veiyawaki kei ira o sega ni kila, me vaka ena sitoa lelevu.

Na iubi ni mata me vakayagataki vei keda kece eda vodoka na gaunisala ni veitosoyaki ni lewenivanua kei na waqavuka. E okati kina na sitimanivanua, basi kei na waqa ni vakalele. Era wili tale ga kina na lori lalai ni usa pasidia me vaka na taxi kei na Uber.

Veivagalalataki ni iubi ni mata

E sega ni gadrevi mera daramaka:

  • O ira na vakaleqai na yagodra se vakasama ni na dredre mera ubia nai matadra
  • O ira na gone e lailai mai na 12 nodra yabaki ni bula
  • Na vodo basi ni vuli
  • O ira na pasidia ena lori lalai me vaka na taxi kei na Uber
  • Na gade vakailawalawa se charter
  • Na vodo waqa ni vakalele.
  • O ira na vodoka na  waqavuka era sauma vakataki ira
  • O ira na konitaraki ena waqavuka ni kaburaki itei se wainimate ni vakabulabulataki itei

Ke dua vei ira na ivakamacala toka qori e kovuti iko, ena sega ni gadrevi mo vakaraitaka e dua na ivola vakadinadina nei vuniwai me vu ni nomu sega ni daramaka na iubi ni mata.

O na sega ni tarovi na lako ena lori ni lewenivanua.

E bibi me kilai ni na tiko na ivakamacala vakavuniwai baleta na kena sega ni daramaki na iubi ni mata vei ira eso na tamata. E sega ni gadrevi me qiriti na ovisa se tukuni vei draiva se dauveiqaravi ni sega ni ubi tiko na matana e dua na tamata.

Eda kila ni levu na tamata era daramaka na iubi ni mata era sa veivuke tiko ena kena tarovi na dewa ni mate. Era na dara tale ga na iubi ni mata ke gadrevi.

Kevaka ga era nakita mera basuka na ivakasala ena nodra sega ni daramaka na iubi ni mata ena lori ni lewenivanua qai sega nodra ulubale vinaka, era na sauma e $300 ena basuki ni lawa se na tau vei ira itotogi mai na vale ni veilewai e yacova na $1,000.

Sala me daramaki kina na itataqomaki ni gusu kei na ucu

  1. Raica na nomu iubi ni gusu kei na ucu. Mo vakadeitaka me:
    • savasava
    • mamaca
    • sega ni kabasu.
  2. Savata na ligamu. Ni bera ni o daramaka na iubi ni gusu kei na ucu, savata qai vakamamacataka na ligamu. Vakayagataka na
    • sovu kei na wai
    • na sanitiser ni liga (rauta ni 60 na pasede na alakaolo).
  3. Daramaka nomu itataqomaki ni ucu kei na gusu. Daramaka na iubi me ubia na ucu kei na gusu qai vakadre na muani wa e daligamu ruarua. Na iubi ni mata ena:
    • Ubia kece na ucu, gusu kei na kumi.
    • Tokara vinaka qai vakadre vinaka ena balumu ruarua.
    • Vukea nomu cegu vinaka.
  4. Savata tale na ligamu ena:
    • sovu kei na wai
    • sanitiser ni liga (rauta ni 60 na pasede na alakaolo).

Ni daramaki tiko na iubi ni ucu kei na gusu

Ni daramaki tiko na iubi ni ucu kei a gusu mo:

  • kua ni tara na mua iliu ni ubi ni mata
  • kua ni tara na matamu
  • kua ni veitosoyaka na iubi se dreta sobu ina ruku ni kumimu
  • veisautaki na iubi ni sa duka, suasua se kabasu.

Sala me luva kina na iubi ni gusu kei na ucu

  1. Savata na ligamu. Savata qai vakamamacataka vinaka na ligamu ni o vakayagataka na: 
    • sovu kei na wai
    • sanitiser ni liga (rauta ni 60 na pasede na alakaolo). 
  2. Luvata na iubi ni gusu kei na ucu. Luvata na iubi mai daku ni ulu qai dreta laivi e matamu. Saga mo semai rau vata na kena wa qai saga mo kua ni tara na muana e liu ni iubi, qarauna tale ga mo kua ni tara na matamu, ucumu se gusumu. 
  3. Savata qai biuta e kavanibenu na iubi kei na ucu. 
    • Savata na iubi ni matamu kei na ucumu ena nomu savata ena misini ni savasava ia me 60 na dikiri na katakata ni wai. Me mamaca vinaka sara na iubi qori ni bera ni o vakayagataka tale. Kua na vakayagataka na iubi e suasua tu.
    • Mo biuta e kavanibenu na iubi e dau vakayagataki ga vakadua. Biuta e kavanibenu me sogo vinaka, se ena dua na itawatawa e sogo vinaka qai kauta laivi. Kua ni saga mo vakayagataka tale na iubi e dau vakayagataki ga vakadua.
  4. Savata tale na ligamu. Vakayagataka na: 
    • sovu kei na wai
    • sanitiser (rauta ni 60 na pasede na alakaolo).

Last updated: