Na ikuri ni nodra vakadikevi ena COVID-19 na lesu mai ena veivanua e tete vakalevu kina na mate | Additional COVID-19 tests for returnees from higher-risk countries

Vakadikevi ni bera na biubiu vei ira na yaco mai noda vanua mai Peritania kei Merika

E neitou sasaga levu ni itataqomaki me kua ni dewa mai na noda vanua na mate. 

Ena 11:59 ena bogi ni 15 ni Janueri 2021, o ira kece na biubiu mai Peritania kei Merika ena vinakati me tiko vei ira na macala ni nodra dikevi ena RT-PCR ni COVID-19, me na laurai kina ni sega ni tauvi ira na mate ena loma ni 72 na aua ni bera nira biubiu qai vinakati tale ga mera vakaraitaka e dua na sitivikiti ni macala ni kena dikevi se dua tale na fomu ni ivakadinadina.

Na sasaga tale ga va qori sa vakayacori tiko vei ira na vuka mai vakabalavu mai na so tale na vanua mera butuki Niusiladi.

O ira kece na yaco mai ena gadrevi mera muria tiko ga na ituvatuva ni matanitu ni tiko vakatikitiki me 14 na siga kei na korotini nira sa yaco mai Niusiladi. Qori ena vukei keda meda tataqomaki rawa tu vakailiu ena kena yaco tale e veiyasai vuravura na COVID-19 qai tatarovi tale ga ena kena tete ena icurucuru ni noda vanua vei ira na toki ina dua tale na waqavuka kei ira na vakaitikotiko ena vanua ni tu vakawawa e vakarautaka na matanitu.

Nodra dikevi ena siga 0 na kele mai Niusiladi era gole mai ena veivanua e tete vakalevu kina na mate

Ena 11:59 ena bogi ni 31 ni Tiseba 2020 o ira kece na lesu mai Niusiladi mai na Peritania se Merika ena vinakati mera:

• na vakadikevi ena COVID-19 ena siga 0, ya na siga era se qai yaco kina ena itikotiko vakawawa e vakarautaka na matanitu.
• tiko ga ena nodra rumu me yacova ni sa yaco mai na macala ni nodra vakadikevi.
• ke kilai ni tauvi ira mai na mate era na kau vakadodonu sara ena itikotiko ni korotini.

Qo e dua tale na ikalawa me vakarautaka e dua tale na ivakatagedegede ni tataqomaki vei keda e Niusiladi mai na COVID-19 kei na mate vou sa sucu tale mai na mate qo ena so na vanua e veiyasai vuravura kei na kena rawa ni tete sara vakatotolo.

Ena vakayacori tiko ga na ka e sa dau caka tiko, ya na kena vakacurumi e na qaraniucu na vauvau balavu me lai vakadikevi kina na mate.

E dau taura e 24 ina 48 na aua na kena vakadikevi tiko me qai kilai na kena macala.

Kevaka e sega ni laurai na mate vua e dua e vakadikevi, ena vakacavara ga na 14 na siga ni nona tiko vakawawa. Era na dikevi tale ena rauta na ika 3 ni siga qai dua tale ena rauta na ika 12 ni siga ni nodra tiko ena itikotiko vakawawa. Se mani ituvaki cava ena vinakati me vakadeitaka e dua na vuniwai ni sega ni laurai vei ira na vakadikevi na COVID-19 ena sega tale ga ni vakadewa na mate ni COVID-19 vei ira tale eso ni bera nira biuta mai na itikotiko vakawawa.

Kevaka e laurai ni sa tauva e dua na mate na COVID-19 ena gauna e yaco mai kina ena tokitaki sara ena itikotiko ni korotini, qori sa bau totolo sara ni vakatauvatani kei na veigauna sa oti.

Eso tale na itukutuku 

Me baleta na itukutuku butakatakata ni COVID-19, mo rai ena https://covid19.govt.nz/updates-and-resources/translations/

Me ikuri ni ivakamacala me baleta na itikotiko vakawawa e qaravi vakavinaka kei na itikotiko ni korotini, kerei moni rai ena https://www.miq.govt.nz/travel-to-new-zealand/arriving-in-nz/ (external link)