Te toro atu ki ngā kai, ki ngā mea waiwai rānei | Access to food or essential items

Kei te hiahia tātou katoa ki te kai me ngā mea waiwai pērā i te rongoā i ngā wā o te rāhuitanga KOWHEORI-19, nō reira kaua e whakatiki i a koe. Kei tēnei pārongo ngā mōhiohio mō ngā huarahi maha e whiwhi kai ai, e whiwhi mea waiwai ai koe.

Te kawe kai

Mēnā e māuiui ana koe, kāore rānei e taea te puta atu i tō kāinga ki te hoko kai, ngā rawa waiwai rānei, ka āhei koe ki te tono atu ki tō whānau, ō hoa, ngā tāngata e noho pātata ana ki a koe rānei ki te kawe atu i ngā rawa me ngā kai ki a koe. Kōrero ki ō whatunga tautoko pērā i tō whānau, ō hoa, me ngā tāngata e noho pātata ana ki a koe kia kite mēnā e taea ana te kawe atu i ngā mea waiwai ki a koe.

Whakamātauria ngā ratonga kawe kai pērā i ngā kawenga kai a te hokomaha, ngā pūhera kai, ngā kai whakakōpaka kua tunua kētia, ngā pouaka kai ohauru, tētahi atu ratonga kawe kai rānei:

Ka taea hoki e koe te whakamahi i te ratonga pāwhiri me te tiki atu o tō hokomaha, me te tono atu i tētahi hoa noho tata, whanaunga, tangata e noho pātata ana ki te kawe atu i ngā kai ki a koe. 

Whakapā atu ki te hokomaha tata, te hokomaha iti rānei kia mōhio mēnā e kawe atu ana i ngā kai, ā, me pēhea te tono atu. Tērā pea kua rāhuitia e te hokomaha ētahi tūranga motuhake mō ngā tāngata e hiahia ana ki te hokohoko tuihono. 

Te noho haumaru ina kawe kai ki a koe

  • Ko te tikanga me pānga kore ngā kawenga, me paetata hoki.
  • Mēnā kei te kawe rawa koe, kia maumahara me noho wehe e 2 mita te tawhiti, me te mau ārai waha.
  • Mēnā ka kawea atu ō rawa, kia maumahara me noho wehe e 2 mita te tawhiti i te hunga kawe, me mau ārai kanohi, ā, horoia me te patuero i o ringa kia mutu te whakaputu i ngā kai.  

Haere ki: www.covid19.govt.nz/about-this-site/contact-and-support

Te pūtea hei āwhina i a koe ki te hoko kai

Ki te hiahia āwhina ā-pūtea koe ki te hoko kai, ka taea pea e Te Hiranga Tangata te āwhina.

Haere ki te paetukutuku a Te Hiranga Tangata mō ngā tautoko ā-pūtea kōhukihuki me ngā hiahia haere tonu.

Ka āhei koe ki te tono tuihono mō tētahi takuhe matua me te tirotiro i tō āhei atu ki ngā āwhina e pā ana ki te kai.

Ka taea hoki e koe te whakamahi i te utauta tautoko pūtea KOWHEORI-19 i te paetukutuku o Unite Against COVID-19 ki te kite i ngā tautoko e wātea ana ki a koe.

Haere ki:

Ngā pātaka koha kai

Ka kitea tō pātaka koha kai ā-rohe mā te tirotiro i te paetukutuku Papatohu Ratonga Whānau:

Paetukutuku Rārangi Ratonga Whānau (external link)

Mēnā kāore e āhei te kawe kai ki a koe

Mēnā kua ngana koe, ā, kāore e taea te uru ki te tautoko mā tētahi o ngā kōwhiringa i runga ake nei, whakapā atu ki tō Rōpū Rākau Whakamarumaru tata (CDEM).

Haere ki: www.civildefence.govt.nz/find-your-civil-defence-group (external link)