Fesoasoani mo tino taki tokotasi fakatasi mo kaaiga | Support for individuals and families
Te olaga 'lei o te mafaufau
Kafai e faka'tau koe ko se mafai ne koe o fakafesagai mea konei, e taaua ke faipati koe ki te tino galue i te ola 'lei.
E mafai pefea o tausi faka'lei te olaga 'lei o tou mafaufau
E uke a mea e mafai ne tatou o fai ke fakamalosi ei a te olaga 'lei o 'tou mafaufau pena foki mo latou e pele ia tatou:
- Tumau te fesokotaki mo taugasoa mo kaaiga — e taaua te mea tenei ki te 'tou olaga 'lei kae e fesoasoani foki o fai ko tatou ke lagona te fanaka o te 'tou saogalemu, ko fakafoliki te 'mafa o te mafaufau kae ko fakafoliki foki te nofo sapolepole.
- Amanaia ou lagona — se tulaga e masani saukatoa o lagona te mafatia lasi, 'mafa te mafaufau, sapolepole te loto, manavase io me mataku. Fakaavanoa se taimi mo koe eiloa ke lavea ne koe kae ke fakaasi foki ou lagona.
- Fakatumau a mea masani o fai manafai e mafai — taumafai o faite ne faifaiga masani i tou olaga kae taumafai o se fakauke a faifaiga kola e se 'lei ki tou ola 'lei pela mo te kai ki te malie, inu meainu malosi, pusi io me fakaauau (vaping).
- Aasi ki a latou kola e mafai o manako ki se fesoasoani — fesokotaki atu ki a latou kola e mafai o lagona te 'mafa o te mafaufau io me tai manavase e mafai o fesoasoani ki a koe pena foki ki te tino e maua ne ia te fesoasoani.
- Taimi tou leva i luga i te initaneti — aasi a tala mo faitalaga a tino i luga i te initaneti i taimi ko oti ne fakamau fakatasi io me fakalua i te aso.
Kooi e mafai ne koe o faipati kiei
E uke a laina telefoni e avanoa kae aumai ne latou a fesoasoani, fakamatalaga pela foki mo fesoasoani ki soose tino e pokotia tena olaga 'lei o te mafaufau. A fesoasoani konei e avanoa i te 24 itula o te aso, 7 aso i te vaiaso.
Sala se laina telefoni e fesoasoani ki te olaga 'lei o te mafaufau
Sevesi mo fesoasoani
Se mea ‘LEI ma fakamolemole ke maua se fesoasoani. Ka koi galue fakatasi tatou i te mea tenei, e isi ne tino mo fakapotopotoga kola e mafai o fesoasoani ki a koe. Konei a vaega o fautuaga, fesoasoani, io me ko tulaga ‘lago mafai e manakogina ne koe. Kafai koe se faipati faka Palagi, e mafai ne koe o fakatagi ki se tino fuli pati manafai e telefoni ki te lasiga o matagaluega o te Malo.
Last updated: