Ko ‘Eku Lēkooti Covid | My Covid Record

Fekumi fekau‘aki mo hono ngāue‘aki ‘o e uepisaiti My Covid Record, ‘a ia te ke lava ‘o ma‘u atu ai ‘a e fakamatala fekau‘aki mo ho‘o ngaahi lekooti COVID-19.

Ko e tu‘asilá ko e mycovidrecord.health.nz (external link) pea ‘oku lava ke ngāue ia ‘i he komipiuta to‘oto‘o (laptop), komipiuta ‘i he funga tesí (desktop) pe telefoni to‘oto‘o (smart phone).

Fekau‘aki mo e My Covid Record

‘Oku faka‘atā atu koe ‘e he uepisaiti My Covid Record ke ke vakai‘i mo kole ke ma‘u atu ho‘o ngaahi lekooti ki he huhu malu‘i mei he COVID-19, mo sio ki ho ngaahi sivi COVID-19 kotoa pē ne ke fakahokó. ‘I he uepisaiti ko‘ení, te ke lava ai ke:

  • Kole ha tatau ‘o e lekooti ki ho‘o ngaahi huhu malu‘i mei he COVID-19 - kau ai ‘a e ngaahi fika (batch), fika ‘o e tu‘oni huhu malu‘i na‘e fakahokó (dose number), hingoa mo e kautaha na‘a ne ngaohi ‘a e huhu malu‘í, pea mo ha ngaahi huhu malu‘i na‘a ke fakahoko ‘i tu‘apule‘anga na‘á ke kole ke tānaki atu ki ho‘o lekooti ki he mo‘ui lelei (health record). Kapau ‘okú ke fiema‘u ‘eni ki ha taha kehe, telefoni ki he 0800 222 478
  • Kole ke ‘oatu ‘a ho‘o My Vaccine Pass - ko e lekooti faka‘ofisiale ki he tu‘unga ‘o ho‘o ngaahi huhu malu‘i mei he COVID-19 ke ngāue‘aki ‘i Aotearoa Nu‘u Silá ni. Te ke lava ‘o kole eni ma‘á u pe ma‘á ha tokotaha kehe.
  • Kole ki ha Tohi Fakamo‘oni Huhu Malu‘i ki he Fefolau‘aki Fakavaha‘apule‘angá (International Travel Vaccination Certificate) - ke fakamo‘oni‘i ‘aki ho tu‘unga huhu malu‘í ‘i tu‘apule‘anga. Te ke lava ‘o kole eni ma‘á u pe ma‘á ha tokotaha kehe.
  • Vakai ki he ngaahi ola ‘o ho ngaahi sivi COVID-19
  • Fakahū ‘a e ngaahi ola mei ho‘o sivi na‘e ngāue‘aki ki ai ‘a e Rapid Antigen Test. Te ke lava ‘o tānaki atu ‘a e ola ‘o hao sivi pe sivi ‘o ha tokotaha kehe.

Founga ‘o ho‘o lēsisita ki he My Covid Record

‘E lava ‘e ha tokotaha pē ‘i Nu‘u Silá ni ‘oku ta‘u 12 pe lahi hake ‘o lēsisita ke ngāue‘aki ‘a e My Covid Record: ‘Oua na‘a ke vahevahe atu ki ha tokotaha kehe ‘a ho‘o hingoa mo e fakamo‘oni ke hū‘aki (login and password) ki he My Covid Record.

  1. ‘Alu ki he mycovidrecord.health.nz (external link) pea lomi‘i pe kiliki ‘i he Sign Up. Ko e kamata eni ‘o e founga ke fokotu‘u ‘aki ha‘o My Health Account – te ke lava ai heni ‘o ma‘u atu ‘i he ‘initaneti ‘a ho‘o fakamatala fakamo‘ui leleí. ‘E fiema‘u ha‘o tu‘asila ‘īmeili pē ‘a ‘au ke fokotu‘u‘aki ha‘o ‘akauni. ‘E lava ke fakapapau‘i ‘a ho‘o ‘akauní ‘aki ‘a e taha ‘o e ongo me‘a ni;
    • Ha tohi laiseni faka‘uli Nu‘u Sila, paasipooti, tohita‘u pe tohi fakamo‘oni tangata‘i fonua, pe ha paasipooti pe tohita‘u ‘Aositelēlia
    • Fakahū ‘a e fakaikiiki ‘o e kautaha ngāue ki ho‘o mo‘ui leleí
    • Ko ha ‘akauni real me kuo ‘osi fakamo‘oni‘i
  2. Hū ki he My Covid Record ngāue‘aki ho‘o My Health Account hingoa ngāue (username) mo ho‘o fakamo‘oni ki he hū ‘aki (password) pe ko ho‘o hū ki he Real Me mo e fakamo‘oni ki he hū ‘akí.
  3. Ko e lava lelei pē ‘a ho‘o hū ki he My Covid Record, te ke lava leva ‘o sio ki ho‘o ngaahi lekooti Covid-19.

Kapau te ke fakatokanga‘i ha me‘a ‘oku fehālaaki ‘i ho‘o lekootí, te ke lava ‘o fakafonu ‘a e foomu ‘i he ‘Initanetí ‘oku ui ko e Change of details form (foomu Liliu ‘o e ngaahi fakaikiiki), pe ko ha‘o ‘imeili ki he help@mycovidrecord.min.health.nz

Kapau ‘oku faingata‘a ke ke kole ha fakamo‘oni (pass) pe lekooti ma‘a ha tokotaha kehe te ke lava ‘o telefoni ki he: 0800 222 478 (8 pongipongi ki he 5 eifafi, Mōnite ki he Falaite)

Kapau ‘oku faingata‘a ke ke fakahū ‘a e ola ‘o ha sivi mei ha me‘a sivi vave (rapid antigen test) ki ha tokotaha kehe te ke lava ‘o telefoni ki he: 0800 555 728 (8 pongipongi ki he 5 eifafi, Mōnite ki he Falaite)

Last updated: at