Founga ʻoku ngāueʻaki ki hono muimuiʻi ʻo e fehokotakí | How contact tracing works

‘Oku faka‘atā kimautolu ‘e hono muimui‘i ‘o e fetu‘utaki vā ofí ke kumi ‘a e kakai na‘a nau tu‘u lavea ngofua ‘i he COVID-19.

Ko e muimui‘i ‘o e fetu‘utaki vā ofí

Kapau ‘oku ma‘u ‘e ha tokotaha ‘a e COVID-19, ‘oku fiema‘u ke mau kumi ‘a e kakai na‘a nau ala ma‘u atu ‘a e vailasí. Ko e muimui‘i ‘eni ‘o e fetu‘utaki vā ofí.

‘Oku tokoni ‘a hono muimui‘i ‘o e fetu‘utaki vā ofí ke ‘ilo‘i ‘a e feitu‘u na‘e ala ma‘u mei ai ‘e ha tokotaha ‘a e COVID-19, pea mo e ni‘ihi kehe na‘a nau ‘i he feitu‘u tatau. Ko e kakai ko ‘ení kuo nau hoko ko ha kau fetu‘utaki vā ofi.

Ngaahi fa‘ahinga ‘o e fetu‘utaki vā ofí

Tokotaha feohi vā ofi ‘i ‘api

Ko ha tokotaha feohi vā ofi koe ‘i ‘api kapau ‘okú ke nofo mo ha tokotaha kuo ma‘u mei he ola ‘o hono siví ‘okú ne ma‘u ‘a e COVID-19. Ko ha Tokotaha Feohi Vā Ofi ‘i ‘Apí:

  • ‘oku mou nofo fakataha ‘i ha fale pe feleti mo ha tokotaha (‘i he taimi kotoa pē pe taimi pē ‘e ni‘ihi) kuo ma‘u mei he ola ‘o hono siví ‘okú ne ma‘u ‘a e COVID-19, pea
  • kuo nofo ‘i he nofo‘anga ko iá ‘o ‘ikai si‘i hifo ‘i ha pō pe ‘aho ‘e taha ‘i he lolotonga ‘o e taimi ‘oku kei ala mafola ‘ai ‘a e vailasí ‘i he tokotaha ko iá.

Tatau ai pē pe kuo huhu malu‘i koe pe ‘ikai, ‘oku fiema‘u ke ke:

  • nofo fakamavaheʻi ‘o kamata mei he ‘aho na‘e ‘ilo mei he ola ‘o hono sivi ‘o e tokotaha ko iá ‘okú ne ma‘u ‘a e COVID-19 pē kuo fakahoko atu ‘oku ngalingali ‘okú ne ma‘u ‘a e vailasí kae ‘oua kuo kakato ‘a e ‘aho ‘e 7 ‘o ‘enau nofo fakamavahe‘í.
  • fakahoko ha sivi COVID-19 ‘i he ngaahi ‘aho totonu ‘o e vaha‘a taimi ki he nofo fakamavahe‘í, pe vave ange kapau te ke ma‘u ‘a hono ngaahi faka‘ilongá. Kapau ‘e ma‘u mei he ola ‘o ho siví ‘okú ke ma‘u ‘a e vailasí, ‘e fiema‘u ke ke muimui ki he fakahinohino ma‘á e kakai ‘oku mnau ma‘u ‘a e COVID-19.
  • feinga ke ke faka‘ehi‘ehi mei ha‘o fetu‘utaki vā ofi mo e tokotaha ‘oku ne ma‘u ‘a e COVID-19.

Tokotaha feohi vā ofi ‘i ‘api

Nofo fakamavahe‘i

Ko e hā ‘a e me‘a ‘e hoko kapau ‘e ma‘u mei he ola ‘o hoku siví ‘okú ou ma‘u ‘a e vailasi?

Ngaahi feohi vā ofí

Ko ha Tokotaha Feohi Vā Ofi koe kapau na‘á ke feohi mo ha tokotaha ‘okú ne ma‘u ‘a e COVID-19 ‘i he taimi na‘á ne ala fakamafola atu ai ‘a e vailasí. ‘Oku ‘ikai fiema‘u ke ke nofo fakamavaheʻi koe kapau ko ha Tokotaha Feohi Vā Ofi koe. Siofi pe ‘oku ‘i ai hao ngaahi fakaʻilonga, pea kapau te nau ‘asi mai, fakahoko leva hao sivi.

Ngaahi feohi vā ofí

Foomu ki hono muimui‘i ‘o e fetu‘utaki vā ofí

Kapau kuo ma‘u mei he ola ‘o ho siví ‘okú ke ma‘u ‘a e COVID-19 ‘e fiema‘u ke ke fakahā ‘a e feitu‘u na‘á ke ‘i aí mo kinautolu na‘á ke sio ki aí. Te ke lava ‘o fakahā ‘eni ‘i he ‘initanetí ‘i ha founga malu ‘o ngāue‘aki ha foomu ki hono muimui‘i ‘o e fetu‘utaki vā ofí. Ko e founga ‘eni ‘e fakahokó kae ‘ikai ko ha faka‘eke‘eke ‘i he telefoní.

Kapau ‘oku ‘i ai ha‘o fika telefoni to‘oto‘o ‘oku kei ‘aonga, te ke ma‘u ha tohi (text) ‘oku ‘i ai ha fakafehokotaki‘anga mo ha kouti ke hū‘aki ‘o fakafonu ‘a e foomu ko ‘ení. ‘Oku faka‘atā atu ‘i he foomu ki hono muimui‘i ‘o e fetu‘utaki vāofi ki he COVID-19 ke ke fakahā ai ‘a e:

  • ngaahi faka‘ilonga ‘okú ke ma‘ú
  • ngaahi fakaikiiki ki ho‘o kau nofo fetu‘utaki vā ofi ‘i ‘apí
  • fakaikiiki ki ha ngaahi feitu‘u ‘oku tu‘u fakatu‘utāmaki mo kinautolu na‘e feohi vā ofí
  • ngaahi fiema‘u ki he nofó (welfare needs).

Kapau te ke ngāue‘aki ‘a e NZ COVID Tracer app mo muimui‘i ‘aki ‘a e Bluetooth, te ke lava ‘o vahevahe ai ‘a ho‘o tohinoa faka‘ilekitulōniká mo ho‘o fakamatala ‘i he Bluetooth.

‘Oku vave ange ‘a hono fakafonu ‘a e foomú ‘i ha ‘initaviu — fakafuofua ki ha miniti ‘e 30. Kapau ‘e ‘ikai te ke kamata fakafonu ‘a e foomú ‘i loto ‘i he houa ‘e 24, ‘e telefoni atu ha taha ‘o fakakakato ‘a e ‘initaviú ‘i he telefoní.

Ko hono ngāue‘aki ‘o e foomu ki hono muimui‘i ‘o e fetu‘utaki vā ofí

Ko e NZ COVID tracer app

‘Oku ‘ikai ke toe fiema‘u ‘a e hiki ‘ata (scan) ki he hū ki lotó pe ke fokotu‘u ‘i he hū‘anga ‘o ha pisinisi ha saati kouti QR pe tu‘utu‘unia ke tauhi ha lēkooti. Neongo eni, te ke kei lava pē ‘o hokohoko atu ‘a hono faka‘aonga‘i ‘o e NZ Tracer app ke tauhi ha lekooti ‘o e feitu‘u ‘okú ke ‘alu ki aí, pe ko e ma‘u atu ha ngaahi fakatokanga ‘i he Bluetooth.

Ngaahi fakatokanga meí he NZ COVID Tracer app

Kapau na‘á ke feohi vā ofi mo ha tokotaha ‘okú ne ma‘u ‘a e COVID-19, te ke ala ma‘u atu ha fakatokanga lanu moli ‘i ho‘o NZ COVID Tracer app. Kapau te ke ma‘u atu ha fakatokanga, ‘oku totonu ke ke muimui ki he fale‘i ‘oku ‘oatu ‘i he fakatokangá.

‘Oku fakapulipuli pē (anonymous) ‘a e ngaahi fakatokanga ‘i he Bluetooth. Kapau te ke ma‘u atu ha fakatokanga, ‘e ‘ikai te ke ‘ilo‘i ‘e koe ‘a e tokotaha na‘á ne tuku atu ‘a e fakatokangá, pe feitu‘u na‘á ke feu‘utaki vā ofi ai mo e tokotaha ko ia ‘okú ne ma‘u ‘a e vailasí.

Kapau na‘e ma‘u mei he ola ‘oho siví ‘okú ke ma‘u ‘a e COVID-19, te ke lava ‘o fili ke ke tukuhake (upload) ‘a ho‘o fakamatala ki he Bluetooth ‘i he foomu ki hono muimui‘i ‘o e fetu‘utaki vā ofí.