Faka teka kehe ite fale | Isolating at home

I loto i te 5 o aho e fautuagia ai ke nofokehea

Kafai koe kua positive tau hiakiga mo te KOVITI-19, e fautuagia koe ke nofokehe mo ni aho e 5, e tuha pe hē tigaina o āuga, kamata atu i te aho 0.

Ko te aho 0 ko te aho ia na kāmata ai o āuga pe ko te aho foki ia nā positive ai tau hiakiga, pe ko hea lava te vāega na mua tutupu. Ko to na uiga e hē tatau koe ke fano ki te galuega pe ko te ākoga.

Kafai e manakomia koe ke fanokehe i loto o te 5 o aho kua fautuagia atu ai, e tāua lele ke kikila totoka koe ki nā puipuiga mahani kae ke hē fakapepehi ai e koe te KOVITI-19 ki iētahi tino.

Fai ho talipupuni foliga i hōhe taimi e fano kehe ai koe ma te fale.

Na hē fano ko ki nā tautuaga tau te ola malōlo (vaganā ai e manakomia e koe ke talavai), vēna nā fale mo nā tino mātutua, pe talanoa ki ho he tino te e ono afaina lahi kafai e maua e te KOVITI-19.

E tatau ke fakatalatalanoa e koulua ma to pule i te galuega pe vefea te toe taliu atu o koe ki te galuega e vēna foki ma te puleākoga ki te toe taliu atu o tau pepe ki te ākoga auā e ono iei ni iētahi fakatapulā ma to pule vēna te ākoga.

Kafai koe e nofo i he apartment pe he fale e lahi ai ni iunite

Kafai koe e nofo i he apartment pe he fale e lahi ai ni iunite:

• fai ho talipupuni foliga i nā koga e holo kiei nā tino kafai e manakomia ke fano kehe koe ma te fale. fakatakitakiga, ke fakaogā e koe te mahini tāmea
• na hē faka latalata ki iētahi tino e nonofo fakatahi ma koe
• nā hē fakaogā fakatahi e koe te lifi ma iētahi tino
• hē fakaogā nā koga koleni, pool pe ko nā sauna kafai koe e nofokehea.

Kafai e iei he fakafitauli he makalofia, ke taumlimuli pea ki nā fakatātiaga mo nā fakafitauli hē makalofia — nofo tāpena ma tuku ho tali pupuni foliga i tafā faitotoka

Nonofokehe ma nā tamaiti

E iei nā auala faigofie ke fehoahoani atu ai oi fakataikole te afainaga mai te pepehi o te KOVITI-19 kafai e faka nofo kehea koe ma au tamaiti.

Kafai kua maua koe e te KOVITI-19, kae ko au tamaiti e lelei, pe ko au pepe e tauale kae lelei koe, e tatau ke:

• fakaitiiti te fakalatalata kiei kafai e mafai
• moe i he tahi potu e kehe mai te potu o au pepe kafai e mafai
• na hē fakalatalata ki iētahi tino i to fale kafai e mafai
• fai ni talipupuni foliga kafai e nonofo fakatahi ma iētahi tino
• tatala nā famalama ke maua ai he ea

E mālamalama ki mātou ko nā tahi vāega iēnei e fakatino gatā, maihe lava kafai e iei ni tamaiti. Ko nā talipupuni foliga ma te lahi o he ea e tāua lele i te fakaitiitiga o te pepehi o te KOVITI-19.

Fai ni koleni

E mafai koe ke koleni i fafo o to fale i te vaitaimi e nofokehea ai. E mafai koe ke koleni i totou poloka kae hē fakaogā ni meafaigaluega, ve ko nā fale takele e tatala ki tagata lauaitele pe ko te fale koleni. Na hē koleni ma iētahi tino vaganā ko nā tino e nonofo fakatahi ma koe.

Nofo mātau ke:

• fakamamao mai iētahi tino
• na hē fakamamafā au koleni, fai ni koleni māmā.
• taukave he talipupuni foliga — e hē manakomia koe ke fai ho talipupuni foliga, kae e pule lava koe pe ko hea te logotonu ai koe.