Taupānga Manatoko Tohu Ārai Mate o Aotearoa | NZ Pass Verifier app

He taupānga koreutu te Manatoko Kōkota o Aotearoa ka taea e ngā umanga, ngā taiopenga me ngā huihuinga te whakamahi hei matawai i ngā Kōkota Kano Ārai.

Mō te Taupānga Kōkota o Aotearoa

Ka taea te whakamahi i te taupānga Manatoko Kōkota o Aotearoa ki te hihira i te ūnga kano ārai mate o te tangata.

Me whai ipurangi ki te tikiake i te taupānga i te tuatahi, me te matawai tuatahi hoki. Hei muri i tērā, ka taea e te taupānga Manatoko Kōkota o Aotearoa te matawai i ngā Kōkota Kano Ārai me te kore hononga ki te ipurangi, engari me hono ki te ipurangi i ngā wā auau ki te whakarite e taea ai e ia te manatoko i ngā My Vaccine Passes e whaimana ana.

Kāore e taea te whakamahi i te Manatoko Kōkota o Aotearoa hei matawai i ngā Tiwhikete Kano Ārai Mate Hāreere.

Rapua he kōrero mō te Pūnaha Whakamaru KOWHEORI-19

Rapua he kōrero mō te My Vaccine Pass

Tīkina ake te taupānga mā te App Store (external link)

Tīkina ake te taupānga mā Google Play (external link)

Te whakamahi i te taupānga NZ Pass Verifier

Ina tikiake koe i te taupānga, me te whakaae ki ngā ture whakamahi, me:

1. Whakaae ngā whakaaetanga kāmera

E hiahiatia ana e te taupānga NZ Pass Verifier ngā whakaaetanga kāmera kia taea ai te matawai i ngā waehere QR My Vaccine Pass. Ka tono te taupānga i tēnei whakaaetanga ina tīmata koe ki te matawai.

2. Matawai i My Vaccine Pass

Hei matawai i tētahi kōkota, pāwhiri i te pātene ‘Scan’. Mā tēnei e whakaatu te mata matawai.

Tohua tō waea ki te waehere QR i te kōkota kia uru ki te rohe heipū o tō mata.

Ko te kōkota whaimana ka whakaatu i te ingoa me te rā whānau o te tangata (e whakaatu ana i runga i te Kōkota Kano Ārai) tae atu ki te tohu whakaae kākāriki me te kupu ‘valid’.

Mēnā kāore te Kōkota Kano Ārai o Aotearoa e whaimana, mā te taupānga e kī ake he aha ai. Ākene pea nā te mea:

  • kua mōnehu te kōkota, tērā rānei
  • kāore e taea te manatoko i te waehere QR.

Hei matawai i tētahi atu kōkota, patohia te pātene ‘Scan again’, me miri whakararo rānei i te mata otinga ki te whakakore.

Kāore te matawai i te Kōkota e whāki atu mēnā kua werohia te tangata ki ngā pota e rua, kāore rānei - engari ka whāki mēnā kua tutuki ngā herenga whiwhi kano ārai mate. Ma tēnei e pupuri te tūmataitinga o te hunga tē āhei atu ki te kano ārai mate nā ngā take hauora. Tērā pea kua werohia te tangata ki ngā pota e rua o te kano ārai mate, he tohu whakawātea ā-hauora rānei tāna (he iti noa te hunga o Aotearoa ka whiwhi i tēnei).

Tautoko hangarau

Ki te hiahia āwhina koe ki te taupānga, ka taea e koe te whakapā atu ki te rōpū motuhake i Te Manatū Hauora.

Īmēra VerifierTechHelp@mycovidrecord.min.health.nz

Waea ki 0800 800 606

Last updated: at