Taku tohu ārai mate | My Vaccine Pass

Ko Taku Tohu Ārai Mate he pūkete ōkawa o tō tūnga kano ārai mate KOWHEORI-19, hei whakamahinga i Aotearoa.

Ngā whakaritenga kano ārai mate

Kua kore e hiahiatia te My Vaccine Pass. Heoi kei te pakihi te tikanga ki te whakamahi tonu, kāore rānei.

Ka mau tonu ngā whakaturetanga kano ārai mate a te kāwanatanga i ētahi rāngai mahi i te mea he pānga auau ngā kaimahi i ēnei wāhi, ki te hunga e mōrearea ana kei pā te mate taumaha o te KOWHEORI-19, he nui ake rānei te mōrearea o te pānga ki te KOWHEORI-19.

Ngā kano ārai me te mahi

Mō Taku Tohu Ārai Mate

He waehere QR a Taku Tohu Ārai Mate, e taea ai te whakamahi hei hāpono i tō tūnga kano ārai mate. Ko tēnei anake te momo hāpono e whakaaetia ana. E kore e whakaaetia te kāri kano ārai mate waiporoporo i whiwhi pea koe i muri i tō werohanga ki te kano ārai mate, tētahi reta whakaū kano ārai mate rānei, e whakaaetia ana hei hāpono o tō tūnga kano ārai mate.

E kore te hunga i raro iho i te 12 tau, 3 marama te pakeke e mate ki te whakaatu i te hāpono o te kano ārai mate.

Rapua he kōrero mō te Pūnaha Whakamaru KOWHEORI-19

Ka taea e koe te tono Taku Tohu Ārai Mate mēnā:

  • he pakeke ake koe i te 12 tau, ā, kua werohia koe ki ngā pota e rua o te kano ārai mate KOWHEORI-19 Pfizer i Aotearoa.
  • kua werohia ki te kano ārai mate koe i tāwāhi otirā he kano ārai mate kua whakaaetia (external link).
  • kua werohia koe ki ngā pota e rua o te kano ārai mate AstraZeneca i Aotearoa.
  • he aweretanga hauora tāu.

Kei tō Taku Tohu Ārai Mate tō ingoa, te rā whānau me te waehere QR. Ka taea e koe te puri ki tētahi pūrere matihiko, pēnei i tō waea, ka taea rānei te tā i tētahi kape ōkiko.

Ka mōnehu tō tohu e ono marama i muri i te rā tuku.

Me pēhea te whiwhi Taku Tohu Ārai Mate

Ko te pae tukutuku o My Covid Record te huarahi tere e whiwhi ai koe i te Taku Tohu Ārai Mate. He wā poto noa iho te roa o te tono i tō tohu, ā, ka īmēratia atu ki a koe i roto i te 24 hāora.

Rapu me pēhea te rēhita mō te My Covid Record

Kia hono ake koe ki My Covid Record:

  1. Takiaru.
  2. I te wāhanga o ‘Passes and certificates’, tīpakona te ‘Request pass or certificate’.
  3. Ka huaki te mata ‘Select a pass or certificate’. Tīpako ‘My Vaccine Pass’ (Taku Tohu Ārai Mate) ka tīpako i ‘Continue’.
  4. I te mata ‘Your details’ tāurua te wāhitau īmēra e tukuna ai tō Taku Tohu Ārai Mate mate, kātahi ka tīpako i te ‘Request pass’.
  5. Ka whakaatu mai tētahi mata whakaū.
  6. Ko te tikanga ka tae atu he īmēra ki a koe me tō tohu hei te 24 hāora.
  7. Kia whiwhi koe i te īmēra, ka taea e koe te puri i tō tohu ki tō waea mā te pāwhiri i te pātene e kī ana ‘Add to Apple Wallet’, mō Google Play rānei, ‘Save to phone’. Ka taea rānei e koe te tikiake me te tā i te PDF.

Mēnā kāore koe e uru atu ki My Covid Record, e hiahia ana rānei ki te tono tohu mā tētahi atu, tēnā whakapā atu ki te rōpū o Te Manatū Hauora mā te īmēra, te waea rānei.

Īmēra: help@mycovidrecord.min.health.nz
Waea: 0800 222 478 (8am ki te 5pm, Mane ki te Paraire)

Mēnā i werohia koe ki te kano ārai mate i tētahi atu whenua

Me tono koe ki Te Manatū Hauora mēnā he pūkete kano ārai mate tāhau nō tāwāhi hei tāpiri ake ki te Rēhita Awhikiri KOWHEORI o Aotearoa (CIR). Me oti tēnei mahi i mua i tō āheinga ki te Taku Tohu Ārai Mate.

Rapua he kōrero mō ngā kano ārai mate KOWHEORI-19 me ngā tiwhikete o tāwāhi (external link)

Ko wai e āhei ana ki te whakawāteatanga?

Mēnā kāore e taea e koe te whiwhi i te kano ārai mate Pfizer nā ngā take hauora, tērā tētahi tukanga whiwhi tohu whakawātea e whiwhi ai koe i te Taku Tohu Ārai Mate. Me kōrero koe ki to tākuta, a, māna e tono mōu.

Rapua ētahi atu kōrero mō ngā whakawāteatanga me ngā tiwhikete (external link)

Last updated: at