Taku Pūkete Kowheori | My Covid Record

Rapua he kōrero mō te whakamahi i te pae tukutuku o My Covid Record, te wāhi e taea ai e koe te whakauru atu ki ngā mōhiohio mō tō pūkete KOWHEORI-19.

Ko te tauwāhi ko mycovidrecord.health.nz (external link), ā, ka mahi i runga i ngā rorohiko katoa, waea atamai rānei.

Mō My Covid Record

He pae tukutuku a My Covid Record, e āhei ai koe ki te tiro me te tono i tō pūkete kano ārai mate KOWHEORI-19, me te kite i ngā whakamātautau KOWHEORI kua whakahaeretia e koe. Mā tēnei pae tukutuku ka taea e koe:

  • Te tono i tētahi kape o āu mauhanga kano ārai mate KOWHEORI-19 - kei roto ngā tau tira, ngā tau pota, te ingoa kano ārai mate me te kaiwhakaputa, me ngā kano ārai mate o tāwāhi kua tonoa e koe kia tāpiritia ki tō pūkete hauora. Mēnā ka hiahia koe i ēnei kōrero mō tētahi atu, waea ki 0800 222 478
  • Te tono i tētahi My Vaccine Pass - he pūkete ōkawa o tō tūnga kano ārai mate KOWHEORI-19, hei whakamahinga i Aotearoa. Ka taea te tono i ngā mōhiohio mōu ake, mō tētahi atu rānei.
  • Te tono i tētahi Tiwhikete Kano Ārai Hāereere - hei manatoko i tō tūnga kano ārai mate i tāwāhi. Ka taea te tono i ngā mōhiohio mōu ake, mō tētahi atu rānei.
  • Te tiro i ō hua whakamātautau KOWHEORI-19
  • Te tukuatu ō hua Whakamātautau Ākipaturopi Tere. Ka taea e koe te tāpiri i tētahi hua whakamātautau, mōu, mō tētahi atu rānei.

Me pēhea te rēhita mō te My Covid Record

Ka taea e ngā tāngata katoa o Aotearoa, pakeke ake i te 12 tau te whakauru atu ki My Covid Record: Kaua e toha i tō takiuru me tō kupuhipa My Covid Record ki tētahi atu.

  1. Haere ki mycovidrecord.health.nz (external link) ka pēhi, ka pāwhiri rānei i te Waitohu Ake. Mā tēnei e tīmata ai te tukanga o te hanga i tētahi My Health Account - otirā e āhei ai koe ki ō mōhiohio hauora tuihono. Me whiwhi koe i tāu ake wāhitau īmēra ki te whakarite i tētahi pūkete. Ka taea te manatoko i tētahi pūkete mā te;
    • Raihana hautū waka o Aotearoa, he uruwhenua, he tiwhikete whānautanga, kirirarau rānei, tētahi uruwhenua, tiwhikete whānautanga o Ahitereiria rānei
    • Te tāuru i ngā taipitopito o tō kaituku ratonga hauora
    • Tētahi pūkete real me kua oti kē te manatoko
  2. Takiuru ki My Covid Record mā te ingoa kaiwhakamahi me te kupumuna o My Health Account, mā te takiuru me te kupuhipa rānei o tō Real Me.
  3. Kia takiuru ake koe ki My Covid Record, ka kite koe i tō pūkete KOWHEORI-19.

Ina kite koe i ētahi hapa i tō pūkete, ka taea e koe te whakakī i te puka tuihono e kīia nei ko Change of details form, te īmēra rānei ki help@mycovidrecord.min.health.nz

Mēnā e raruraru ana tō tono i tētahi tiwhikete, pūkete rānei mō tētahi atu ka taea e koe te waea ki: 0800 222 478 (8am ki te 5pm, Mane ki te Paraire)

Mēnā e raruraru ana tō tukuatu i tētahi whakamātautau ākipaturopi tere mō tētahi atu, ka taea e koe te waea ki: 0800 555 728 (8am ki te 8pm, Mane ki te Paraire)

Last updated: at