Tiwhikete Kano Ārai Mate Hāereere | International Travel Vaccination Certificate

Rapu me pēhea te whakaatu i tō taunakitanga tūnga kano ārai mate KOWHEORI-19 ina haere koe ki tāwāhi.

Mō te Tiwhikete Kano Ārai Mate Hāereere

Ka taea e ngā tāngata katoa, pakeke ake i te 12 tau, kua whiwhi i tētahi pota kano ārai mate KOWHEORI-19 i Aotearoa, te tono i tētahi Tiwhikete Kano Ārai Mate Hāereere.

Ka whai ēnei tiwhikete i ngā paerewa Tiwhikete Matihiko KOWHEORI a te EU. He rerekē pea ngā herenga o ētahi atu whenua. I mua i te haere ki tāwāhi tēnā tirohia ngā herenga o te whenua e haere atu nā koe.

Me whai hoki koe i ngā tukanga manene noa mō te whenua e haere nā koe. Ka hiahiatia pea ētahi atu whāinga, pēnei i te whiwhi i tētahi whakamātautau i mua i te wehenga atu, e kī ana kāore koe e pāngia ana.

He waehere QR kei tō Tiwhikete Kano Ārai Mate Hāereere, ka matawaitia i te wā e hāereere ana koe. Kei roto ngā taipitopito o ngā werohanga ki te kano ārai mate KOWHEORI-19 kua whiwhi koe i Aotearoa. Ka taea e koe te puri i tēnei tiwhikete ki tētahi pūrere matihiko, pēnei i tō waea, ka taea rānei te tā i tētahi kape ōkiko. Ka mana tēnei tiwhikete mō te 12 marama.

Me ōrite ngā taipitopito o tō Tiwhikete Kano Ārai Mate Hāereere ki ō tō puka uruwhenua. Ka taea te tirotiro i ō taipitopito whaiaro i te wā e tono ana koe i te tiwhikete.

He tere, māmā hoki te tono i tō tiwhikete. Ka īmēratia atu tō tiwhikete ki a koe i te 24 hāora. Ko te huarahi tere rawa e whiwhi ai koe i tō tiwhikete, mā te My Covid Record.

Mō te āwhina, tautoko rānei, whakapā atu ki te rōpū o te Manatū Hauora mā te īmēra, mā te waea rānei.

Īmēra: help@mycovidrecord.min.health.nz
Waea: 0800 222 478 (8am ki te 5pm, Mane ki te Paraire)

Rapu kōrero mō te My Covid Record

Me pēhea e riro ai he Tiwhikete Kano Ārai Mate Hāereere

  1. Takiuru ki My Covid Record.
  2. I te wāhanga o ‘Passes and certificates’, tīpakona te ‘Request pass or certificate’.
  3. Ka huaki te mata ‘Select a pass or certificate’. Tīpakona te ‘International certificate’ kātahi ka tīpako i te ‘Continue’.
  4. I te mata ‘Your details’ tāurua te wāhitau īmēra e tukuna ai tō tiwhikete kano ārai mate, kātahi ka tīpako i te ‘Request certificate’.
  5. Ka whakaatu mai tētahi mata whakaū.
  6. Ko te tikanga ka tae atu he īmēra ki a koe me tō tiwhikete hāreere hei te 24 hāora.
  7. Kia whiwhi koe i te īmēra, ka taea e koe te puri i tō tiwhikete hāereere ki tō waea mā te pāwhiri i te pātene e kī ana ‘Add to Apple Wallet’, mō Google Play rānei, ‘Save to phone’. Ka taea rānei e koe te tikiake me te tā i te PDF.

Mēnā i whiwhi koe i tō kano ārai mate i tāwāhi

Ka taea anake e koe te whiwhi Tiwhikete Kano Ārai Mate Hāereere mēnā i werohia koe ki tō kano ārai mate i Aotearoa.

Mēnā i werohia koe ki te kano ārai mate KOWHEORI-19 i tāwāhi, me tono koe i tētahi tiwhikete mai i taua whenua, e taea ai e koe te puta ki waho o Aotearoa.

Mēnā i werohia koe ki ō pota e rua i tāwāhi, e kore rawa koe e whiwhi Tiwhikete Kano Ārai Mate Hāereere i Aotearoa.

Last updated: at