Ko te kano ārai mate Pfizer | The Pfizer vaccine

Rapua he kōrero mō te kano ārai mate Pfizer, ā, me pēhea tō whiwhi kano ārai mate.

Mō te kano ārai mate Pfizer

Ko te kano ārai mate KOWHEORI-19 matua e whakamahia ana i Aotearoa ka hangaia e Pfizer-BioNTech. E mōhiotia ana hoki e tōna ingoa whaitohu, a Comirnaty.

He kano ārai mate pūtake mRNA (waikawa tuipūmua karere). kāore he huaketo ora, mate, whakaweto rānei i roto. Kāore e pāngia tō DNA, ō ira rānei.

He kore utu, ā, e wātea ana ki ngā tāngata katoa o Aotearoa pakeke ake i te 5 tau.

He momo kano ārai mate Pfizer te kano ārai mate ka whakamahia mā ngā tamariki 5 ki te 11 tau te pakeke, otirā he iti iho te pota, he iti iho hoki te rahinga.

Rapua he kōrero anō mō ngā kano ārai mate mā te hunga 5-11 tau te pakeke

Te wā i waenga i ngā pota

  • Pakeke ake i te 18 tau: kia rua ngā pota o te kano ārai mate, kia 3 wiki te wehenga. Me whiwhi hoki koe i tētahi pota āpiti mēnā kua 3 marama neke atu, i tō whiwhinga kano ārai mate tuatahi.
  • 16 me te 17 tau: kia rua ngā pota o te kano ārai mate, kia 3 wiki te wehenga. Me whiwhi hoki koe i tētahi pota āpiti mēnā kua 6 marama neke atu, i tō whiwhinga kano ārai mate tuatahi.
  • 12 me te 15 tau: kia rua ngā pota o te kano ārai mate, kia 3 wiki te wehenga. I tēnei wā kāore ngā pota āpiti i te wātea ki te hunga kei raro i te 16 tau te pakeke.
  • 5 ki te 11 tau: e whakahaua ana kia 8 wiki te wā i waenganui i ngā pota. I tēnei wā kāore ngā pota āpiti i te wātea ki te hunga kei raro i te 16 tau te pakeke.

Rapua he kōrero mō ngā pota āpiti

Te whiwhi i tō kano ārai mate Pfizer

Ka taea e koe te tāpui ki te whiwhi i te kano ārai mate Pfizer mā Book My Vaccine (external link), mā te waea rānei i te COVID Vaccination Healthline i 0800 28 29 26.

Ka werohia koe e tētahi kaituku kano ārai mate tautōhito ki te kano ārai mate i te wāhanga o runga o tō ringa. Ka taea te werohanga tuarua i muri i te toru wiki i te iti rawa o tō werohanga tuatahi. Mēnā ka whiwhi koe i te Pfizer mō te pota tuatahi, kāti me whiwhi anō koe i tērā mō te pota tuarua.

Me noho koe mō te 15 meneti i muri i tō werohanga kano ārai mate kia pai ai tā mātou tirotiro mēnā kei te pai koe.

Mēnā he pakeke ake koe i te 18 tau, ka taea e koe te pota āpiti i te toru marama i muri i ō pota matua.

Mēnā he 16, 17 hoki ō tau, ka taea e koe tō pota āpiti i te ono marama i muri i ō pota matua o te kano ārai mate KOWHEORI-19.

Rapua he kōrero mō ngā pota āpiti

He pēhea te mahi o te kano ārai mate Pfizer

Ka tukuna e te kano ārai mate Pfizer he huinga tohutohu hei whakaako i tō tinana me pēhea te whawhai i te huaketo KOWHEORI-19. Kātahi ka ako tō tinana ki te āhua o te huaketo KOWHEORI-19 me te whakamahi i ngā paturopi ki te whawhai atu. Ko tā te paturopi mahi he ārai atu i te huaketo kia kore e pokea ō pūtau, ā, ka āwhina ki te patu i a ia.

Ina pā koe ki te huaketo KOWHEORI-19 hei te wā e tū mai nei, kei tō tinana ngā utauta tika ki te ārai i a ia anō, kia iti iho tō tūpono pāngia e te mate.

Nā te aha mātou i mōhio ai he whaihua te kano ārai mate Pfizer

Ko ngā kano ārai mate Kowheori-19 ngā kano kua nui te rangahautia o ngā kano ārai mate katoa.

E mōhio ana mātou ki te pai o te mahi a te kano ārai mate Pfizer nā te mea i tutuki ngā hia marama o ngā whakamātautau ā-haumanu ki te 40,000 tāngata i mua i tana whakamanatanga. I whakatauritehia e ngā whakamātautau haumanu ngā hua o tētahi rōpū whiwhi kano ārai mate ki tētahi rōpū whiwhi kano whakataruna (mehanga tote). I ngā whakamātautau haumanu, i kitea he 95% te parenga a te kano ārai mate Pfizer i ngā tohumate o te KOWHEORI-19.

Ka pēhea tā mātou tirotiro i te haumarutanga o ngā kano ārai mate

Ko Medsafe te mana haumaru rongoā o Aotearoa. Ka tirotiro ia i ngā tono mō ngā rongoā hou katoa, tae atu ki ngā kano ārai mate, kia whakarite kia eke ki ngā paerewa ā-ao me ngā herenga o konei. Māna e tūtohu mēnā ka whakaaetia tētahi rongoā hei whakamahinga i Aotearoa, engari me whakatutuki rawa ēnei paerewa.

Kua tukua e Medsafe te whakaaetanga tārewa ki te kano ārai mate Pfizer (me ngā here) kia whakamahia i Aotearoa. Ko te tikanga o tēnei, kua whakaaetia ōkawatia, engari me tuku tonu a Pfizer i ngā raraunga haere tonu me te pūrongo hoki hei whakaatu i tana whakatutuki i ngā paerewa o te ao.

Ka haere tonu ngā mahi aroturuki a Medsafe i te haumarutanga me te whaihuatanga o te kano ārai mate i te wā e whakamahia ana. Ka arotakehia ngā raraunga mai i ngā whakamātautau haumanu haere tonu puta noa i te ao, me ngā pūrongo mai i ngā mātanga hauora me te hunga kua whiwhi kano ārai mate.

Ngā pānga kino

Pērā i ngā rongoā katoa, ka rongo pea koe i ētahi pānga kino ngāwari i ngā rā i muri i te whiwhinga i te kano. He pērā tonu te āhua ki te nuinga, ā, he tohu o te ako o tō tinana ki te whawhai i te huaketo.

E kore e roa te pānga o ngā pānga kino, ā, e kore e aukati i a koe mai i te whiwhinga i te pota tuarua, te mahi rānei i ngā mahi o ia rā. Ka whai pānga pea ētahi pānga kino i tō kaha ki te taraiwa mō tētahi wā poto, te whakamahi mīhini rānei.

Ko ngā pānga nui e whākina mai ana ko te:

  • te mamae, te pupuhi rānei i te wāhi i werohia
  • te ngenge, te ruha rānei
  • ka ānini te māhunga
  • ka mamae ngā uaua
  • ka wiriwiri
  • te mamae pona
  • te kirikā
  • te wherowhero i te wāhi werohanga
  • te paipairuaki

Ko ētahi pānga kino ka kitea nuitia i muri i te pota tuarua.

Ngā pānga kino rawa

Tērā anō ētahi pānga kino tino mokorea, engari he tino taumaha.

Ko te myocarditis te mumuratanga o te taha uaua manawa, ā, e mōhiotia ana hei pānga kino mokorea o te kano ārai mate Pfizer.

Ka uru ki ngā tohumate te:

  • mamae uma ohorere hou
  • hē o te manawa
  • manawataki rerekē.

Te whāki i ngā pānga kino

Ka taea e koe te whāki i ngā pānga kino ki te CARM, arā, The Centre for Adverse Reactions Monitoring. He pātengi raraunga a CARM o ngā mōhiohio mō ngā tauhohenga kino (pānga kino) ki ngā rongoā me ngā kano ārai mate i Aotearoa.

Te whāki i tētahi tauhohenga kino (external link)

Te manatoko i tō whiwhi kano ārai mate

He pae tukutuku a My Covid Record, e āhei ai koe ki te tiro me te tono i tō pūkete kano ārai mate KOWHEORI-19, me te kite i ngā whakamātautau KOWHEORI kua whakahaeretia e koe. Ko te wāhitau paetukutuku ko mycovidrecord.health.nz

Mā tēnei pae tukutuku ka taea e koe:

  • Te tono i tētahi kape o āu mauhanga kano ārai mate KOWHEORI-19 - kei roto ngā tau tira, ngā tau pota, te ingoa kano ārai mate me te kaiwhakaputa, me ngā kano ārai mate o tāwāhi kua tonoa e koe kia tāpiritia ki tō pūkete hauora. Mēnā ka hiahia koe i ēnei kōrero mō tētahi atu, waea ki 0800 222 478
  • Te tono i tētahi My Vaccine Pass - he pūkete ōkawa o tō tūnga kano ārai mate KOWHEORI-19, hei whakamahinga i Aotearoa. Ka taea te tono i ngā mōhiohio mōu ake, mō tētahi atu rānei.
  • Te tono i tētahi Tiwhikete Kano Ārai Hāereere - hei manatoko i tō tūnga kano ārai mate i tāwāhi. Ka taea te tono i ngā mōhiohio mōu ake, mō tētahi atu rānei.
  • Te tiro i ō hua whakamātautau KOWHEORI-19
  • Tukua ake ō hua Whakamātautau Ākipaturopi Tere. Ka taea e koe te tāpiri i tētahi hua whakamātautau, mōu, mō tētahi atu rānei.

Kua kore te Kāwanatanga e hiahia kia whiwhi koe i te My Vaccine Pass e uru ai koe ki ngā pakihi, ngā takahanga, ngā ratonga rānei. Ka taea tonu e te pakihi te kōwhiri kia whiwhi My Vaccine Pass te tangata i mua o te kuhunga mēnā he take hauora, haumaru hoki o te mau i tētahi. Engari ko ngā pakihi me ngā rōpū ka kōwhiri kia whiwhi koe i tētahi My Vaccine Pass hei tikanga whakauru, e kore e taea te aukati i te hunga kei raro i te 12 tau te kuhu atu ina kore he My Vaccine Pass.

Rapu kōrero mō te My Covid Record

Ētahi atu mōhiohio

Last updated: at