Te whiwhi i tō pota āpiti | Getting your booster dose

Rapua he kōrero mō ngā pota āpiti o ngā kano ārai mate KOWHEORI-19, hei āhea whiwhi i tētahi, ā, me pēhea te whiwhi.

Mō ngā pota āpiti

Mēnā he pakeke ake koe i te 16 tau, e māraurau ana koe ki te pota āpiti o te kano ārai mate KOWHEORI-19.

Mēnā he pakeke ake koe i te 18 tau, ka taea e koe te pota āpiti i te toru marama i muri i ō pota matua.

Mēnā he 16, 17 hoki ō tau, ka taea e koe tō pota āpiti i te ono marama i muri i ō pota matua o te kano ārai mate KOWHEORI-19.

Ehara i te mea he whakature ngā pota āpiti, ā, kāore e hiahiatia ana e riro ai i a koe he Tohu Ārai Mate. Ki te whiwhi koe i tētahi pota āpiti, ka tāpiritia atu ki My Covid Record, ā, ka taea e koe te hanga i tētahi atu Tohu.

Mēnā kua pāngia kētia koe e te KOWHEORI-19 me tatari mō te toru marama i muri i te rā o tō whakamātautau e tohu aha kei te pāngia koe, i mua i tō whiwhi kano ārai mate KOWHEORI-19.

Ka taea e koe te whiwhi i tētahi pota āpiti mā te:

  • haere ki tētahi whare haumanu kano ārai mate kuhu noa
  • whakarite i tētahi toronga ki tō tākuta, mēnā e tuku ana ia i ngā kano ārai mate KOWHEORI-19
  • tāpui mā Book My Vaccine, te waea rānei ki 0800 28 29 26.

Book My Vaccine (external link)

Rapu kōrero mō te My Covid Record

My Vaccine Pass (Taku Tohu Ārai Mate)

Ko tēhea te rongoā ka tukuna ki a koe?

Ko te kano ārai mate Pfizer te kano matua e whakamahia ana i Aotearoa mō ngā pota āpiti, ahakoa i whiwhi koe i tētahi kano ārai mate rerekē i āu pota i mua.

Ko te kano ārai mate Pfizer

Te whai hua o ngā pota āpiti

Ahakoa he pai tonu te tiaki a ngā potanga e rua mai i tētahi mate kino o ngā momo KOWHEORI-19 Delta me te Omicron mō tētahi wā, ko te tikanga he kaha ake te tiaki a te pota āpiti i a koe.

E whakaatu ana ngā whakaaturanga onāianei i tō kaha ārai mai i te whakapokenga i te hekenga haeretanga o te kano ārai mate matua i roto i te wā. Ka āwhina te whiwhi kano ārai mate ‘tāpiri’ i muri i tētahi potanga matua hei āwhina ki te whakakaha i tō ārai mate mai i te KOWHEORI-19.

Ko tā te pota āpiti he whakaheke i tō tūpono pānga ki te mate taumaha i te KOWHEORI-19, o te uru rānei ki te hōhipera. 

Ngā kano ārai mate o tāwāhi.

Mēnā i werohia koe ki te pota matua i tāwāhi, ka taea e koe te whiwhi i te pota āpiti i te toru marama i muri mai i tō werohanga whakamutunga mēnā he pakeke ake koe i te 18 tau. Mēnā he 16, 17 hoki ō tau, ka taea e koe tō pota āpiti i te ono marama i muri i ō pota whakamutunga kua whiwhi koe.

Mēnā he awhikiri pahara tōu

E whakahautia ana he pota matua tuatoru mā te hunga awhikiri pahara. He rerekē tēnei i te pota āpiti.

Ko te hunga e māraurau ana ki te pota matua tuatoru, ka āhei hoki ki te pota āpiti i te toru marama i muri i te werohanga pota matua tuatoru mēnā he pakeke ake koe i te 18 tau. Mēnā he pakeke ake i te 16, te 17 tau rānei ka taea tētahi pota āpiti i te ono marama i muri i te pota matua tuatoru.

Rapua he kōrero anō mō te pota matua tuatoru mēnā he awhikiri pahara tōu (external link)

Ngā pānga kino o ngā pota āpiti

He ōrite ngā pānga kino o ngā pota āpiti ki ērā o ngā pota matua o te kano ārai mate. Ka uru ki ēnei ko te mamae, te whero o te kiri, te kōpuku, i te wāhi wero, te ānini, te paipairuaki me te ngenge, ruha rānei.

Rapua he kōrero anō mō ngā pānga kino (external link)

Last updated: at