Te haere ki Aotearoa | Travelling to New Zealand

Mō te haere ki Aotearoa

E haere ai koe ki Aotearoa, me tutuki i a koe ētahi herenga.

Ko ngā hipanga i raro nei e whakamārama ana he aha ngā taunakitanga hei whakaatu māhau, e uru ai koe ki Aotearoa.

Kua kore e hiahiatia tētahi whakamātautau i mua o te haerenga, e uru ai koe ki Aotearoa.

He tere te panoni o ngā tautuhinga - mā Immigration New Zealand e tuku i ngā mōhiohio hou rawa.

Te haere ki Aotearoa | Immigration New Zealand (external link)

1. Tirohia mēnā ka taea e koe te haere mai ki Aotearoa

Ka taea e ngā kirirarau o Aotearoa me ētahi atu tāngata e māraurau ana te kuhu mai ki Aotearoa, ā, me te whakamātautau anō i a koe i tō taenga mai. Ki te tiro mēnā e māraurau ana koe, haere ki te pae tukutuku a Immigration New Zealand.

Ko te nuinga o ngā tāngata haere ki Aotearoa me whiwhi i ngā pota katoa o tētahi kano ārai mate KOWHEORI-19 kua whakaaetia, ahakoa tērā ētahi aweretanga.

I mua i te haere, me tiro kei te mana tonu tō uruwhenua. Tērā pea me tono koe i tētahi New Zealand Electronic Travel Authority (NZeTA).

Tirohia mēnā e māraurau ana koe ki te haere ki Aotearoa | immigration.govt.nz (external link)

Ngā herenga kano ārai mate me ngā kano ārai mate kua whakaaetia

Me tono i tētahi NZeTA | immigration.govt.nz (external link)

2. Tāpuitia tō haerenga

Tāpuitia tō haerenga ki Aotearoa.

Tirohia te kaupapahere a te kaikawe mō te kano ārai mate, ngā whakakorenga me ngā whakahokinga moni, hua noa kei mate koe ki te panoni i ō maheretanga.

Me whai whakaaro hoki ki te hoko i te inihua haere, hua noa kei pāngia ō whakaritenga hāereere. Me whai whakaaro hoki ki te tāpui i te wāhi noho hāngai mō te noho taratahi i te kāinga, ina hua ake tērā āhuatanga.

3. Tīmataria te whakapuakanga hāereere

Me whakaoti ngā tāngata haere katoa, i tētahi Whakapuakanga Hāereere o Aotearoa i mua i te haere ki Aotearoa. Kia oti ana, ka tukuna ki a koe tētahi Traveller Pass.

Kia wawe tonu te whakarite i tō whakapuakanga. Ka taea e koe te whakakī haere i te 28 rā i mua i tō haerenga.

Tīmataria tō whakapuakanga hāereere (external link)

Rau mōhiohio whakapuakanga tangata haere (external link)

4. Whakaotihia te whakapuakanga tangata haere

E oti ai tō whakapuakanga haere, me whakarato koe i:

• ngā taipitopito uruwhenua
• ngā mōhiohio haere
• te whakaaturanga kano ārai mate (mēnā e hiahiatia ana)
• tō hītori haere mō ngā rā 14 kua hipa
• ngā taipitopito whakapā i Aotearoa
• ngā taipitopito whakapā ohotata

Tirohia anō ngā taipitopito kua tāurua e koe ki te whakapuakanga hāereere ki te whakarite mēnā e rite ana ki ō tuhinga ōkawa.

Me whakaatu koe i tō Traveller Pass ina taki-mai koe ki te taunga rererangi, ā, me whakaatu hoki ki Te Mana Ārai o Aotearoa. Ka taea te tā, te roki rānei ki tō pūrere kawe. Me kawe tonu koe i ngā pepa hāngai kua oti i a koe te tuku ake ki te Whakapuakanga Hāereere o Aotearoa.

Aratohu ki te tuku ake i ō taunakitanga (external link)

5. I te taunga rererangi

Mēnā e hāngai ana, me whiwhi koe i tō:

• uruwhenua
• kōkota - ki te hiahiatia
• tīkiti mō tō haerenga
• te Whakapuakanga Hāereere kua oti te whakakī
• taunakitanga o tō tūnga kano ārai mate

Mēnā e māuiui ana koe i mua i tō rerenga

Mēnā e māuiui ana koe i mua i tō rerenga, mēnā he tohumate KOWHEORI-19 rānei pēnei i te Ihu Pāwera, ka pātai pea ngā kaimahi rererangi mēnā he tohumate ōu. ki te pātaitia koe, me whakaatu:

• i tētahi tiwhikete rongoā mai i tētahi mātanga hauora ki te whakaū kāore koe i te pokea, kāore rānei i te pāngia e te KOWHEORI-19 (kua tirohia i te 48 hāora i mua i tana rerenga)
• taunakitanga rānei o tēnei hua whakamātautau KOWHEORI-19 kua tirohia, e kī ana kāore koe i te pāngia. Ko ngā whakamātautau i mua i te haerenga kua whakaaetia ko:
  • te whakamātautau PCR i whakahaeretia 48 hāora i mua i tō rerenga ā-ao tuatahi ki Aotearoa
  • tētahi whakamātautau ākipaturopi tere (RAT) kua tirohia, tētahi whakamātautau loop-mediated isothermal amplification (LAMP) rānei i mahia e 24 hāora i mua i te wā wehe o tō rerenga ā-ao tuatahi ki Aotearoa.

6. Te taenga mai ki Aotearoa

Mā te Mana Ārai o Aotearoa e manatoko i tō hītori hāereere, tō tūnga kano ārai mate, tō Whakapuakanga Hāereere, me ētahi atu herenga uru mai. Ka āhua roa pea te wā, i a koe e whakawhiti ana mā roto i te taunga rererangi.

I te Haumaru koiora, ka tukuna ki a koe tētahi pūhera whakatau. Kei roto i tō pūhera whakatau:

• Ngā Whakamātautau Ākipaturopi Tere
• he aratohu o te whakamātautau me te tuku atu i ō hua.

Whakaotihia ō whakamātautau, ā, ka tuku atu i ō hua, i runga anō i ngā tohu.

Ngā whakaritenga whakamātautau i muri i te taenga ki Aotearoa