Te Wehe i Aotearoa | Leaving New Zealand

Me whakarite mahere i mua i tō haerenga

I mua i te haere ki tāwāhi e whakahau ana mātau kia tirotirohia e koe ngā whakaritenga o te whenua e haere ana koe. Me tirotiro:

• i te paetukutuku whaimana o te whenua e hiahia ana koe ki te uru atu, te peka rānei, tērā rānei
• i te māngai kāwanatanga o taua whenua kei Aotearoa.

Ko te whakarite a te maha o ngā whenua me noho taratahi te hunga haere i te taenga atu, me whakaatu tohu o te werohanga, he tohu rānei o te whakamātautau KOWHEORI-19 e whakaatu ana kāore koe i te mate i mua i te haerenga.

Rēhita me SafeTravel. Mēnā ka rēhita koe, ka whiwhi whakamōhiotanga koe mō ngā huringa ki ngā tohutohu haerenga.

Rēhitatia ō taipitopito ki a SafeTravel (external link)

International Travel Vaccination Certificate (Tiwhikete Kano Ārai Mate Hāereere)

Kua āhei ngā tamariki i raro i te 12 tau kua whiwhi kano ārai mate KOWHEORI-19 i Aotearoa ki te tono ki tētahi Tiwhikete Kano Ārai Mate Hāereere.

He 1-2 meneti te roa mō te tono i tō tiwhikete, ā, ka īmērahia atu koe i roto i te 24 haora. Ka taea e koe te tiki tō Tiwhikete mā Taku Pūkete Kowheori. Mēnā kāore e taea e koe te uru ki tēnei ratonga, waea atu ki 0800 222 478.

Rapua he kōrero anō mō ngā Tiwhikete Kano Ārai Mate Hāereere

He whakamātautau i mua i te wehenga i Aotearoa

E herea ana e ētahi whenua kia whakaaturia he otinga whakamātautau KOWHEORI-19 kāore koe i te mate i mua i tō wehenga.

Tirohia ngā whakaritenga o te whenua e haere ana koe mā te whakapā atu ki tō rātau kāinga māngai kāwanatanga, whare māngai kāwanatanga rānei i Aotearoa.

Te whiwhi i tētahi whakamātautau i mua i te wehenga

1. Ina whakaūngia ō mahere haerenga, whakapā atu ki Healthline, ki tō rata rānei.
2. Rapua te wā me haere koe kia whakamātautauhia. Me tutuki te whakamātautau kia tino tata ki te wā o tō wehenga — tirohia te wā e hāngai ana ki tō whenua.
3. Ka mate pea koe ki te utu i te whakamātautau.
4. Ka tukuna tō whakamātautau ki tētahi taiwhanga paetata, ā, ka tukuna he otinga ki tō rata, ki a koe tonu rānei. 
5. Ka whakamōhiotia atu koe e tētahi kaiwhakarato hauora mō te otinga o te whakamātautau. Tērā pea ka pau ētahi rā kia puta mai ō otinga, nō reira me whakarite kia kaua rawa e tino tōmuri.
6. Me kī ka whakaatu te otinga kāore koe i te mate, ka whiwhi koe i tētahi kape tāhiko, pepa rānei o ngā otinga hei heri ki te taunga rererangi. Mēnā ka kitea kei te mate koe, ka kōrero tō kaiwhakarato hauora ki a koe ka aha ā muri ake.
7. Me heri ō otinga whakamātautau kore mate ki te wāhi taki-mai i te taunga rererangi. Me whakaatu pea koe i ō otinga ki te mana ārai, te ratonga manene rānei i tō taenga atu ki te wāhi e haere ana koe.

Ētahi atu tohutohu haerenga atu anō kei Te Manatū Hauora (external link)