Te ora i te Whero | Life at Red
Mō te Whero
I te Whero, tērā ētahi herenga hei tiaki i ō tātou hapori. Ka taea tonu e koe ngā mahi o ia rā, pēnei i:
- Te tūtakitaki ki ō hoa me te whānau
- Te haere ki ngā kaupapa me ngā huihuinga
- Te haere ki te hoko taputapu me te kai
- Te haere ki ngā wāhi manaaki
- Te haere ki ngā whare hauora
- Te haere ki ngā whare ako kōhungahunga, ngā kura me te whare wānanga
- Te hāereere
- Te hūnuku ki tētahi whare hou
Tērā ētahi tepenga mō te maha o te tangata mō ētahi kaupapa kei rō whare. I pēnei ai nā te mea e mōhio ana mātou he tere hōrapa te KOWHEORI-19 i rō whare. Ko te mau maruhā tonu tētahi āhuatanga matua i te Whero. Kua kore e hiahiatia te My Vaccine Pass.
Rapua ētahi atu kōrero mō ngā tautuhinga Whero i te reo Ingarihi
Ngā maruhā i te Whero
Hei ture ahuwhānui, me mau maruhā i ngā wā kei rō whare koe. Ko ngā wāhi kāore e herea ana, mēnā kei te kāinga koe, kei tō wāhi mahi rānei, ā, kāore i te anga atu ki te iwi tūmatanui. Ka akiaki pea tō kaituku mahi kia mau maruhā koe ahakoa kāore tō tūranga mahi i te anga atu ki te iwi tūmatanui.
E akiaki ana hoki mātou i a koe kia mau maruhā i ngā wā ka puta koe i tō whare.Tērā ētahi wāhi e herea ana koe ki te mau maruhā, pēnei:
- i runga waka rererangi rāroto
- i runga waka kawe tūmatanui
- i ngā wāhi ūnga, wehe rānei o ngā rererangi ā-motu me ngā waka kawe tūmatanui mēnā kei rō whare.
- mēnā he pakeke ake koe i te 8 tau, he tauira rānei kei te Tau 4, piki ake rānei, kei runga waka kawe tūmatanui, me ngā kawenga e utua ana e Te Tāhuhu o te Mātauranga
- i ngā tēkehi me ngā waka kawe-tiri
- i roto i nga pakihi hokohoko, hei tauira ngā hokomaha, ngā mōro, ngā kēmehi, ngā whare hinu me ngā whare ō rangaranga
- i roto i ngā wāhi tūmatanui, hei tauira, ngā whare taonga me ngā whare pukapuka, engari kaua i ngā whare kaukau
- i ngā whare whakaora kararehe
- i ngā taiao i rō whare i te kura, hei tauira, ngā akomanga me ngā huihuinga kura. Ka uru ki tēnei ngā manuhiri, ngā kaimahi, ngā ākonga me ngā kaiako i ngā Tau 4 ki te 13
- i rō whare mātauranga matua
- ina haere ki tētahi kura kōhungahunga rēhita
- i ngā whare kai, whare inu hoki. Ka āhei koe ki te tango i tō maruhā ki te kai, te inu me te korikori tinana
- i ngā pākihi tūtata, hei tauira, ngā kaikuti makawe me ngā whare pani kanohi
- ina haere koe ki tētahi huihuinga i rō whare, hāunga i te wā nōu ake te kaupapa, ā, he motuhake.
- i ngā wāhi tūmatanui o ngā kōti, ngā taraipiunara, ngā tari kaunihera, kāwanatanga hoki, ngā kaiwhakarato ratonga pāpori me ngā Whare Pirihimana
- i ngā wāhi tūmatanui e whakahaeretia ana e NZ Post Limited
- i te wā e toro atu ana ki ngā ratonga tiaki hauora, hei tauira, ngā whare tiaki kaumātua.
Me mau maruhā ētahi i te wā e mahi ana rātou - māna, kua whakawāteatia.
Me mau i tētahi maruhā ā-rongoā mēnā e mahi ana koe:
- i ngā wāhi manaaki
- i ngā pakihi tūtata ki te tangata, hei tauira, mēnā he kaikuti makawe koe
- i roto i ngā whare whakapakari tinana
- i tētahi huihuinga
- ngā kaiako o ngā ākonga Tau 4 ki te 13.
Kua kore e herea ana te mau maruhā i ngā wāhi kei waho, ahakoa te tautuhinga rama e toru. Ka uru ki tēnei ngā wāhi tūnga pahi, tereina rānei kei waho.
Me takahuri ngā taura o te maruhā e piri ana ki tō kanohi i ngā taringa, māhunga rānei. Ko te tikanga o tēnei, kua kore e whakaaetia ngā kāmeta, ngā aikiha, ngā tīhāte rānei hei ārai kanohi.
He tohutohu ki te hunga kāore e āhei ki te mau maruhā
E mōhio ana mātou kāore pea e āhei ētahi tāngata whai āhuatanga hauā, āhuatanga hauora rānei, te mau haumaru.E kore pea e mārama te kite atu i te take o te whakawāteatanga. Nō reira kia māhaki.
Mēnā he whakawāteatanga tōu, kaua e māharahara ina pātai tētahi pakihi, kaimahi rānei ki a koe mēnā e taea ana e koe te mau maruhā. Ko tāna noa he whakarite i tō haumarutanga, me ō ētahi atu.Kāore i te tika kia pātai te pakihi, te kaimahi rānei ki a koe i te āhua o tō hauātanga, tō mate rānei. Engari, he tika ana kia tirohia e ia tō tohu whakawātea i te kore mau maruhā.
Ngā whakaritenga kano ārai mate
Kua kore e hiahiatia te My Vaccine Pass. Heoi kei te pakihi te tikanga ki te whakamahi tonu, ka kore rānei.
Ka mau tonu ngā whakaturetanga kano ārai mate a te kāwanatanga i ētahi rāngai mahi i te mea he pānga auau ngā kaimahi i ēnei wāhi, ki te hunga e mōrearea ana kei pā te mate taumaha o te KOWHEORI-19, he nui ake rānei te mōrearea o te pānga ki te KOWHEORI-19.
Te hāereere
Ka taea e koe te haere ki ngā wāhi katoa e hiahia ana koe, ahakoa te take, i te Whero.
Mēnā e whakarite ana koe ki te haere:
- Kaua e haere mēnā e māuiui ana koe.
- Kaua e haere mehemea kua kīia koe kia noho taratahi i te kāinga.
Mēnā kei te haere koe ki tētahi rohe e rerekē ana ngā whakaritenga rama toru, me whai koe i ngā tohutohu mō taua wāhi i tō taenga atu.
Mēnā ka kitea e pāngia ana koe e te KOWHEORI-19 i te wā e ngaro atu ana koe i te kāinga, me noho taratahi i taua wāhi e noho nā koe. Me whakarite koe i tētahi mahere ina tūpono noa tēnei āhuatanga. Māu tonu e utu i tō noho ki te noho taratahi i a koe e hāereere ana.
E herea ana te mau maruhā i runga i ngā waka kawe tūmatanui katoa, i ngā ratonga waka tiri hoki, māna, ka taea e koe te noho i waho (hei tauira, te rahoraho o te kaipuke).
Kāore he herenga tū tīrara i ngā ratonga waka kawe, i ngā taunga rererangi rānei, ngā teihana tereina, ngā teihana pahi rānei.
Me whai tonu i ngā ritenga hauora hei tiaki i a tātou katoa
Whakapōturitia te rerenga o te huaketo mā te whai i ngā ritenga hauora.
- Noho kāinga mēnā e māuiui ana
- Horoia ō ringa, whakamahia rānei te patuero
- Maremare, matihe rānei ki tō tuke
- Me auau te horoi, te patuero rānei ngā papa tiri
- Me whakapai ake i te kōhauhau
- Kia tawhiti tonu te tū i ētahi atu mēnā ka taea
Te tautoko
Te āwhina i a koe e noho taratahi ana i te kāinga
Tērā pea he āwhina e wātea ana ki a koutou ko tō whānau i a koe e noho taratahi ana i te kāinga nā te KOWHEORI-19.
Te āwhina i a koe e noho taratahi ana i te kāinga
Tautoko KOWHEORI-19 mā ngā kaituku mahi
Ka taea e koe te tono pūtea tautoko hei āwhina ki te utu i ngā moni whiwhi a ō kaimahi, otirā i a koe tonu mēnā ko koe tonu tō ake rangatira.
Tautoko KOWHEORI-19 mā ngā kaituku mahi | Te Hiranga Tangata (external link)
Mēnā kei te māuiui koe, me whakatā rānei i te mahi nā te KOWHEORI-19
Ka taea pea e Te Hiranga Tangata te āwhina i a koe mēnā kei te hiahia tautoko i a koe e noho taratahi ana i te kāinga, te āwhina rānei i tō kaituku mahi ki te utu i a koe mēnā kāore e taea e koe te mahi nā te KOWHEORI-19.
Te āwhina mā koutou ko tō whānau i te wā o te KOWHEORI-19
Rapua he aha ngā tautoko tāpiri e wātea ana ki a koutou ko tō whānau hei utu i te kai, ngā rawa waiwai, te hauora hinengaro me te oranga hoki.
Last updated: at