Te ora i te Whero | Life at Red

I te Whero, me whai tātou i ngā mahi ki te tiaki i ō tātou hapori whakaraerae me tō tātou pūnaha hauora i te KOWHEORI-19.

Mō te Whero

He herenga kei runga i ngā wāhi e taea e tātou te haere ake i te Whero. Engari tērā anō ngā mahi o ia rā ka taea e tātou katoa. Ka taea e tātou te tūtataki ki ngā hoa me te whānau, i roto, i waho hoki, te haere ki te hoko taputapu, te haere ki te kura me te hāereere.

Mā te whiwhi kano ārai mate e nui ake ai tō āraitanga. 

My Vaccine Pass (Taku Tohu Ārai Mate)

Ko te My Vaccine Pass he pūkete ōkawa o tō tūnga kano ārai mate KOWHEORI-19, hei whakamahinga i Aotearoa.

Ko te whakahau a te ture me whakaatu koe i tō Tohu Ārai Mate e uru ai koe ki ngā wāhi e whai ana i ngā whakaritenga kano ārai mate. Ka uru pea ki tēnei ngā wāhi manaaki, ngā takahanga, ngā huihuinga me ngā whare whakapakari tinana.

Kāore e taea te tono i a koe kia whakaaturia tō Tohu Ārai Mate mō ngā ratonga waiwai pēnei i ngā hokomaha, ngā waka kawe tūmatanui, me te hauora waiwai.

My Vaccine Pass (Taku Tohu Ārai Mate)

Ngā ārai kanohi i te Whero

Ka āwhina ngā ārai kanohi ki te whakaiti i te horanga o te KOWHEORI-19.

I te Whero me mau ārai kanohi koe:

  • i runga i ngā ratonga rererangi i Aotearoa
  • i runga waka kawe tūmatanui
  • i ngā wāhi taenga, wehenga o ngā ratonga waka kawe tūmatanui
  • i ngā pakihi hokohoko
  • i ngā wāhi/whare tūmatanui (engari anō ngā wāhi kaukau)
  • i ngā kēmehi
  • i ngā ratonga tākuta kararehe, me ngā ratonga hauora kararehe hoki
  • i ngā whare kōti, whakawā hoki
  • i ngā ratonga toko i te ora kua tohua
  • i ngā wāhi tūmatanui e whakahaeretia ana e NZ Post Limited
  • i ngā whare e whakahaeretia ana e ngā tari kāwanatanga, ngā kaunihera, ngā Pirihimana rānei
  • i ngā ratonga hauora, i tua atu i ngā kēmehi, ā, ehara i te tūroro
  • he kaimahi e anga atu ana ki ngā kiritaki i te pakihi, ratonga kai, inu rānei
  • he kaimahi e anga atu ana ki ngā kiritaki i tētahi pakihi tūtata ki te tangata
  • he kaimahi e anga atu ana ki ngā kiritaki i tētahi momo huihuinga 

E tino whakahaua ana kia mau ārai kanohi koe i ngā wāhi katoa.

Rapua he kōrero anō mō ngā ārai kanohi

Ko wai te hunga kāore e mate ki te mau ārai kanohi?

Te tautoko i te Whero

Mēnā kua raru tō whiwhinga moni i te KOWHEORI-19, ka taea pea e koe te whiwhi tautoko ā-moni.

Ka māraurau pea koe mēnā:

  • i whakakorea tō mahi nā runga i tō kore whiwhi kano ārai mate KOWHEORI-19
  • i whakahekea tō moni whiwhi, kāore rānei e taea e koe te mahi nā ngā herenga o te KOWHEORI
  • me haere kia whakamātauria koe mō te KOWHEORI-19
  • me noho whakamohoao
  • me whai āwhinatanga ki ngā utunga waiwai 

Rapua he aha ngā tautoko e wātea ana ki a koe

Pakihi me ngā takahanga i te Whero

Ka taea e ngā wāhi mahi te huaki i te Whero. Mēnā e tika ana mō tō mahi, ka taea e koe te mahi mai i te kāinga. Kōrero ki tō kaituku mahi mō te āhuatanga e tika ana mōu.

E āhei ana te katoa ki te whiwhi i ngā matea waiwai pēnei i te kai, te tiaki hauora, ngā waka kawe tūmatanui me te whakaruruhau ohotata. Nā tēnei take, ka noho tuwhera tonu ētahi pakihi pēnei i ngā hokomaha, ngā toa, ngā kēmehi me ētahi atu, i raro i ngā whakaritenga rama toru, ā, me te kore anō e tono ki te whakaatu i ngā Tohu Ārai Mate.

Mēnā e whakamahi ana tētahi pakihi i te Tohu Ārai Mate, me hihira te pakihi i ēnei, ā, e whakahaua ana kia matawaitia mā te taupānga Manatoko. Mēnā kāore te pakihi e whakamahi ana i ngā Tohu Ārai Mate, tērā pea he herenga kei runga i tērā.

Rapu kōrero mō te taupānga Manatoko

Mēnā kei te whakahaere koe i tētahi takahanga, tētahi hui rānei, me mātua whakarite:

  • e whāia ana ngā tepenga mō te maha o ngā tāngata
  • e mau ana ngā tāngata i ngā ārai kanohi i te wā tika
  • kia auau te horoi i ngā mata.
Te Mahi Ngā Tauira Me Taku Tohu Ārai Mate Karekau ana Taku Tohu Ārai Mate
Ngā matea waiwai Ngā hokomaha, ngā toa, ngā kēmehi, ngā karāti, ngā waka kawe tūmatanui (hāunga te rererangi), me ngā ratonga hauora me te hauātanga waiwai Kāore he tepenga mō te maha o te tangata Kāore he tepenga mō te maha o te tangata
Ngā toa hokohoko Ngā toa, nga mākete o waho, ngā pēke, aha atu. Ngā tepenga mō te maha o te tangata, i runga i te noho wehe 1 mita Ngā tepenga mō te maha o te tangata, i runga i te noho wehe 1 mita
Ngā wāhi kai Ngā whare kai, ngā wāhi inuinu, ngā whare kanikani, aha atu. Atu ki te 100 tāngata te maha e āheitia ana i tētahi wāhi motuhake me te noho wehe 1 mita

Me noho, me wehe hoki ngā kiritaki.
Te kohi pākore, te kawenga anake rānei
Ngā takahanga Ngā whare pikitia, whare whakaari, papa tākaro nui, wāhi kōnehete, wāhi huihui, whare petipeti, taiwhanga tūmataiti, aha atu. Atu ki te 100 tāngata te maha e āheitia ana i tētahi wāhi motuhake me te noho wehe 1 mita Kāore e taea te mahi
Pakihi mahi tūtata Ngā kaikuti makawe, ngā whare panipani, ngā kaiako hautū waka, ngā kaimirimiri Kāore he tepenga mō te maha o te tangata Kāore e taea te mahi

Ngā huihuinga me ngā toronga i te Whero

Ka taea ngā huihuinga i te Whero, pēnei i te tūtataki hoa, te mārena me te haere ki te whare karakia mēnā ka whakamahi koe i Taku Tohu Ārai Mate.

Ka taea e koe te whakarato kai me te inu i tō huihuinga. Mēnā nōu katoa te whare manaaki mō tō huihuinga, ehara i te mea me whai koe i ngā ture manaaki o te whakarato kai me te inu.

Ka taea e koe te toro atu ki ngā whare tiaki kaumātua, ngā whare pāpori me ngā hōhipera i te Whero. Engari, me pātai anō i ia wāhi e haere nā koe mēnā he herenga anō o taua wāhi.

Ka taea e koe te toro atu ki ō hoa me tō whānau me te kore herenga. Me whiwhi rawa ngā manuhiri ki ngā whare herehere i tētahi pota o te kano ārai mate KOWHEORI-19, neke atu rānei.

Te Mahi Ngā Tauira Me Taku Tohu Ārai Mate Karekau ana Taku Tohu Ārai Mate
Ngā huihuinga tūmatanui, tūmataiti Te tūtataki ki ngā hoa me te whānau, ngā mārena me ngā hononga ā-ture, ngā huihuinga whakapono, ngā huihuinga me ngā pāti i tō kāinga, ngā huihuinga ā-karapu, ngā hākinakina ngahau, me ngā tangihanga. I tō kāinga: Atu ki te 100 tāngata te maha e āheitia ana

I tētahi atu wāhi: Atu ki te 100 tāngata te maha e āheitia ana i tētahi wāhi motuhake me te noho wehe 1 mita
I tō kāinga: Atu ki te 25 tāngata te maha e āheitia ana

I tētahi atu wāhi: Atu ki te 25 tāngata te maha e āheitia ana i tētahi wāhi motuhake me te noho wehe 1 mita
Te toro atu ki ngā hoa me te whānau Ngā whare tiaki kaumātua, ngā whare pāpori, ngā hōhipera, ngā whare herehere rānei Kāore i te hāngai Kāore i te hāngai

Te mātauranga i te Whero

Ka tuwhera ngā whare mātauranga i te Whero.

Me mau ārai kanohi ngā ākonga katoa o te Tau 4, piki atu hoki, i rō whare, ā, i te wā e tū tata ana ki ētahi atu. Me mau ārai kanohi ngā kaimahi me ngā kaiako i te wā e whakaako ana, e tautoko ana rānei i ngā tamariki Tau 4, piki ake.

E akiakitia ana ngā mātua, ngā kaitiaki, te whānau, me ētahi atu manuhiri katoa ki te mau ārai kanohi i te kura.

E kore e taea te aukati i ngā tamariki, ngā mātua, ngā kaitiaki rānei o te tamaiti, ākonga rānei, mai i te haere ki te kura, ki ngā ratonga ako kōhungahunga rānei i runga anō i tōna tūnga kano ārai mate.

I nga wāhi mātauranga, me tino wero rawa ētahi tāngata kia whakapā ki nga tamariki me nga ākonga. Ka uru ki tēnei ko ngā kaiako, ngā kaimahi, ngā kaiwhakaako i rō kāinga, ngā kaitautoko i ngā kura me ngā pokapū ako kōhungahunga, tae atu ki ngā kaitūao, ngā kaiāwhina, ngā kaiwhakahaere me ngā kaimahi tiaki i te kura, ngā kaikirimana, me ngā manuhiri (i tua atu i ngā mātua, te whānau, ngā kaitiaki rānei o ngā ākonga).

Ka taea e ngā ākonga mātauranga tuatoru te haere ki ngā momo akoranga katoa.

Mēnā e māuiui ana koe, e tatari ana mō te hua o tētahi whakamātautau KOWHEORI-19, kua tonoa rānei kia noho whakamohoao, tēnā noho ki te kāinga, ā, kaua e haere ki tō kura mātauranga. Me whakarato tō kura, whare mātauranga tuatoru rānei i ngā kōwhiringa ako mamao mēhemea ka mate koe ki te noho i te kāinga.

Te Mahi Ngā Tauira Me Taku Tohu Ārai Mate Karekau ana Taku Tohu Ārai Mate
Ngā rōpū tākaro whaimana   Kāore he tepenga mō te maha o te tangata Kāore e taea te mahi
Te ako kōhungahunga me ngā kura   Kāore i te hāngai Kāore i te hāngai
Te mātauranga tuatoru Ngā Whare Wānanga me ngā kura tini Ngā tepenga mō te maha o te tangata, i runga i te noho wehe 1 mita Ka tukua ngā kōwhiringa ako tawhiti.

Te Hākinakina me te tākaro i te Whero

Ka taea e koe te haere ki ngā kaupapa hākinakina me te tākaro hākinakina i te Whero, me ngā herenga.

Ka uru ngā tamariki ki ngā tepenga tāngata, engari anō ngā kaimahi.

Te Mahi Ngā Tauira Me Taku Tohu Ārai Mate Karekau ana Taku Tohu Ārai Mate
Ngā hākinakina hapori kei waho Te pā whutupōro ngahau Atu ki te 100 tāngata te maha e āheitia ana i tētahi wāhi motuhake me te noho wehe 1 mita Atu ki te 25 te maha o te tangata i tētahi wāhi motuhake.
Ngā akoranga kori tinana o waho Ngā akoranga pū-āio o waho, ngā noho puni whakangungu Kāore he tepenga mō te maha o te tangata Atu ki te 25 tāngata te maha e āheitia ana i tētahi wāhi motuhake me te noho wehe 1 mita
Hākinakina i rō whare Kirikiti, poitarawhiti, te poikiri i rō whare rānei Atu ki te 100 tāngata te maha e āheitia ana i tētahi wāhi motuhake me te noho wehe 1 mita Atu ki te 25 te maha o te tangata i tētahi wāhi motuhake.
Ngā mahi a rēhia Ngā whare whakapakari tinana me ngā whare rēhia pēnei i ngā whare kanikani, pū-āio, karapu hauora, pīrori maita me ngā papa reti huka Atu ki te 100 tāngata te maha e āheitia ana i tētahi wāhi motuhake me te noho wehe 1 mita Kāore e taea te mahi
Ngā whare tūmatanui Ngā whare pukapuka, ngā taiwhanga tūmatanui, ngā whare taonga, ngā whare kararehe, ngā puna kaukau, ngā whare rēhia. Ngā tepenga mō te maha o te tangata, i runga i te noho wehe 1 mita Ngā tepenga mō te maha o te tangata, i runga i te noho wehe 1 mita

Te hāereere i te Whero

Ka āhei koe ki te haere i ngā wāhi katoa ahakoa he aha te take i te Whero.

Ka hiahia pea ētahi kaiwhakahaere waka kawe, pēnei i a Air New Zealand me ngā waka whiti o Te Moana o Raukawa, kia whakaatu koe i tētahi tohu ārai mate, tētahi hua whakamātautau KOWHEORI-19 i mahia i te 72 hāora iti ake rānei i mua o tō haerenga, i mua i tō pikinga mēnā he pakeke ake koe i te 12 tau.

Kāore e wātea ana ngā whakamātautau mō te hāereere i ngā pokapū whakamātautau ā-hapori. Ina hiahia koe i tētahi whakamātautau mō tēnei take, māhau e whakarite, ā, māhau anō e utu.

Mēnā e whakarite ana koe ki te haere:

  • Kaua e haere mēnā e māuiui ana koe.
  • Kaua e haere mehemea kua kīia koe kia noho taratahi.
  • Ehara i te mea me whai tohu ārai mate koe, hua tōraro rānei o te whakamātautau KOWHEORI-19, māna, e herea ana e te kaiwhakahaere waka kawe.
  • Mēnā kei te haere koe ki tētahi wāhi whakaritenga kē, me whai koe i ngā tohutohu mō taua wāhi i tō taenga atu.
  • Kāore he herenga tū tīrara i ngā ratonga waka kawe, i ngā taunga rererangi rānei, ngā teihana tereina, ngā teihana pahi rānei. 

He aha te wāhi tautohu?

Ko te wāhi tautohu he wāhi kotahi, i rō whare, i waho rānei, e wehea mai ana i ētahi atu wāhi.Mēnā he nui ngā wāhi tautohu o tō whare whakahaere kaupapa, me whakarite koe kia kaua aua rōpū e whakawhitiwhiti.

Ka rerekē pea te āhua o tēnei i te whakatinanatanga. Hei tauira, tērā pea me whakarite i ngā tomokanga tāuke mō ngā wāhi tiri, me whakarerekē rānei i te wā tīmata. Tērā pea me whakarite i ngā wharepaku rerekē, me te taupaepae rerekē mō ia rōpū. 

Me tiaki tonu tētahi i tētahi

Ahakoa he whenua a Aotearoa i nui te whirinaki ki te kano ārai mate, ka taea tonu e te KOWHEORI te horapa i te hapori.

Hei whakapōturi i te horapatanga o te huaketo, me te āwhina anō ki te tiaki i a koutou ko tō whānau me tō hapori, me mea nui tonu kia whāia tonu ngā whanonga hauora:

  • Me āta horoi me te whakamaroke i ō ringa.
  • Me matihe, maremare hoki ki tō tuke.
  • Me noho tawhiti koe mai i ētahi atu kāore koe i te mōhio.
  • Me horoi, me patuero rānei ngā mata e tiria ai.
  • Mēnā he tohumate rewharewha, KOWHEORI-19 rānei āu, noho ki te kāinga, ā, me whai whakamātautau.

Ka mahi tonu ngā ratonga ohotata i ngā whakaritenga katoa o te rama toru. I te wā o te ohotata, waea ki 111.

Last updated: at