Mō te pou tarāwaho | About the framework

Ka whakakapi te Pou Tarāwaho Ārai KOWHEORI-19 i te pūnaha Taumata Whakatūpato onāianei e whakamahia ana e te kāwanatanga hei urupare ki te KOWHEORI-19 i Aotearoa.

Ka whakakapi te Pou Tarāwaho Ārai KOWHEORI-19 i te pūnaha Taumata Whakatūpato onāianei e whakamahia ana e te kāwanatanga hei urupare ki te KOWHEORI-19 i Aotearoa.

He whakamahi i tētahi aronga 3 taumata hei whakahaere i te KOWHEORI-19 i roto i te hapori:

  • Kākāriki – ka whakamahia ina iti noa te KOWHEORI-19 i roto i te hapori, ka taea te whakahaere te hunga kei rō hōhipera, ka taea e te pūnaha hauora te urupare.
  • Karaka – ka whakamahia ina piki haere ana te rere ā-hapori o te KOWHEORI-19, e whakapaua ana ngā rawa a te pūnaha haora katoa ki te whakahaere i te urutā, kei te piki haere te mōrea ki te iwi whānui.
  • Whero – e whakamahia ana ina hiahiatia ana kia whakamarutia te pūnaha hauora me te whakamaru i ngā taupori noho mōrea.

Ka taea e tātau te whakapiki ngā taumata ina hiahiatia ana hei whakahaere i ngā urutā. He ngāwari ake te pou tarāwaho i te pūnaha Taumata Whakatūpato onāianei. He nui ake te herekore o te hunga kua whiwhi kano ārai mate.

I ngā taumata katoa, ka noho tuwhera te nuinga o ngā pakihi, ngā toa hokohoko me ngā whakanōhanga tūmatanui ki te hunga whiwhi kano ārai mate. Ko ngā pakihi ka tuwhera anake ki ngā kiritaki whiwhi kano ārai mate he iti iho te mōrea.

Ngā whakaritenga hauora tūmatanui

Ka haere tonu ngā aromatawai, whaiwhai i te pātanga me te noho taratahi hei tikanga hira mō te whakaiti i te hōrapa o te huaketo.

Ka whakamahia tonutia ngā rāhui ā-rohe mēnā ka tere piki ngā kēhi. Tērā pea ka mate tonu ki te whakamahi i ngā rāhui whānui ake.

Hei neke i waenga taumata, ka whakaarohia e mātau te:

  • whānuitanga o te kano ārai mate
  • kaha o te pūnaha hauora me te hauātanga
  • aromatawai, whaiwhai i te pātanga me te kaha o te whakahaere kēhi, me
  • te hōrapa o te KOWHEORI-19 i roto i te hapori, tae atu ki tōna pānga ki ngā taupori hira.

Ngā whakaritenga tiwhikete kano ārai mate

He tikanga matatapu te tiwhikete kano ārai mate hei whakaatu kua whiwhi koe i ngā kano ārai mate katoa.

He kōwhiringa te whai tiwhikete kano ārai mate mō ngā wāhi maha. Kei reira pea ētahi wāhi mōrea nui ake e hiahiatia ana ērā kia tuwhera ai ki te iwi whānui.

Ka kōwhiri pea ngā pakihi, huihuinga, whakahaere, hapori me ngā tūmomo rāngai ki te whakauru mai i ngā whakaritenga kuhunga kano ārai mate e ai ki te ture mā ngā kiritaki.

Mēnā kāore e hiahia ana tētahi pakihi, whakahaere, ratonga rānei ki te tono whakaaturanga kano ārai mate, me whakahaere rānei i raro i ngā tikanga tino whāiti mō ngā whakaritenga tokomaha me te whānui. Tērā pea ka mate rātau ki te kati i ngā taumata Karaka, Whero hoki/rānei.

Ka taea e ngā tāngata katoa 12 tau, pakeke atu rānei te uru ki ā rātau pūkete kano ārai mate KOWHEORI-19 mā tētahi paetukutuku e kīia ana ko My Covid Record.

I konei ka taea e koe te tikiake ngā tiwhikete kano ārai mate matihiko ā-motu, ā-ao me te kimi i ō otinga aromatawai KOWHEORI-19.

My Covid Record (external link)

He aha te tikanga o ēnei taumata

Kākāriki

Ko te Kākāriki kei roto ētahi kēhi KOWHEORI-19 i te hapori, me ētahi kēhi nō tāwāhi. Ka whāiti te rere ā-hapori, ā, ka taea te whakahaere te hunga kei rō hōhipera nā te KOWHEORI-19. Ka mataara te pūnaha hauora ki te urupare, tae atu ki ngā hauora matua, hauora tūmatanui, me ngā hōhipera.

He pēhea tā tātau noho haumaru i te Kākāriki:

  • Me mātua tiaki pūkete me te matawai
  • He mea whakahauanga ngā ārai kanohi i runga rerenga, ā, e whakatenatenatia ana i rō whare

E āhei ana ki te haere ki hea i te Kākāriki:

  • Ngā whakanōhanga tūmatanui
  • Ngā toa hokohoko
  • Ngā wāhi mahi
  • Ngā ECE, ngā kura me ngā kaiwhakarato mātauranga matua
  • Ngā huihuinga hapori tauwhāiti i waho
  • Kāore e hāngai ngā rāhuitanga rohenga ā-rohe.

Karaka

I te Karaka, ka nui haere te rere ā-hapori e pēhi ana i tā tātau pūnaha hauora. Ka aro ngā rawa katoa o te pūnaha hauora whānui, engari ka taea tonu te whakahaere te hauora matua, hauora tūmatanui, hōhipera hoki. Ka piki haere anō pea te mōrea mō te hunga noho mōrea.

He pēhea tā tātau noho haumaru i te Karaka:

  • Me mātua tiaki pūkete me te matawai
  • He mea whakahauanga ngā ārai kanohi i runga rerenga, wāhi tūmatanui, i rō tēkehi, wāhi tūmatanui, ā, e whakatenatenatia ana i ētahi atu wāhi

E āhei ana ki te haere ki hea i te Karaka:

  • Ka tuwhera ngā whakanōhanga tūmatanui me ngā tepenga tokomaha e ai ki te noho tawhiti o te 1m
  • Ka tuwhera ngā wāhi hokohoko me ngā tepenga tokomaha e ai ki te noho tawhiti o te 1m
  • Ka noho tuwhera ngā whakanōhanga mātauranga ki ngā whakaritenga hauora tūmatanui i te wāhi mahi
  • Ngā wāhi mahi
  • Ngā huihuinga hapori tauwhāiti i waho
  • Kāore e hāngai ngā rāhuitanga rohenga ā-rohe.

Whero

I te Whero, me tahuri ki te whakamaru i te hunga noho mōrea me te whakamaru i tā tātau pūnaha hauora kei pokea e te tokomaha rawa o te tāngata e uru ana ki rō hōhipera.

He pēhea tā tātau noho haumaru i te Whero:

  • Me mātua tiaki pūkete me te matawai
  • He mea whakahauanga ngā ārai kanohi i runga rerenga, wāhi tūmatanui, i rō tēkehi, wāhi tūmatanui, e tūtohua ana ina wehe ana i te whare

E āhei ana ki te haere ki hea i te Whero:

  • Ngā whakanōhanga tūmatanui — ka huaki me ngā tāngata atu ki te 100, e ai ki te noho tawhiti o te 1m
  • Ngā wāhi hokohoko — ka tuwhera ngā wāhi hokohoko me ngā tepenga tokomaha e ai ki te noho tawhiti o te 1m
  • Ngā wāhi mahi — e whakatenatenatia ana te mahi mai i te kāinga
  • E tuwhera ana ngā ECE me ngā kura me ngā whakaritenga hauora tūmatanui
  • Ngā huihuinga hapori o waho — e whakaaetia ana me ngā tepenga tokomaha
  • Ka hāngai pea ngā rāhuitanga rohenga ā-rohe

Me whiwhi kano ārai mate

Kia tino whai hua te noho i Aotearoa, me whiwhi kano ārai i tēnei rā.

Mēnā kua whiwhi kano ārai mate, me whakapau kaha koe ki te āwhina i ō hoa me tō whānau ki te whiwhi kano ārai mate kia tere ake ai te pārekareka o ō tātau rā katoa i roto i te pūnaha hou.

BookMyVaccine (external link)

Last updated: at