Ngā pānui me ngā rauemi | Posters and resources

E wātea ana ngā pānui me ngā rauemi i tō reo.

E whakarato ana mātou i te whānuitanga huhua o ngā rauemi tautoko pakihi, wāhi mahi, hapori me ngā whakahaere ki te whakatinana i ngā whakaritenga o te Pou Tarāwaho Ārai KOWHEORI-19.

Ka taea e koe te tikiake me te tārua i ā mātou tohu, tātauira, pānui, ataata me ngā papariki pae pāhopori i tā mātou Keteparaha Rauemi.

Ka taea hoki e koe te tono i ngā tāruatanga koreutu o ā mātou rauemi me ngā huarawa mai i tā mātou Tomokanga Bluestar. (external link)

Te tikiake i ngā pānui me ngā rauemi – Keteparaha Rauemi

  1. Haere ki toolkit.covid19.govt.nz (external link) ka whakamahi i te pātene Login/Register ki te hanga pūkete.
  2. Whakamahia te āputa rapunga ki te whakauru kupu matua e hāngai ana ki te rauemi e rapu ana koe. He reo Pākehā te pae. Nō reira mēnā e kimi ana koe i ngā rauemi kua whakamāoritia, me rapu mā ngā kupu Pākehā (hei tauira, face coverings, contact tracing, testing, aha atu.) Ka taea hoki e koe te rapu i tō reo e kitea ai ngā rauemi katoa e wātea ana.
  3. Kia mutu tō pato ki te Search ka taea e koe te whakarei ake i ō hua mā ngā tātari takaiho.
  4. Kia kitea e koe tāu e hiahia ana, tīkina ake, tiria, tāpiritia rānei ki tō kete mēnā e tīkina ake ana e koe ngā tūemi maha.

Mēnā he pātai āu, e hiahia āwhina ana rānei, īmēra ki COVID19Brand@dpmc.govt.nz

Te tono i ngā rauemi tārua kore utu - Bluestar Portal

Me tono i ngā huarawa kore utu mā tō pakihi, whakahaere hapori, takahanga rānei mā tā mātou rārangi tuihono, ā, ka tukua ngā rauemi hāngai ki a koe, tō pakihi, tō rōpū hapori rānei.

Haere ki te Bluestar Portal. (external link)