La‘u pepa tuipuipui e ulufale ai | My Vaccine Pass

O le My Vaccine Pass o se faamaumauga aloaia o ou tuipuipui o le COVID-19 na fai e mafai ona faaaogā i totonu o Niu Sila.

Tulaga moomia o tuipuipui

E lē toe moomia le faaali o My Vaccine Passes. Peitai, e mafai e pisinisi ona faaauau pea ona faaaogā pepa nei.

E tumau pea le faamalosia o le faia o tuipuipui e le malo mo nisi o matātā talu ai tulaga e tele ina fesootai ai tagata e lamatia i se faama'i ogaoga pe a pesia i le COVID-19, po o le vave ona pesia i le COVID-19.

Tuipuipui ma galuega

Faamatalaina o le My Vaccine Pass

O le My Vaccine Pass o se QR code e mafai ona faaaogā e faamaonia ai ou tuipuipui na fai. Na o le pau lea o le ituaiga o faamaoniga e taliaina. E lē mafai ona taliaina le pepa lanu viole na tuuina atu ia te oe i le mae'a ai ona fai o ou tuipuipui po o se tusi e faamaonia ai ou tuipuipui na fai.

E lē moomia e tagata e lei atoa le 12 tausaga ma le 3 masina o le matua ona faailoa se faamaoniga o tuipuipui.

Saili i faamatalaga o maua i le COVID-19 Protection Framework

E mafai ona e talosaga mo se Vaccine Pass pe afai:

  • ua atoa le 12 o ou tausaga pe luga atu ma na faia ou tui e 2 o le tuipuipui o le Pfizer COVID-19 i totonu o Niu Sila.
  • na faia i se isi atunuu ou tuipuipui o ituaiga tuipuipui ua aloaia le faaaogāina (external link).
  • na faia ou tui e 2 o le tuipuipui o le AstraZeneca i totonu o Niu Sila.
  • ua e maua se tuusaunoaga faafomai.

O le a aofia i lau Vaccine Pass lou igoa, aso fanau ma lau QR code. E mafai ona e faamauina i se masini faatekonolosi, e pei o lau telefoni, po o le lolomi o se kopi i le laupepa.

E uma le aogā i le 6 masina mai le aso na tuuina atu ai.

Auala e maua ai se Vaccine Pass

O le auala pito sili ona vave e maua ai se Vaccine Pass o le upegatafailagi My Covid Record. E faitau minute le umi e faatali ai lau pass, ma e lafo atu i lau imeli i totonu o le 24 itula.

Saili i auala e lesitala ai mo le My Covid Record

A mae'a ona e lesitala i le My Covid Record:

  1. Tatala le itulau.
  2. Tagai i le vaega e ta'ua o le ‘Passes and certificates’ ma filifili le‘Request pass or certificate’.
  3. O le a tatala ai le ‘Select a pass or certificate.’ Filifili le ‘My Vaccine Pass’ ona filifili lea o le ‘Continue’
  4. Vaai i le ‘Your details’ o lena e te iloa atu, e tusi ai lau imeli na lafo atu i ai lau vaccine pass ma filifili le ‘Request pass’
  5. O le a faailoa atu se faamaoniga i lau masini faatekonolosi.
  6. E tatau ona e maua se imeli o lafo atu ai lau vaccine pass i totonu o le 24 itula.
  7. A e maua le imeli, e mafai ona e faamauina lau vaccine pass i lau telefoni pe a e tago e oomi le ki ‘Add to Apple Wallet’ po o le Google Pay, ‘Save to phone’ E mafai ona e faia se kopi ma lolomi le laupepa PDF.

Afai e lē o mafai ona e maua le My Covid Record, pe e te manao e talosaga se vaccine pass mo se isi, faafesootai le Matagaluega o Soifua Maloloina i le imeli po o le telefoni.

Imeli: help@mycovidrecord.min.health.nz
Telefoni: 0800 222 478 (8am i le 5pm, Aso Gafua i le Aso Faraile)

Afai na fai ou tuipuipui i se isi atunuu

O le a moomia ona e talosaga i le Matagaluega o Soifua Maloloina e faaopoopo faamaumauga o ou tuipuipui na faia i se isi atunuu i le New Zealand’s COVID Immunisation Register (CIR). E moomia ona e faia muamua le tulaga lea a o lei tuuina atu lau Vaccine Pass.

Saili i faamatalaga i tuipuipui ma pepa faamaonia o tuipuipui o le COVID-19 na faia i se isi atunuu (external link)

O ai e mafai ona tuusaunoa?

Afai e lē o mafai ona e faia le tuipuipui o le Pfizer ona o mafuaaga faasoifua maloloina, e iai le faiga e faagasolo ai le maua o sau Vaccine Pass. E moomia ona e talanoa i lau fomai e tuuina mai ai e lau fomai se talosaga.

Saili i faamatalaga i tulaga e tuusaunoa ma pepa faamaonia o tuipuipui (external link)

Last updated: at